Filemon 1:19 - Perjanjian Baru Bahasa Melayu Maluku Utara

¹⁹ Justru skarang ini, kita mo tulis ini deng kita pe tangan sandiri, “Kita ini, Paulus, mo bayar Onesimus pe utang itu pa ngana.” Itu jadi bukti pa ngana. Tantu kita tara perlu mo kase inga pa ngana, ngana jadi percaya pa Tuhan Yesus karna kita yang kase tau Kabar Bae pa ngana, itu sama deng ngana itu ada bautang pa kita.

Filemon 1:19 Iomraidhean Croise

Roma 16:22

Kita ini Tertius, kita yang tulis Paulus pe surat ini deng kita pe tangan sandiri iko apa yang Paulus bilang. Kita lagi pe salam pa ngoni yang so sama-sama percaya pa Tuhan.

1 Korintus 4:15

Barang, biar lagi ngoni pe guru deng ribu yang ajar pa ngoni tentang Yesus Kristus, tapi cuma kita yang pertama kali kase tau Kabar Bae tentang Yesus Kristus itu pa ngoni, sampe ngoni jadi percaya, itu sama deng kita so jadi ngoni pe papa, tarada yang laeng.

2 Korintus 10:1

Kita Paulus, minta pa ngoni supaya ngoni dengar bae-bae yang kita mo bilang ini. Ada dari ngoni yang bilang, kita tara barani togor karas pa ngoni waktu kita ada sama-sama deng ngoni. Kata, kita cuma barani togor karas waktu torang baku jao pake surat. Tapi skarang, sama deng Yesus Kristus pe sifat yang tara sombong deng tara kasar,

2 Korintus 3:2

Ngoni itu sama deng surat yang tatulis pa tong pe hati, barang samua orang bisa lia ngoni pe hidup yang bagus deng dong bole tau, itu torang pe hasil karja. Waktu orang-orang lia itu, itu sama deng dong bisa baca tong dua pe surat pujian.

2 Korintus 9:4

Jang sampe waktu orang-orang Makedonia datang sama-sama deng kita, kong ngoni bolong kumpul doi itu. Nanti kan torang samua yang malu. Apalagi ngoni, barang kita so bilang memang pa dorang, ngoni itu so siap bantu.

Galatia 5:2

Dengar bae-bae yang kita Paulus mo bilang pa ngoni: kalu ngoni kase ngoni pe diri dapa sunat cuma deng maksut supaya ngoni jadi orang yang butul pa Tuhan Allah pe muka, itu so sala, kong apa yang Yesus Kristus biking di kayu salib jadi tara ada dia pe guna untuk ngoni.

Galatia 6:11

Sudara-sudara, coba ngoni perhatikan. Kita ada tulis bagian terahir surat ini deng kita pe tangan sandiri. Kita tulis pake huruf yang basar-basar ini.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Filemon 1:18

Deng, kalu dia so perna kase rugi pa ngana atau dia ada utang pa ngana, biar nanti kita yang tanggung samua itu.