Filipi 3:7 - Perjanjian Baru Bahasa Melayu Maluku Utara

⁷ Tapi, samua-samua yang dulu kita anggap bawa untung pa kita itu, skarang kita anggap so tara untung, karna cuma pa Yesus Kristus saja kita pe tampa baharap skarang.

Filipi 3:7 Iomraidhean Croise

Matius 16:26

Tarada dia pe untung to, kalu satu orang dapa samua harta di dunia ini, tapi dia tara dapa hidup deng Tuhan Allah slama-lamanya. Pasti tarada yang bole dia kase untuk dapa hidup deng Tuhan Allah slama-lamanya.

Markus 10:50

Pe dengar bagitu, orang buta itu capat-capat lapas dia pe juba kong dia badiri pigi pa Yesus.

Lukas 14:26

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Lukas 14:33

Bagitu lagi deng ngoni. Kalu ngoni mau jadi Kita pe pengikut, ngoni bapikir bae-bae dulu, ngoni mampo mo kase tinggal samua yang ngoni punya ka tarada. Kalu ngoni tara mampo itu, ngoni tara bisa iko pa Kita.”

Lukas 16:8

Waktu orang kaya itu dengar dia pe orang karja yang tara jujur itu biking bagitu, dia puji. Barang, dia pe orang karja itu pande ambe hati pa orang-orang supaya dorang bole tolong pa dia nanti. Memang orang-orang yang salalu iko dunia pe mau lebe pintar baakal daripada orang yang hidup dalam tarang yang iko Tuhan Allah pe mau.

Kisah Para Rasul 27:38

Bagitu samua orang so kanyang, orang-orang di kapal itu buang samua gandum yang ada dalam karong di aer masing supaya kapal jadi haringan.

Ibrani 11:26

Musa lebe suka batahang deng hina yang dia dapa karna dia iko Tuhan Allah pe mau, daripada tetap tinggal di Mesir untuk jadi orang kaya. Barang, Musa percaya Tuhan Allah pe janji untuk utus pa Mesias, Raja yang akan kase slamat pa manusia, kong dia tunggu-tunggu upah yang Tuhan Allah mo kase nanti di sorga.