مُکاشفہ 8:9 - پنجابی نواں عہد نامہ نظرثانی شدہ چھپائی

⁹ تے سمُندر دی جیوندی خلقت دا ترِیجا حِصّہ مر گیا۔ تے بیڑیاں دا ترِیجا حِصّہ برباد ہوگیا۔

مُکاشفہ 8:9 Iomraidhean Croise

مُکاشفہ 12:4

تے اوہدی پُوشل نے اسمان دے ترِیجے حِصّہ تاریاں نُوں کھِچّ کے زمین اُتّے سُٹ لیا تے اوہ ناگ اوس زنانی دے اگّے جا کھلوتا جیہڑی جمّن والی سی پئی جدوں اوہ جمّے اوہدے بچّے نُوں کھالَئے۔

مُکاشفہ 16:3

تے دُوجے نیں اپنا پیالہ سمُندر وِچ لُدیا۔ تے اوہ مُردے دے لہو وانگر بن گیا۔ تے سمُندر دے سارے جاندار مر گئے۔

مُکاشفہ 8:10

تے جد ترِیجے فرِشتے تُرہی نُوں پُھوک ماری تے اِک وَڈا سارا تارہ مشال وانگر بلدا ہویا اسمانوں ٹُٹ پیا تے ترِیجے حِصّے دریاواں تے پانی دے چشمیاں اُتّے آ پیا۔

مُکاشفہ 8:12

تے جد چوتھے فرِشتے تُرہی نُوں پُھوک ماری تے سُورج دا ترِیجا حِصّہ تے چَنّ دا ترِیجا حِصّہ تے تاریاں دا ترِیجا حِصّہ ماریا گیا۔ ایتھوں تِیکر پئی اوہناں دا ترِیجا حِصّہ ہنیرا ہوگیا تے دِن دے ترِیجے حِصّے وِچ دُھپ نا رہی تے ایسے طرح رات دے ترِیجے حِصّے وِچ وی۔

مُکاشفہ 8:7

تے جد پہلی تُرہی وَجّی تے گڑے تے اَگ جِنہاں وِچ لہو رلیا ہویا سی جمّے تے زمین اُتّے سُٹّے گئے۔ تے زمین دا ترِیجا حِصّہ سڑ گیا تے ترِیجا حِصّہ بُوٹے تے سارا ہرا گھاہ سڑ گیا۔

مُکاشفہ 9:15

تے اوہ چارے فرِشتے کُھل گئے جیہڑے مُقرّر کِیتی گئی گھڑی تے دِن تے مہینے تے ورھے دے لئی بندیاں دا ترِیجا حِصّہ مارن نُوں تیار کِیتے گئے سن۔

مُکاشفہ 9:18

اوہناں تِنّاں آفتاں یعنی اوس اَگ تے دُھوں تے گندھک نال جیہڑی اوہناں دے مُنھوں نِکلدی سی ترِیجا حِصّہ بندے مر گئے۔