مُکاشفہ 4:1 - پنجابی نواں عہد نامہ نظرثانی شدہ چھپائی

¹ ایہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی اسمان وِچ اِک بُوہا کُھلیا ہویا اے۔ تے جِہنُوں مَیں پہلاں تُرہی دی اواز وانگر اپنے نال گلّاں کر دیاں سُنیا سی اوہ ای آکھدا اے پئی ایتھے اُتّے آجا مَیں تینُوں اوہ گلّاں وکھاواں گا جیہڑیاں ایہناں گلّاں دے پِچّھوں ضرُور ہون گِیاں۔

مُکاشفہ 4:1 Iomraidhean Croise

متّی 3:16

تے یِسُوع بپتِسمہ لے کے جھٹ پانیوں باہر نِکل آیا۔ تے ویکھو اسمان اوہدے لئی کُھل گیا تے اوس خُدا دے رُوح نُوں کبُوتر وانگُوں اُتر دیاں تے اپنے اُتّے آؤندیاں ویکھیا۔

مرقس 1:10

تے پانیوں نِکلدیاں سار اوس اسماناں نُوں کُھلدیاں تے رُوح نُوں کبُوتر وانگُوں اپنے اُتّے اُتر دیاں ویکھیا۔

لُوقا 3:21

جد ساریاں لوکاں بپتِسمہ لے لیا سی۔ تے یِسُوع وی بپتِسمہ لے کے دُعا پیا منگدا سی۔ تے ایویں ہویا پئی اسمان کُھل گیا۔

یُوحنّا 16:13

پر جد اوہ آوے گا جیہڑا سچیائی دا رُوح اے تَد اوہ تُہانوں ساری سچیائی دے راہ پائے گا کیوں جو اوہ اپنے ولّوں نئیں آکھے گا۔ پر جو کُجھ سُنے گا سو ای آکھے گا تے آؤن والِیاں گلّاں دی خبر تُہانوں دے گا۔

اعمال 10:11

تے اسمان نُوں کھلا تے وڈّی چادر وانگُوں اِک شے نُوں چَوہاں پَلیاں توں زمین ولّ لمکدِی ویکھیا۔

اعمال 7:56

تے آکھیا مَیں اسمان نُوں کُھلیا ہویا۔ تے اِبنِ آدم نُوں خُدا دے سَجّے ہتّھ کھلوتا ویکھنا ہاں۔

مُکاشفہ 1:10

مَیں خُداوند دے دِن رُوح وِچ آگیا۔ تے اپنے پِچّھے تُرہی وانگر اِک اُوچی اواز سُنی۔

مُکاشفہ 1:12

مَیں اوس اواز دین والے نُوں ویکھن لئی مُنھ پھیریا۔ جِس میرے نال گلّ کِیتی سی۔ تے پھر کے سونے دے سَتّ دِیوے ویکھے۔

مُکاشفہ 1:19

تَد جیہڑیاں گلّاں تُوں ویکھیاں نیں تے جیہڑیاں ہَین تے جیہڑیاں ایہناں دے پِچّھوں ہون والیاں نیں۔ اوہناں سارِیاں نُوں لِکھ لے۔

مُکاشفہ 11:12

تے اوہناں نُوں اسمان اُتّوں اِک زور دی اواز سُنائی دِتّی۔ پئی ایتھے اُتّے آ جاؤ۔ تے اوہ بدّلاں اُتّے سوار ہو کے اسمان اُتّے چڑھ گئے تے اوہناں دے وَیری اوہناں نُوں ویکھدے پئے سن۔

مُکاشفہ 11:19

تے خُدا دی ہیکل جیہڑی اسمان اُتّے اے کھولی گئی تے اوہدی ہیکل وِچ اوہدے عہد دا صندُوق وکھالی دِتّا تے بدّلِیاں چمکیاں تے گِجّیاں تے اَوازاں آئِیاں۔ تے بھنچال آیا۔ تے بڑا گڑا پیا۔

مُکاشفہ 16:17

تے ستویں اپنا پیالہ وَا اُتّے لُدیا تے خُدا دی ہیکل دے تخت ولّوں بڑے زور دی ایہہ اواز آئی۔ پئی مُک گیا۔

مُکاشفہ 19:11

فیر مَیں اسمان نُوں کُھلا ہویا ویکھیا۔ تے کِیہ ویکھنا آں پئی اِک چِٹّا گھوڑا اے۔ تے اوہدے اُتّے اِک سوار اے جیہڑا سَچّا تے برحق اکھواؤندا اے۔ تے اوہ راستی دے نال انصاف تے لڑائی کر دا اے۔

مُکاشفہ 22:6

فیر اوس مَینُوں آکھیا پئی ایہہ گلّاں سَچ تے برحق نیں تے خُداوند نے جیہڑا نبیاں دِیاں رُوحاں دا خُدا اے اپنے فرِشتے نُوں ایس لئی گھلّیا پئی اپنیاں بندیاں نُوں اوہ گلّاں وکھائے جیہڑیاں ضرُور چھیتی ہونیاں نیں۔