Filipi 1:18 - Perjanjian Baru Bahasa Melayu Maluku Utara

¹⁸ Tapi kita tara pusing deng itu! Karna biar dorang kase tau ajaran tentang Yesus Kristus itu deng maksut yang butul ka, tarada ka, itu tara penting. Yang penting itu, ajaran tentang Yesus Kristus bisa tasiar turus. Kong itu yang biking kita pe hati sanang. Deng memang, kita akan tetap rasa sanang turus,

Filipi 1:18 Iomraidhean Croise

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Markus 12:40

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang, padahal cuma mo kase dengar pa orang. Dorang itu pasti mo dapa hukuman yang paling barát.”

Lukas 9:45

Tapi Yesus pe murit-murit tara mangarti apa yang Dia bilang. Tuhan Allah bolong biking dorang mangarti itu, supaya dorang bolong tau dia pe arti. Dorang me tako batanya pa Yesus, apa yang Dia bilang itu pe arti.

Lukas 9:50

Tapi Yesus bilang pa dorang, “Jang larang pa dia! Karna orang yang tara malawang pa torang, dia itu torang pe tamang.”

Roma 3:9

Jadi, dari situ torang dapa tau, torang orang Yahudi tara lebe bae dari orang yang bukang Yahudi, karna tadi torang so bilang kamuka, dosa so kuasai pa samua orang, biar lagi dia itu orang Yahudi atau bukang Yahudi.

Roma 6:15

Tuhan Allah kase slamat pa torang dari dosa-dosa, bukang karna torang iko aturan di lima kitab Musa, tapi karna Dia pe bae pa torang. Deng bagitu, apa skarang torang bole biking dosa turus-turus? Yang pasti tarada!

1 Korintus 10:19

Kita bilang bagitu, jang ngoni kira kita pe maksut makanang yang orang kase makang pa dorang pe puji-puji itu, ada arti. Tarada, makanang itu deng dong pe puji-puji itu me tarada arti.

1 Korintus 14:15

Jadi kalu bagitu, yang bae kita mo biking apa? Kita suka pake dua-dua. Kita mo berdoa dari kita pe roh pake bahasa roh, deng kita lagi mo berdoa pake kata-kata dari kita pe pikiran. Kita mo manyanyi puji pa Tuhan dari kita pe roh pake bahasa roh, deng kita lagi mo manyanyi puji pa Tuhan pake kata-kata dari kita pe pikiran.

1 Korintus 15:11

Jadi waktu ngoni dengar Kabar Bae itu, biar itu dari kita ka, dari orang laeng ka, samua itu tara masala. Yang penting torang so ajar Kabar Bae itu pa ngoni kong ngoni jadi percaya.

Filipi 1:19

barang kita tau, kita akan slamat dari sengsara ini, karna ngoni pe doa deng karna Yesus Kristus pe Roh mo tolong pa kita.