Filemon 1:20 - Perjanjian Baru Bahasa Melayu Maluku Utara

²⁰ Jadi, kita pe sudara Filemon, kita minta pa ngana yang percaya pa Tuhan supaya ngana tarima suda pa Onesimus. Torang dua ini so sama-sama percaya Kristus Yesus, kong kalu ngana tarima pa Onesimus, kita pe hati pasti sanang.

Filemon 1:20 Iomraidhean Croise

1 Korintus 16:18

Barang, dorang itu kase kuat kita pe hati, sama deng dorang me kase kuat ngoni pe hati, jadi ngoni musti hormati orang-orang yang sama deng dorang itu.

2 Korintus 2:2

Karna kalu kita so kase sedi ngoni pe hati, sapa lagi yang bisa kase sanang kita pe hati? Tara ada lagi, barang kita so kase sedi ngoni yang bisa kase sanang pa kita.

2 Korintus 7:13

Samua yang ngoni so biking itu biking torang pe hati jadi kuat. Kong lebe lagi dari itu, torang sanang skali waktu tong tau, Titus me rasa sanang lagi. Dia rasa sanang karna ngoni bae-bae pa dia, itu yang biking dia pe hati tenang.

Filipi 1:8

Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

Filipi 4:1

Jadi, sudara-sudara yang kita sayang deng yang kita rindu. Ngoni yang biking kita pe hati sanang, deng ngoni lagi yang biking kita bangga. Kita minta supaya ngoni tetap percaya turus pa Tuhan, sama deng yang tadi kita so bilang.

Filemon 1:12

Skarang, Onesimus yang kita sayang itu, kita kase pulang ulang pa ngana.

Filemon 1:7

Filemon, kita pe sudara, ngana pe sayang pa orang-orang yang so jadi Tuhan Allah pe umat, itu yang biking kita sanang skali. Kong itu biking kita pe hati jadi lebe kuat, karna ngana so biking dorang pe hati jadi sanang ulang.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

1 Yohanes 3:17

Kalu ada orang yang dia pe hidup talebe sadiki, kong dia lia dia pe sudara yang percaya pe hidup susa tapi dia tara tolong, itu Tuhan Allah pe sayang tara ada di dia pe hati.

3 Yohanes 1:4

Kita paling sanang skali dengar, orang-orang yang kita so sayang sama deng kita pe ana-ana ada iko Tuhan pe ajaran. Tarada hal laeng yang biking kita sanang macam bagitu.