Filipi 2:21 - Perjanjian Baru Bahasa Melayu Maluku Utara

²¹ Dorang yang laeng itu cuma pikir dong pe diri sandiri saja. Dorang tara pusing deng Yesus Kristus pe mau.

Filipi 2:21 Iomraidhean Croise

Matius 16:24

Turus, Yesus bilang pa Dia pe murit-murit, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib, kong iko pa Kita.

Lukas 14:26

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Kisah Para Rasul 13:13

Paulus deng dia pe tamang-tamang balayar dari kota Pafos di pulo Siprus, pigi di kota Perga pe sabla di daera Pamfilia. Di situ, Yohanes kase tinggal pa dorang kong pulang di Yerusalem.

Kisah Para Rasul 15:38

Tapi Paulus tara setuju. Barang, Markus perna berenti karja kase tau Kabar Bae deng dorang, kong kase tinggal pa dong di daera Pamfilia.

1 Korintus 10:24

Jang ada dari ngoni yang berusaha cari dia pe bae sandiri, tapi paling bagus tiap orang berusaha lagi untuk biking orang laeng pe bae.

1 Korintus 10:33

Ngoni biking suda sama deng yang kita jaga biking: di samua hal yang kita biking, kita biking samua itu bae-bae supaya samua orang sanang deng apa yang kita biking itu. Apa saja yang kita biking, itu bukang untuk kita pe bae sandiri, tapi untuk orang banya pe bae, supaya dorang me bole dapa slamat.

1 Korintus 13:5

Kong dia lagi tara biking yang tara sopan, deng tara paksa orang untuk iko dia pe mau. Dia tara pangmara, deng tara simpang hati pa orang yang ada biking sala pa dia.

2 Korintus 1:5

Barang, torang so dapa sengsara sama deng yang Yesus Kristus dapa. Tapi waktu tong dapa sengsara macam-macam itu, Yesus Kristus me kase kuat skali tong pe hati tara abis-abis.

Filipi 2:4

Jang ngoni cuma pikir diri sandiri saja, tapi ngoni musti pikir pa orang laeng lagi.

2 Timotius 1:15

Timotius, ngana tau, samua orang di daera Asia Kecil so kase tinggal pa kita, termasuk Figelus deng Hermogenes.

2 Timotius 3:2

Hari-hari itu, orang-orang cuma sayang dorang pe diri sandiri, deng dong pe doi. Dorang suka bicara tinggi deng sombong. Dorang suka kase tara bae orang pe nama, malawang pa dong pe orang tua, deng tara tau batarimakasi. Dorang sama skali tara mau iko Tuhan pe mau.

2 Timotius 4:10

Karna Kreskes so pigi di Galatia, deng Titus so pigi di Dalmatia. Kong Demas so kase tinggal pa kita karna dia lebe suka iko hal-hal di dunia ini. Jadi dia so barangkat di Tesalonika.

2 Timotius 4:16

Waktu pertama kali kita bela kita pe diri di pengadilan, tarada orang yang batamang pa kita. Samua kita pe tamang kase tinggal pa kita. Tapi kita minta pa Tuhan Allah supaya jang hukum pa dorang.