Filemon 1:10 - Perjanjian Baru Bahasa Melayu Maluku Utara

¹⁰ Kita minta tolong pa ngana tentang Onesimus, ngana pe orang karja yang ngana bili itu. Waktu dia datang lia pa kita di dalam penjara, kita kase tau pa dia tentang Tuhan Yesus kong dia so jadi percaya. Karna itu, kita so anggap dia sama deng kita pe ana sandiri.

Filemon 1:10 Iomraidhean Croise

Markus 9:17

Ada satu dari orang banya itu bilang, “Guru, tadi kita ada bawa kita pe ana laki-laki pa Guru, barang setang ada maso pa dia kong dia jadi mou.

Roma 12:1

Sudara-sudara, Tuhan Allah bagitu kasiang pa torang. Karna itu, kita minta butul-butul pa ngoni: serakan suda ngoni pe diri pa Tuhan Allah untuk iko Dia pe mau, itu sama deng ngoni pe hidup so jadi korban persembahan pa Dia. Ngoni kase ngoni pe hidup jadi Dia punya, deng ngoni hidup untuk biking Dia pe hati sanang. Itu baru bilang ngoni pe ibada itu butul.

1 Korintus 4:14

Kita tulis samua ini bukang mo biking malu pa ngoni, tapi mo togor supaya ngoni jadi lebe bae. Karna ngoni ini kita anggap sama deng kita pe ana-ana yang kita sayang.

1 Korintus 4:15

Barang, biar lagi ngoni pe guru deng ribu yang ajar pa ngoni tentang Yesus Kristus, tapi cuma kita yang pertama kali kase tau Kabar Bae tentang Yesus Kristus itu pa ngoni, sampe ngoni jadi percaya, itu sama deng kita so jadi ngoni pe papa, tarada yang laeng.

Galatia 4:19

Ee, ngoni yang kita anggap sama deng kita pe ana-ana, skarang kita rasa lagi kita pe hati saki skali ada pikir-pikir tentang ngoni. Saki yang kita rasa, barát sama deng saki yang parampuang ada rasa waktu mo melahirkan. Kalu ngoni pe sifat so beruba iko Yesus Kristus pe sifat, itu baru kita pe hati saki mo ilang.

Kolose 4:9

Kita suru pa dia sama-sama deng Onesimus. Onesimus itu sama-sama satu jemaat deng ngoni, dia itu torang pe sudara yang percaya, yang setia deng yang torang sayang. Dorang dua mo kase tau pa ngoni samua yang jadi pa torang di sini.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Filemon 1:11

Memang dulu, dia tara ada guna pa ngana kong so lari dari ngana. Tapi skarang, dia so ada guna skali, bukang cuma pa ngana tapi pa kita lagi.

Filemon 1:13

Sebenarnya kalu mo iko kita pe mau, kita mo tahang pa dia di sini supaya dia ganti pa ngana bantu pa kita, sementara kita ada di dalam penjara ini, karna kita kase tau Kabar Bae tentang Yesus Kristus.

3 Yohanes 1:4

Kita paling sanang skali dengar, orang-orang yang kita so sayang sama deng kita pe ana-ana ada iko Tuhan pe ajaran. Tarada hal laeng yang biking kita sanang macam bagitu.