Filipi 3:16 - Perjanjian Baru Bahasa Melayu Maluku Utara

¹⁶ Tapi yang penting itu, torang hidup iko turus apa yang Tuhan Allah so kase tunju pa torang sampe skarang.

Filipi 3:16 Iomraidhean Croise

Roma 12:16

Ngoni musti hidup satu hati deng ngoni pe sudara-sudara yang percaya. Jang basombong tapi musti batamang deng sapa saja, biar orang itu orang laeng anggap dia tara arti. Kong jang ngoni anggap ngoni pe diri so pande!

Roma 15:5

Tuhan Allah yang biking orang bole tetap percaya biar dapa siksa, deng yang kase smangat orang pe hati supaya lebe tamba kuat iko pa Dia. Kita minta pa Dia supaya Dia tolong pa ngoni la ngoni bole hidup satu hati deng ngoni pe sudara yang sama-sama percaya, iko Kristus Yesus pe cara hidup.

Galatia 5:7

Dulu, pe bagus skali ngoni iko pa Tuhan Yesus, ngoni bole mo kase sama deng orang yang iko lomba lari kong ada lari bae-bae. Tapi skarang ini, ngoni so tara sama deng yang dulu lagi. Sapa yang so pengaru pa ngoni sampe ngoni so tara iko lagi ajaran yang butul?

Galatia 6:16

Turus ngoni yang hidup iko apa yang kita bilang ini, kita minta supaya Tuhan Allah salalu biking ngoni pe hati tetap tenang deng supaya Dia kase Dia pe rasa kasiang pa ngoni. Ngoni yang hidup bagitu, ngoni itu suda Tuhan Allah pe umat.

Filipi 1:27

Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.

Filipi 2:2

Jadi, ngoni biking suda kita pe hati lebe tamba sanang deng cara bagini: ngoni musti hidup satu hati deng satu pikiran, ngoni musti lebe baku-baku sayang, ngoni musti ada hubungan dekat satu deng yang laeng, deng ngoni lagi musti hidup deng satu tujuan.

Filipi 4:2

Kita minta pa Euodia deng Sintikhe, supaya ngoni dua baku bae ulang, sama deng yang pantas orang yang so percaya pa Tuhan musti biking.

Kolose 2:6

Sudara-sudara, ngoni so tarima pa Kristus Yesus jadi ngoni pe Tuhan, jadi ngoni musti tetap hidup satu hati deng Dia.

Kolose 4:2

Sudara-sudara, ngoni musti berdoa turus-turus. Kong waktu ngoni mo berdoa, ngoni musti perhatikan bae-bae apa yang ngoni mo bilang dalam doa itu, deng bilang tarimakasi banya pa Tuhan Allah.

Wahyu 3:3

Karna itu, ngoni inga suda turus ajaran yang ngoni so dengar deng tarima itu waktu ngoni baru percaya pa Kita. Ngoni musti iko ajaran itu deng bertobat suda. Kalu ngoni tara bertobat, Kita mo datang hukum pa ngoni. Kita mo datang kage-kage sama deng papancuri, deng ngoni tara tau tempo apa Kita datang.