Filipi 3:1 - Perjanjian Baru Bahasa Melayu Maluku Utara

¹ Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

Filipi 3:1 Iomraidhean Croise

Matius 5:12

Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Lukas 1:47

Kita pe hati sanang skali, karna Tuhan Allah yang kase slamat pa Kita.

Roma 5:11

Deng torang sanang bukang cuma karna dapa slamat saja, tapi torang sanang karna torang ada hubungan bae deng Tuhan Allah. Torang pe hubungan deng Tuhan Allah so jadi bae ulang karna Yesus Kristus torang pe Tuhan.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

Efesus 6:10

Ahirnya, kita mo bilang pa ngoni bagini, kase kuat suda ngoni pe hati deng Tuhan pe kuasa yang Dia so kase pa ngoni karna ngoni so satu hati deng Tuhan.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Filipi 4:4

Ngoni pe hati musti salalu sanang karna ngoni so satu hati deng Tuhan! Kita bilang satu kali lagi: ngoni sanang suda!

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

1 Tesalonika 4:1

Sudara-sudara, torang so kase ajar pa ngoni cara hidup untuk biking sanang Tuhan Allah pe hati, kong ngoni so hidup sama deng itu. Tapi skarang karna torang samua so satu hati deng Tuhan Yesus, torang minta supaya ngoni lebe tamba berusaha biking sanang Tuhan Allah pe hati.

1 Tesalonika 5:16

Ngoni pe hati musti sanang turus.

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.

1 Petrus 3:8

Jadi skarang, kita minta pa ngoni la ngoni samua hidup satu hati. Kalu ada dari ngoni yang rasa susa ka sanang, ngoni yang laeng me musti rasa sama deng yang dia rasa. Ngoni me musti sayang pa ngoni pe sudara-sudara yang percaya, kase tunju ngoni pe rasa kasiang pa samua orang, deng jang basombong.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.