Filemon 1:23 - Perjanjian Baru Bahasa Melayu Maluku Utara

²³ Epafras ada kirim salam pa ngana. Dia itu kita pe tamang yang sama-sama dapa tahang dalam penjara karna dia me jaga biking apa yang Kristus Yesus suru.

Filemon 1:23 Iomraidhean Croise

Roma 16:7

Kirim salam lagi pa Andronikus deng Yunias yang satu bangsa deng kita, kong yang perna maso penjara sama-sama deng kita. Waktu kita bolong percaya pa Yesus Kristus, dorang dua itu so percaya, kong samua Tuhan Allah pe utusan yang orang sebut rasul, so kanal bae pa dorang.

Kolose 1:7

Kabar Bae tentang Yesus Kristus itu ngoni so dengar dari Epafras. Dia itu torang pe tamang karja yang torang sayang. Dia rajin biking apa yang Yesus Kristus suru untuk kase kuat ngoni pe percaya.

Kolose 4:10

Aristarkhus yang dapa penjara sama-sama deng kita di sini, ada kirim salam pa ngoni. Markus lagi yang Barnabas pe sudara sepupu itu, ada kirim salam pa ngoni. Tuhari kita so pasáng pa ngoni, jadi kalu Markus datang, ngoni tarima pa dia bae-bae.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

Filemon 1:1

Filemon, torang pe tamang satu karja yang kita sayang! Salam dari kita Paulus. Kita kirim surat ini dari dalam penjara. Kita di sini gara-gara kita ada kase tau Kabar Bae tentang Kristus Yesus pa orang-orang. Kita deng Timotius, torang pe sudara yang sama-sama percaya, yang ada tulis surat ini pa ngana, Filemon.

Filemon 1:9

Tapi kita inga ngana pe sayang pa orang-orang percaya. Karna itu, kita tara mo suru-suru pa ngana, tapi kita lebe suka minta pa ngana. Kita ini so tua, deng apalagi skarang kita me ada dapa kase maso dalam penjara karna kita kase tau tentang Kristus Yesus pa orang-orang.