Filipi 1:8 - Perjanjian Baru Bahasa Melayu Maluku Utara

⁸ Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

Filipi 1:8 Iomraidhean Croise

Lukas 1:78

Torang pe Tuhan Allah rasa kasiang pa torang. Karna itu, Dia datang dari sorga kase slamat pa torang. Dia pe datang itu, akan jadi sama deng matahari pagi kaluar

Roma 1:9

Kita salalu inga pa ngoni waktu kita berdoa, Tuhan Allah me tau. Dia itu yang kita semba deng hati yang sunggu-sunggu waktu kita kase tau Kabar Bae tentang Anak Allah.

Roma 9:1

Sudara-sudara, kita so percaya pa Yesus Kristus, jadi kita mo bicara deng sunggu-sunggu pa ngoni, kita tara bafoya. Kita pe hati yang Roh Kudus ada kuasai lagi bilang itu butul.

2 Korintus 13:9

Barang, biar orang lia torang ini pemimpin yang tara kuat, torang pe hati tetap sanang asal ngoni pe percaya kuat pa Tuhan Yesus. Torang minta pa Tuhan la ngoni jadi tamba butul-butul iko pa Dia.

2 Korintus 6:12

Torang pe sayang pa ngoni basar skali, tapi ngoni pe sayang pa torang cuma sadiki.

2 Korintus 7:15

Kong skarang dia lebe tamba sayang pa ngoni, barang dia inga, ngoni itu dengar-dengaran pa dia, deng ngoni tarima deng hormati skali pa dia.

Galatia 1:20

Sudara-sudara, samua yang kita tulis tentang kita pe diri ini memang butul, Tuhan Allah tau kita tara bafoya.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 4:19

Ee, ngoni yang kita anggap sama deng kita pe ana-ana, skarang kita rasa lagi kita pe hati saki skali ada pikir-pikir tentang ngoni. Saki yang kita rasa, barát sama deng saki yang parampuang ada rasa waktu mo melahirkan. Kalu ngoni pe sifat so beruba iko Yesus Kristus pe sifat, itu baru kita pe hati saki mo ilang.

Filipi 2:1

Sudara-sudara, ngoni so percaya pa Yesus Kristus, jadi Dia so biking ngoni pe hati kuat. Ngoni pe hati sanang karna Dia sayang pa ngoni. Ngoni so hidup satu hati satu deng yang laeng karna Roh Kudus yang pimpin pa ngoni. Ngoni me baku-baku sayang, deng ada rasa kasiang satu deng yang laeng.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

Filipi 4:1

Jadi, sudara-sudara yang kita sayang deng yang kita rindu. Ngoni yang biking kita pe hati sanang, deng ngoni lagi yang biking kita bangga. Kita minta supaya ngoni tetap percaya turus pa Tuhan, sama deng yang tadi kita so bilang.

Kolose 2:1

Sudara-sudara yang percaya di kota Kolose, biar ngoni bolong perna baku dapa deng kita, tapi kita mau ngoni tau, kita butul-butul berusaha untuk bantu pa ngoni, pa orang-orang di kota Laodikia deng pa samua orang di tampa laeng yang bolong kanal pa kita.

Kolose 3:12

Tuhan Allah so pili pa ngoni, ngoni yang so jadi Dia pe umat, deng yang Dia sayang. Jadi ngoni pe hidup musti bagini: ada rasa kasiang, hati bae, tara sombong, tara kasar, deng salalu sabar.

1 Tesalonika 2:5

Ngoni sandiri me tau, torang tara perna kase kaluar kata-kata yang cuma biking orang pe hati sanang, atau bafoya pa ngoni la mo cari untung dari ngoni. Tuhan Allah tau butul torang pe isi hati.

1 Tesalonika 2:8

Torang sayang skali pa ngoni. Jadi torang bukang cuma sanang kase tau pa ngoni Kabar Bae dari Tuhan Allah, tapi torang lagi serakan tong pe hidup untuk ngoni, karna torang memang sayang skali pa ngoni.

2 Timotius 1:4

Kita inga tempo hari ngana manangis waktu torang dua mo baku pisa, jadi kita ingin skali mo baku dapa lagi deng ngana supaya kita pe hati jadi sanang.

Filemon 1:12

Skarang, Onesimus yang kita sayang itu, kita kase pulang ulang pa ngana.

Filemon 1:20

Jadi, kita pe sudara Filemon, kita minta pa ngana yang percaya pa Tuhan supaya ngana tarima suda pa Onesimus. Torang dua ini so sama-sama percaya Kristus Yesus, kong kalu ngana tarima pa Onesimus, kita pe hati pasti sanang.

1 Yohanes 3:17

Kalu ada orang yang dia pe hidup talebe sadiki, kong dia lia dia pe sudara yang percaya pe hidup susa tapi dia tara tolong, itu Tuhan Allah pe sayang tara ada di dia pe hati.