Filipi 4:4 - Perjanjian Baru Bahasa Melayu Maluku Utara

⁴ Ngoni pe hati musti salalu sanang karna ngoni so satu hati deng Tuhan! Kita bilang satu kali lagi: ngoni sanang suda!

Filipi 4:4 Iomraidhean Croise

Matius 5:12

Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Kisah Para Rasul 16:25

Kira-kira tenga malam, Paulus deng Silas berdoa deng manyanyi puji pa Tuhan Allah deng lagu-lagu rohani. Orang-orang tahanan laeng me dengar pa dorang.

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Roma 12:12

Ngoni musti sanang suda, karna torang bole baharap deng yakin pa Tuhan. Ngoni musti sabar biar dapa siksa, deng ngoni lagi musti rajin berdoa!

2 Korintus 6:10

Biar torang dapa banya susa, torang pe hati tetap saja rasa sanang. Biar torang tara ada doi, tapi torang so bantu banya orang la percaya pa Yesus Kristus, itu sama deng torang biking dorang jadi kaya. Deng biar torang tara ada apa-apa di dunia, tapi sebenarnya torang dapa samua-samua dari Tuhan.

Galatia 1:8

Tapi dengar bae-bae! Kalu ada dari torang atau malaekat satu dari sorga yang datang kase tau pa ngoni ajaran yang tara sama deng Kabar Bae tentang Yesus Kristus yang ngoni so tarima dari torang, dia itu suda Tuhan Allah mo kutuk!

Filipi 2:18

Bagitu lagi deng ngoni. Ngoni pe hati musti iko sanang, deng ngoni musti rasa sanang sama-sama deng kita.

Filipi 3:1

Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.