Filipi 3:13 - Perjanjian Baru Bahasa Melayu Maluku Utara

¹³ Sudara-sudara, kita sandiri me tara anggap kita pe hidup so sama deng Yesus Kristus, tapi ini yang kita jaga biking: kita so tara inga-inga apa yang kita so perna biking, tapi kita berusaha karas maju turus, sama deng orang yang ada iko lomba lari yang berusaha karas supaya dia bisa sampe di garis finis.

Filipi 3:13 Iomraidhean Croise

Lukas 10:42

Padahal, yang penting itu cuma satu, kong Maria so pili yang bae itu, yang dia ada biking skarang. Jadi orang tara bisa ambe itu dari dia.”

Lukas 9:62

Yesus bilang pa dia, “Orang yang sementara bapacol tapi salalu balia ka balakang, dia pe karja jadi tara butul. Bagitu lagi deng orang yang mau jadi Tuhan Allah pe umat yang Dia Berkuasa sebagai Raja, orang itu so tara bole inga hal-hal laeng lagi.”

2 Korintus 5:16

Jadi karna torang tau Yesus Kristus pe sayang pa samua orang itu, torang tara nilai orang pake manusia pe pikiran lagi. Memang dulu waktu torang bolong percaya Tuhan itu, torang nilai pa Yesus Kristus pake manusia pe pikiran, tapi skarang tara bagitu lagi.

Filipi 2:12

Sudara-sudara yang kita sayang, waktu kita ada sama-sama deng ngoni, ngoni salalu dengar-dengaran pa Tuhan Allah. Lebe-lebe skarang kita so jao dari ngoni, jadi ngoni musti tetap dengar-dengaran pa Dia. Ngoni musti berusaha turus hidup deng kalakuang yang pantas untuk orang yang so dapa slamat dari dosa-dosa. Ngoni hidup bagitu deng rasa tako deng hormat pa Tuhan Allah.

Filipi 3:12

Kita tara perna anggap kita ini so mampo hidup sama deng Yesus Kristus, atau kita ini so sempurna. Tarada kasiang! Tapi kita berusaha turus supaya kita bole hidup sama deng itu, karna Kristus Yesus so pili pa kita jadi Dia punya waktu kita percaya pa Dia.

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Ibrani 6:1

Jadi, jang torang cuma ulang-ulang balajar ajaran-ajaran dasar yang tong tarima waktu tong baru jadi percaya pa Yesus Kristus. Tapi, torang yang so lama percaya musti balajar ajaran yang biking torang pe percaya pa Yesus Kristus lebe tamba kuat. Torang tara usa ulang-ulang balajar ajaran dasar macam ini: ajaran tentang bertobat dari torang pe kalakuang yang tarada dia pe guna, ajaran tentang musti percaya pa Tuhan Allah,

2 Petrus 3:8

Sudara-sudara yang kita sayang, ada satu hal yang ngoni musti inga: Tuhan Allah pe cara hitung, beda deng torang. Dia hitung, satu hari sama deng saribu taong atau saribu taong sama deng satu hari.