Filipi 2:11 - Perjanjian Baru Bahasa Melayu Maluku Utara

¹¹ Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Filipi 2:11 Iomraidhean Croise

Matius 10:32

Sapa yang mangaku percaya pa Kita di orang banya pe muka, nanti Kita me akan mangaku, Kita kanal pa dia di Kita pe Bapa di sorga pe muka.

Lukas 2:11

Kabar yang bae itu bagini: hari ini, Orang yang mo kase slamat pa manusia so lahir. Dia so lahir di Betlehem, raja Daud pe kota. Dia itu orang pangge Kristus, Raja yang Tuhan Allah janji mo kase slamat pa ngoni. Dia itu suda Tuhan.

Yohanes 12:42

Biar lagi banya orang yang tara percaya pa Yesus, banya pemimpin-pemimpin agama Yahudi yang jadi percaya pa Dia. Tapi dorang tara mau orang tau dong itu percaya pa Yesus, barang dong tako orang-orang Yahudi dari aliran Farisi user pa dorang dari ruma ibada.

Yohanes 13:13

Ngoni pangge pa Kita ‘Guru’ deng ‘Tuhan’, kong memang itu butul skali, Kita ini ngoni pe Guru deng ngoni pe Tuhan.

Yohanes 13:14

Jadi, kalu Kita yang jadi ngoni pe Tuhan deng ngoni pe Guru saja biking diri sama deng pembantu untuk cuci ngoni pe kaki, ngoni lagi musti biking ngoni pe diri sama deng pembantu untuk cuci ngoni pe kaki satu deng yang laeng.

Yohanes 14:13

Kong apa saja yang ngoni minta pa Bapa karna ngoni Kita pe umat, Kita mo biking itu untuk ngoni, supaya deng apa yang Kita biking itu, orang-orang bole puji deng hormat pa Kita pe Bapa.

Yohanes 14:23

Yesus jawab pa dia, “Kalu orang sayang pa Kita, dia mo biking Kita pe ajaran, kong Kita pe Bapa akan sayang pa dia. Kong Kita deng Kita pe Bapa mo datang tinggal sama-sama deng dia.

Yohanes 17:1

Abis Yesus bilang samua itu pa Dia pe murit-murit, Dia mangada di langit kong berdoa, “Bapa, skarang so dia pe waktu yang Bapa so tentukan. Jadi Kita minta, Bapa biking suda pa Kita, Bapa pe Anak ini la Kita dapa puji deng hormat, deng bagitu Kita me bisa biking Bapa dapa puji deng hormat.

Yohanes 20:28

Tomas bilang pa Yesus, “Bapa ini memang kita pe Tuhan deng kita pe Tuhan Allah.”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

Roma 14:11

Sama deng ada tatulis di Kitab Suci bagini, “Kita Tuhan Allah, Kita butul-butul hidup, deng Kita bilang ini butul-butul mo jadi, samua orang nanti mo berlutut kong semba di Kita pe muka, deng samua orang mo mangaku deng dong pe mulu, Kita ini Tuhan Allah.”

Roma 14:9

Karna untuk itu suda, Yesus Kristus so mati kong hidup ulang, supaya Dia jadi samua orang pe Tuhan, orang-orang yang masi hidup deng orang-orang yang so mati.

Roma 15:9

Deng, Yesus Kristus datang di dunia untuk orang-orang yang bukang Yahudi lagi karna Tuhan Allah rasa kasiang pa dorang, supaya dorang me bole puji deng hormat pa Tuhan Allah. Tuhan Allah janji nanti orang-orang Yahudi mo puji pa Dia sama-sama deng orang-orang yang bukang Yahudi. Itu sama deng Tuhan Allah pe nabi tulis di Kitab Suci bagini, “Kita mo puji-puji pa Tuhan Allah di orang-orang yang bukang Yahudi pe tenga-tenga. Deng kita mo manyanyi untuk puji Tuhan Allah pe nama.”

1 Korintus 12:3

Karna itu, skarang kita mau ngoni tau, orang yang Tuhan Allah pe Roh ada pa dia pe diri, tara mungkin dia mo kutuk pa Yesus. Bagitu lagi, cuma orang yang ada Roh Kudus pa dia pe diri yang bisa bilang, “Yesus itu Tuhan”.

1 Korintus 15:47

Manusia pertama Tuhan Allah biking dari tana, dia pe asal dari dunia ini. Tapi manusia yang kedua, yang torang bilang Yesus Kristus itu, Dia pe asal dari sorga.

1 Korintus 8:6

tapi untuk torang yang percaya, Tuhan Allah itu cuma satu saja. Dia itu torang pe Bapa, yang cipta samua-samua yang ada di dunia ini, deng Dia itu lagi yang kase torang hidup supaya tong hidup untuk biking Dia pe mau. Torang pe Tuhan me cuma satu, Yesus Kristus. Kong deng Dia itu suda, Tuhan Allah cipta dunia deng samua-samua yang ada. Deng karna Dia, torang bole hidup.

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Yohanes 4:15

Sapa saja yang mangaku, Yesus itu Anak Allah, Tuhan Allah tetap ada di dia pe hati kong dia me tetap satu hati deng Tuhan Allah.

1 Yohanes 4:2

Torang bisa tau Tuhan Allah pe Roh itu ada pa orang ka tarada, deng cara bagini: orang yang mangaku, Yesus Kristus so datang di dunia jadi manusia, pa dorang itu ada Tuhan Allah pe Roh.

2 Yohanes 1:7

Kita tulis surat ini pa ngoni karna ada banya orang skarang pigi bakuliling di seluru dunia untuk kase sesat orang. Dorang itu tara percaya, Yesus Kristus itu datang di dunia sebagai manusia. Dorang itu pangbafoya deng dong musu pa Yesus Kristus.

Wahyu 3:5

Orang yang menang dari pengaru jahat, dorang akan pake baju puti itu. Kita tara mo hapus dorang itu pe nama dari buku kehidupan. Buku itu yang ada tulis nama-nama orang yang hidup deng Kita slama-lamanya. Nanti waktu Kita badiri di Kita pe Bapa deng Dia pe malaekat-malaekat pe muka, Kita mo bilang dorang ini memang iko pa Kita.