Filipi 4:1 - Perjanjian Baru Bahasa Melayu Maluku Utara

¹ Jadi, sudara-sudara yang kita sayang deng yang kita rindu. Ngoni yang biking kita pe hati sanang, deng ngoni lagi yang biking kita bangga. Kita minta supaya ngoni tetap percaya turus pa Tuhan, sama deng yang tadi kita so bilang.

Filipi 4:1 Iomraidhean Croise

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Yohanes 8:31

Turus, Yesus bilang pa orang-orang agama Yahudi yang so percaya pa Dia, “Kalu ngoni biking turus Kita pe ajaran, ngoni butul-butul Kita pe murit.

Kisah Para Rasul 11:23

Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

1 Korintus 16:13

Ngoni musti jaga diri bae-bae! Ngoni pe percaya musti kuat pa Tuhan! Jang ngoni tako, tapi ngoni musti barani!

2 Korintus 1:14

Skarang ngoni baru mangarti sadiki kita pe hati. Kita harap nanti waktu Tuhan Yesus datang ulang, ngoni jemaat Korintus mo hati sanang deng torang karna samua yang torang so biking, deng torang me mo hati sanang deng ngoni karna samua yang ngoni so biking.

Galatia 5:1

Sudara-sudara, torang skarang so bebas, karna Yesus Kristus so kase bebas pa torang dari aturan-aturan di lima kitab Musa la torang dapa slamat. Karna itu, torang musti tetap kuat percaya, jang kase biar torang pe diri taika deng aturan-aturan itu lagi, barang itu sama deng torang jadi aturan itu pe suru-suru.

Filipi 1:27

Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.

Filipi 1:8

Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

Filipi 2:16

Ngoni pegang kuat suda Tuhan Allah pe firman yang bole biking orang hidup deng Tuhan Allah slama-lamanya. Kalu ngoni hidup bagitu, nanti kita pe hati bole sanang waktu Yesus Kristus datang ulang yang kedua kali, karna ngoni butul-butul percaya pa Yesus Kristus. Kong karna ngoni pe percaya itu, kita bole tau, kita pe usaha kase tau Kabar Bae pa ngoni di dunia ini tara sia-sia, tapi ada dia pe hasil.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

1 Tesalonika 3:13

Torang minta bagitu, supaya nanti waktu torang pe Tuhan Yesus datang ulang sama-sama deng samua orang yang so jadi Dia pe umat, ngoni jadi orang yang pe hati bersi pa Tuhan Allah, torang pe Bapa pe muka, deng Dia tara dapa ngoni pe sala apa-apa.

2 Tesalonika 2:15

Jadi sudara-sudara, ngoni musti tetap iko turus pa Tuhan! Pegang bae-bae samua ajaran yang torang so ajar pa ngoni, bae itu yang torang bilang langsung deng yang torang bilang deng surat.

2 Timotius 2:1

Timotius, ngana so sama deng kita pe ana sandiri! Kristus Yesus so kase Dia pe bae pa ngana, jadi pake itu untuk kase kuat ngana pe hati karna ngana so percaya pa Dia.

Ibrani 10:23

Mari suda torang tetap pegang kuat torang pe percaya pa Yesus yang torang so akui itu, Dia itu torang pe tampa baharap. Barang, Tuhan Allah itu setia, Dia pasti biking samua yang Dia so janji pa torang.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

Ibrani 4:14

Skarang ini torang so untung, karna torang so ada Imam Basar yang Paling Hebat. Dia itu suda Yesus Kristus, Anak Allah. Dia yang kase bae-bae torang manusia yang berdosa pe hubungan deng Tuhan Allah. Dia so nae di sorga, kong so ada sama-sama deng Tuhan Allah. Jadi, mari suda torang tetap kuat percaya pa Dia.

2 Petrus 3:17

Jadi sudara-sudara yang kita sayang, ngoni so kamuka tau samua itu. Karna itu ngoni musti ati-ati deng guru-guru palsu yang jaga malawang Tuhan Yesus pe ajaran, supaya ngoni tara iko dong pe sala itu, tapi ngoni tetap percaya.