Filipi 4:21 - Perjanjian Baru Bahasa Melayu Maluku Utara

²¹ Ngoni kirim kita pe salam pa samua orang yang so jadi Tuhan Allah pe umat yang ada di situ, dorang yang so satu hati deng Kristus Yesus. Kong ada salam lagi dari sudara-sudara yang percaya yang ada sama-sama deng kita di sini.

Filipi 4:21 Iomraidhean Croise

Matius 5:47

Kalu ngoni cuma kase salam pa ngoni pe tamang-tamang, jang ngoni anggap Tuhan Allah mo pikir ngoni ini lebe bae dari orang laeng. Barang, orang-orang yang tara kanal pa Tuhan Allah me balas kase salam pa orang yang kase salam pa dorang.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

Galatia 1:2

Salam untuk ngoni jemaat-jemaat yang ada di daera Galatia. Samua sudara yang percaya yang ada sama-sama deng kita di sini me ada kirim salam pa ngoni!

Galatia 2:3

Tapi dorang setuju deng ajaran yang kita ajar pa orang bukang Yahudi, deng dorang me tarima pa Titus, orang bukang Yahudi yang ada sama-sama deng kita, deng dorang tara paksa pa dia la dapa sunat iko aturan di lima kitab Musa.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

Filipi 4:7

Kalu ngoni biking bagitu, Tuhan Allah mo biking ngoni pe hati tetap tenang, hati tenang itu yang tara mungkin manusia mo mangarti. Rasa tenang itu akan salalu biking ngoni pe hati deng pikiran tenang, karna ngoni so satu hati deng Kristus Yesus.