Filipi 1:25 - Perjanjian Baru Bahasa Melayu Maluku Utara

²⁵ Kita tau ngoni masi perlu pa kita untuk bantu pa ngoni, jadi kita yakin kita akan tetap tinggal deng ngoni samua supaya kita bole mo bantu kase kuat ngoni pe percaya, deng lagi supaya ngoni pe hati bole tamba sanang karna ngoni pe percaya itu.

Filipi 1:25 Iomraidhean Croise

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

Kisah Para Rasul 11:23

Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Kisah Para Rasul 20:25

Ngoni yang kita so kase tau tentang bagimana mo jadi Tuhan Allah pe umat, skarang kita so tau, ngoni akan so tara lia pa kita lagi.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Roma 15:18

Jadi yang barani kita bilang pa orang, cuma apa yang kita biking pake Yesus Kristus pe kuasa yang ada pa kita. Dia pe kuasa yang ada pa kita itu, yang biking kita mampo kase ajar pa orang-orang yang bukang Yahudi sampe dorang dengar-dengaran pa Tuhan Allah. Dorang jadi dengar-dengaran itu karna apa yang kita bilang deng apa yang kita biking.

Roma 15:29

Deng kita tau skali, waktu kita singga kong baku dapa deng ngoni di situ, nanti kita bawa banya berkat dari Yesus Kristus pa ngoni.

Roma 5:2

Kong karna apa yang Yesus Kristus so biking itu, torang dapa pintu maso untuk dapa Tuhan Allah pe bae asal torang percaya pa Yesus Kristus. Turus torang me bole sanang lagi, karna torang bisa baharap deng yakin nanti torang mo sama-sama deng Tuhan Allah dapa puji deng hormat.

2 Korintus 1:24

Torang tara mo parenta pa ngoni tentang apa yang ngoni musti percaya, karna ngoni pe percaya pa Yesus Kristus so kuat. Tapi torang pe tujuan untuk bantu pa ngoni supaya deng ngoni iko pa Yesus Kristus, ngoni pe hati bole sanang.

Filipi 1:24

Tapi lebe bae kita tinggal turus di dunia ini, karna ngoni masi perlu pa kita.

Filipi 2:24

Kong kita yakin, Tuhan nanti tolong pa kita supaya so tara lama lagi kita sandiri yang mo pigi pa ngoni.

Filemon 1:22

Sementara itu, kita minta tolong supaya ngana kase siap kamar satu untuk kita pake di ngana pe ruma. Karna kita baharap deng yakin, Tuhan Allah mo jawab ngoni pe doa supaya kita bole mo kaluar dari penjara ini kong mo sama-sama ulang deng ngoni samua.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.