Filipi 3:8 - Perjanjian Baru Bahasa Melayu Maluku Utara

⁸ Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Filipi 3:8 Iomraidhean Croise

Lukas 1:43

Kita sanang skali, karna biar kita ini cuma orang biasa yang tara pantas, tapi kita pe Tuhan pe mama so datang kamari pa kita.

Lukas 11:20

Tapi Kita, kalu Kita user setang-setang pake Tuhan Allah pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Yohanes 14:20

Kong waktu Kita hidup ulang itu, ngoni akan tau, Kita ini satu deng Kita pe Bapa kong ngoni ini satu deng Kita, kong Kita satu deng ngoni.

Yohanes 14:7

Kalu ngoni so kanal butul pa Kita, pasti ngoni kanal lagi pa Kita pe Bapa. Jadi mulai skarang ini, ngoni so kanal lagi pa Dia deng ngoni lagi so lia pa Dia.”

Yohanes 16:3

Dorang mo biking bagitu pa ngoni karna dorang tara kanal butul pa Kita pe Bapa deng dorang lagi tara kanal pa Kita.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 17:8

Barang, samua yang Bapa so bilang pa Kita, Kita so kase tau pa dorang, kong dorang percaya. Dorang butul-butul tau, Kita ini datang dari Bapa, kong dorang percaya, Bapa yang utus pa Kita.

Yohanes 20:13

Malaekat dua itu batanya pa dia, “Ibu, bikiapa kong ibu manangis?” Maria jawab pa dorang, “Kita manangis karna dorang so ambe kita pe Tuhan kong kita tara tau dorang taru di mana.”

Yohanes 20:28

Tomas bilang pa Yesus, “Bapa ini memang kita pe Tuhan deng kita pe Tuhan Allah.”

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Roma 8:18

Kita yakin, torang pe sengsara yang torang dapa skarang di dunia ini, itu cuma kacil kalu kase banding deng sanang yang luar biasa yang nanti Tuhan Allah mo kase pa torang.

Roma 8:39

Biar lagi kuasa-kuasa yang ada di langit deng di bumi atau apa saja yang ada, tara ada yang bisa biking sampe torang tapisa deng Tuhan Allah pe sayang karna apa yang Kristus Yesus, torang pe Tuhan so biking.

1 Korintus 2:2

Barang waktu itu, kita so ambe keputusan bagini: selama kita ada sama-sama deng ngoni, yang paling penting yang kita mo bicara pa ngoni itu tentang Yesus Kristus, bukang mo pusing deng hal-hal laeng. Kita cuma mo bicara pa ngoni tentang Dia yang so mati di kayu salib untuk kase slamat pa manusia.

1 Korintus 9:10

Ngoni so tau to, tulisan itu pe tujuan untuk torang manusia! Tulisan itu pe arti bagini: orang yang bakarja di kobong, atau yang batumbu gandum untuk kase lapas dia pe kuli, dong pantas baharap mo dapa bagian dari dong pe karja itu. Bagitu lagi deng torang rasul-rasul.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

Galatia 1:16

Waktu Tuhan Allah pangge pa kita itu, deng sanang hati Dia kase lia Dia pe Anak, la kita kanal sapa Dia supaya kita bole kase tau pa orang-orang yang bukang Yahudi tentang Dia pe Anak itu. Kong waktu kita so abis lia Dia pe Anak, kita tara minta pa sapa-sapa untuk bantu pa kita kase mangarti Kabar Bae tentang Yesus Kristus itu, karna kita so tarima langsung dari Dia.

Efesus 4:13

sampe torang samua jadi satu karna sama-sama percaya pa Yesus Kristus, deng torang bole kanal pa Dia, Anak Allah. Torang lagi bole butul-butul iko pa Dia, deng torang pe sifat lebe hari lebe tamba bae sampe sama deng Yesus Kristus pe sifat.

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

Filipi 3:10

Skarang, yang kita paling ingin itu, kita mo kanal butul-butul pa Yesus Kristus, deng mo rasa kuasa yang kase hidup ulang pa Dia waktu Dia mati. Kita so siap menderita deng mati karna kase tau Kabar Bae tentang Yesus Kristus, sama deng dulu Dia me perna menderita deng mati.

Filipi 3:12

Kita tara perna anggap kita ini so mampo hidup sama deng Yesus Kristus, atau kita ini so sempurna. Tarada kasiang! Tapi kita berusaha turus supaya kita bole hidup sama deng itu, karna Kristus Yesus so pili pa kita jadi Dia punya waktu kita percaya pa Dia.

Filipi 3:7

Tapi, samua-samua yang dulu kita anggap bawa untung pa kita itu, skarang kita anggap so tara untung, karna cuma pa Yesus Kristus saja kita pe tampa baharap skarang.

2 Timotius 4:6

Tapi tentang kita, kita rasa kita pe waktu di dunia so tara lama lagi. Tara lama lagi kita akan mati kong kita pe hidup akan sama deng anggur yang ada kase cura untuk jadi persembahan pa Tuhan Allah.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

1 Petrus 2:7

Jadi untuk ngoni yang percaya pa Yesus, Dia itu paling berharga. Tapi untuk dorang yang tara percaya, Tuhan Allah so bilang bagini di Kitab Suci, “Batu yang tukang-tukang bangunan so tara pake, so jadi batu fandasi yang paling penting.”

2 Petrus 1:2

Kita minta pa Tuhan Allah supaya Dia kase Dia pe bae pa ngoni deng Dia salalu biking ngoni pe hati tetap tenang, kong Dia kase itu talebe-lebe karna ngoni so kanal pa Tuhan Allah deng pa Yesus Kristus, torang pe Tuhan.

2 Petrus 1:3

Tuhan Allah itu hebat deng hati bae, kong karna itu, Dia pangge pa torang untuk iko pa Dia la torang kanal pa Dia. Kong karna torang so kanal pa Dia, Dia pake Dia pe kuasa yang basar untuk kase pa torang samua yang torang perlu supaya torang bole hidup iko Dia pe mau.

2 Petrus 1:8

Kalu ngoni biking samua yang bae itu, kong ngoni tamba biking itu turus, itu ada guna untuk ngoni, karna itu akan bantu pa ngoni untuk lebe kanal pa Yesus Kristus, torang pe Tuhan.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.

1 Yohanes 1:3

Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.