Filipi 2:9 - Perjanjian Baru Bahasa Melayu Maluku Utara

⁹ Karna itu suda sampe Tuhan Allah kase pa Dia posisi yang paling tinggi dari samua-samua, kong kase pa Dia kuasa yang lebe basar dari samua kuasa yang ada,

Filipi 2:9 Iomraidhean Croise

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Yohanes 13:3

Yesus tau Dia pe Bapa so kase samua kuasa pa Dia. Dia me tau Dia itu datang dari Tuhan Allah, Dia pe Bapa, kong Dia lagi nanti mo bale ulang pa Tuhan Allah.

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

Yohanes 17:12

Selama Kita ada deng dorang, Kita jaga pa dorang pake kuasa yang Bapa so kase pa Kita. Kita jaga pa dorang supaya tarada dari dorang yang tapisa deng Bapa, kacuali satu orang, Dia itu memang musti bagitu, supaya apa yang so tatulis dulu di Kitab Suci itu mo jadi.

Yohanes 17:5

Jadi skarang, Bapa, Kita minta Bapa biking Kita dapa lia luar biasa pa Bapa pe muka, sama deng dulu waktu Kita masi sama-sama deng Bapa waktu dunia ini bolong ada.”

Kisah Para Rasul 5:31

Yesus itu suda yang Tuhan Allah so angka kong taru di tampa yang terhormat pa Tuhan Allah pe sabla kanan. Skarang Yesus so jadi Pemimpin deng yang kase slamat pa torang orang Israel, supaya torang bertobat kong iko pa Tuhan Allah, deng bagitu Tuhan Allah mo kase ampun pa torang.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

2 Tesalonika 1:12

Torang berdoa bagitu supaya kalu ngoni pe cara hidup macam bagitu, orang-orang akan puji deng hormat pa torang pe Tuhan, Yesus Kristus. Deng ngoni me mo dapa puji karna ngoni percaya pa Dia. Samua itu jadi, bukang karna torang pe bae, tapi karna torang pe Tuhan Allah deng Tuhan Yesus Kristus pe bae.

Ibrani 1:4

Karna Anak Allah so dudu di tampa yang terhormat itu, torang bole tau deng jelas Dia lebe hebat dari malaekat-malaekat. Bagitu lagi deng Dia pe nama yang Tuhan Allah kase pa Dia, itu jao lebe bagus dari malaekat-malaekat pe nama.

Ibrani 1:9

Ngana sanang kalu orang biking yang butul, deng Ngana binci kalu orang biking yang jahat. Karna itu, Kita Tuhan Allah, Ngana pe Tuhan Allah, siram minya pa Ngana pe kapala supaya jadi tanda Kita angka pa Ngana jadi Raja, deng supaya Ngana pe hati jadi sanang. Ngana pe sanang itu, lebe basar dari Ngana pe tamang-tamang.”

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Ibrani 2:9

Tapi yang so jelas itu, Yesus Kristus yang berkuasa pa samua-samua yang ada. Dia suda yang Tuhan Allah biking Dia pe posisi sadiki lebe randa dari malaekat-malaekat. Tapi itu cuma sementara saja, cuma waktu Dia ada di dunia ini. Skarang ini, Tuhan Allah so biking Dia jadi hebat deng dapa hormati sama deng Raja karna Dia so menderita sampe mati di kayu salib. Dia rasa samua itu karna Tuhan Allah kase Dia pe bae yang cuma-cuma pa torang samua, supaya torang samua dapa slamat dari dosa-dosa.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.

2 Petrus 1:17

Perna satu kali, torang nae gunung yang kudus satu sama-sama deng Yesus. Di situ torang dengar sandiri suara dari sorga, suara itu dari Tuhan Allah, torang pe Bapa yang paling hebat. Dia puji deng hormat pa Yesus, bilang bagini, “Ini Kita pe Anak yang Kita sayang. Dia biking Kita pe hati sanang.”

3 Yohanes 1:7

Barang, waktu dong kase tau tentang Yesus Kristus pa orang-orang, dorang tara dapa bantuan apa-apa dari orang yang bolong percaya.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

Wahyu 11:15

Malaekat yang ketuju tiop dia pe trompet, turus kita dengar banya suara yang kuat skali dari sorga bilang bagini, “Skarang yang berkuasa di dunia cuma torang pe Tuhan Allah deng Yesus Kristus, Raja yang Tuhan Allah pili untuk kase slamat pa manusia. Dia itu akan Berkuasa sebagai Raja sampe slama-lamanya.”

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.

Wahyu 3:21

Sapa yang menang dari pengaru jahat, Kita mo kase dudu dia pa Kita pe pinggir sama-sama deng Kita di kursi raja. Barang, orang itu so menang sama deng Kita yang so menang dari setang-setang pe pengaru, kong Kita dudu baku pinggir sama-sama deng Kita pe Bapa di Dia pe kursi raja.

Wahyu 5:12

Dorang manyanyi kuat-kuat bagini, “Dia ini Anak Domba yang so perna dapa bunu. Dia yang pantas tarima kuasa, kekayaan, deng pikiran bae untuk ator samua. Dia me pantas tarima kekuatan, puji deng hormat, deng Dia lagi luar biasa.”