Biblia Todo Logo
Bìoball air-loidhne

- Sanasan -




Filipi 2:15 - Perjanjian Baru Bahasa Melayu Maluku Utara

15 supaya ngoni hidup deng hati bersi, deng tarada orang yang bisa kase sala pa ngoni. Kalu ngoni pe hidup macam bagitu, orang akan lia ngoni pe bae itu sama deng dong lia bintang-bintang yang kase tarang dunia ini. Itu akan jadi jelas pa orang-orang, ngoni memang Tuhan Allah pe ana-ana yang tarada sala di tenga-tenga orang yang jahat deng orang yang tara tau apa yang butul.

Faic an caibideil Dèan lethbhreac




Filipi 2:15
42 Iomraidhean Croise  

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.


Pe dengar bagitu, Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”


Kalu ngoni biking bagitu, ngoni kase tunju, ngoni itu Bapa yang di sorga pe ana-ana. Dia yang biking matahari basinar pa orang yang bae-bae deng pa orang yang jahat. Dia me yang kase turung ujang pa orang yang biking barang yang butul deng pa orang yang biking barang yang tara butul.


Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”


Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.


Tapi jang ngoni bagitu! Ngoni musti sayang pa ngoni pe musu-musu deng biking yang bae pa dorang. Ngoni kase pinjam apa yang ngoni punya, kong tara usa harap dong mo kase pulang pa ngoni. Kalu ngoni biking bagitu, ngoni mo dapa upah basar. Deng kalu ngoni biking bagitu, ngoni mo jadi sama deng Tuhan Allah yang Paling Tinggi pe ana-ana. Barang, Tuhan Allah bae pa samua orang, biar dorang itu jahat atau tara tau batarimakasi.


Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.


Petrus bicara banya lagi pa dorang. Dia nasehat pa dorang deng kase kuat dorang pe hati, dia bilang, “Skarang ini banya orang jahat, jadi jang ngoni iko pa dorang. Tapi ngoni musti serakan ngoni pe diri pa Tuhan Allah, supaya ngoni slamat.”


Mala dari ngoni sandiri nanti ada yang mo ajar ajaran yang tara butul supaya orang-orang yang percaya pa Tuhan Yesus jadi tara percaya lagi kong iko pa dorang.


Sudara-sudara, samua orang so dengar kabar, ngoni iko Tuhan pe ajaran turus. Karna itu, kita sanang skali deng ngoni. Tapi kita suka supaya ngoni lebe tamba tau mana yang bae, deng tara usa suda biking barang yang jahat.


Dia lagi akan kase kuat turus ngoni pe percaya sampe Dia datang ulang, supaya di waktu itu, Dia dapa ngoni tara sala apa-apa.


Karna itu Tuhan Allah bilang lagi bagini, “Ngoni kaluar suda dari dorang pe tenga-tenga, dorang yang tara percaya. Ngoni bapisa dari dorang. Jang ngoni iko dorang biking dosa, supaya jang ngoni jadi orang yang tara bersi pa Kita pe muka. Iko yang Kita bilang ini la Kita tarima pa ngoni.


Jadi, torang yang so jadi Dia pe jemaat bole jadi Tuhan pe umat yang bersi dari dosa, kong tarada orang yang mo kase sala pa torang. Torang tarada dosa apa-apa sampe waktu Tuhan Yesus datang ulang jemput pa torang, jadi torang bole badiri pa Dia pe muka.


sampe ngoni bole tau mo pili mana yang bae, supaya ngoni bole hidup deng hati yang bersi, kong di hari Yesus Kristus datang ulang yang kedua kali, tara ada yang bisa kase sala apa-apa pa ngoni.


Mala, dari samua orang Farisi itu, kita ini yang paling smangat siksa pa orang-orang yang percaya pa Yesus Kristus, karna kita kira kata, dorang tara percaya pa Tuhan Allah deng butul, deng kata, kalu kita siksa pa dorang, kita hormati pa Tuhan Allah. Kong kalu bicara tentang iko aturan-aturan di lima kitab Musa, tarada yang bisa lawan pa kita, barang kita iko deng butul-butul samua aturan di lima kitab Musa itu.


Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.


Jemaat musti cari tau dulu calon-calon diaken itu pe cara hidup. Kalu dorang tara sala apa-apa, baru pili pa dorang jadi diaken untuk layani jemaat.


Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,


Karna itu, kita bilang, janda-janda yang masi muda lebe bae dorang kawing lagi, supaya dorang bole dapa ana, kong urus dong pe ruma tangga sandiri. Deng bagitu, Iblis tara dapa jalang untuk kase tara bae torang yang percaya pe nama.


Kalu dia butul biking dosa, ngana musti togor pa dia di samua orang percaya pe muka. Deng bagitu, orang percaya laeng jadi tako biking dosa.


Kase inga bae-bae la dorang iko samua hal ini, supaya orang tara bisa kase sala pa dorang.


Tiap orang yang ngana pili mo jadi penatua, dia pe cara hidup musti butul, deng dia musti hidup setia pa satu bini saja. Dia pe ana-ana me musti percaya pa Yesus Kristus, deng tarada orang yang bilang ana-ana itu suka biking barang yang jahat atau dorang itu pangmalawang.


Dorang tara bole ambe dong pe tuang pe barang, biar cuma sadiki. Dorang musti biking barang yang bae supaya dong pe tuang percaya pa dorang. Kalu dorang jujur bagitu, orang laeng jadi suka deng torang pe ajaran yang dari Tuhan Allah. Tuhan Allah itu yang kase slamat pa torang.


Titus, ngana musti kase ajar samua itu pa orang-orang percaya. Ngana kase smangat pa dorang la dorang tamba percaya pa Tuhan, deng togor pa dorang yang sala. Tuhan so kase kuasa pa ngana untuk kase ajar pa dorang, jadi jang ada orang yang pandang enteng pa ngana.


Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.


Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.


Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.


Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.


Karna itu, ngoni inga suda, ngoni pe cara hidup waktu ngoni baru percaya, so laeng skali deng yang skarang. Jadi, bertobat suda, kong biking yang bae sama deng waktu ngoni pertama percaya pa Kita. Kalu ngoni tara bagitu, nanti Kita mo datang kong hukum pa ngoni. Itu sama deng Kita mo ambe ngoni pe tiang yang jaga taru lampu dari dia pe tampa.


Dengar bae-bae! Ada orang yang bilang kata, dorang itu Kita pe umat Yahudi, padahal dong cuma bafoya. Dorang tara iko pa Kita butul-butul, tapi dong lebe suka iko Iblis pe mau. Nanti Kita mo biking dong datang berlutut di ngoni pe kaki deng mangaku butul-butul Kita memang sayang pa ngoni.


Lean sinn:

Sanasan


Sanasan