فِلِپّیوں 4:6 - پنجابی نواں عہد نامہ نظرثانی شدہ چھپائی

⁶ کِسے گلّ دی فِکر نا کرو۔ سگوں سارِیاں گلّاں وِچ دُعا تے مِنّت کر کے اپنیاں عرضاں شُکر گُزاری نال خُدا دے اگّے کرو۔

فِلِپّیوں 4:6 Iomraidhean Croise

متّی 10:19

پر جدوں اوہ تُہانوں حوالے کرن گے تے فِکر نا کرو پئی کِس طرح یا کِیہ بولو گے۔ کیوں جو کُجھ تُسی بولنا ہوئے گا سو اوسے گھڑی تُہانوں دسیا جائے گا۔

متّی 13:22

تے اوہ جیہڑا ملہیاں وِچ بِیجیا گیا سو اوہ اے جیہڑا کلام سُندا اے تے زمانے دی سوچ فِکر تے دَولت دا دھوکھا کلام نُوں دَبا لَیندا اے تے اوہ اپّھل ہو جاندا اے۔

متّی 6:34

سو کل دے لئی فِکر نا کرو کیوں جو کل اپنے لئی آپ فِکر کرے گا اَج دا دُکھ اَج لئی بہتیرا اے۔

متّی 6:8

سو تُسی اوہناں وانگُوں نا ہوؤ کیوں جو تُہاڈا باپ تُہاڈے منگن توں پہلاں ای جان دا اے پئی تُہانوں کیہڑیاں کیہڑیاں شیواں دی لوڑ اے۔

لُوقا 10:41

تَد یِسُوع اوہنوں جواب دِتّا مرتھا مرتھا! تُوں کِنیاں بھوتیاں شیواں دی فِکر وِچ پَے کے گھابر گئی ایں۔

لُوقا 12:22

تے اوس اپنے شاگِرداں نُوں آکھیا۔ مَیں ایس کر کے تُہانوں آکھنا آں پئی اپنی جان دا فِکر نا کرو۔ پئی اسی کِیہ کھاواں گے۔ تے نا اپنے بدن دا پئی کِیہ پاواں گے۔

لُوقا 12:29

تے تُسی ایس گلّ دی بھال نا کرو۔ پئی اسی کِیہ کھاواں گے۔ تے کِیہ پِیاں گے۔ تے دلِیلاں وِچ نا پَوو۔

لُوقا 18:1

فیر اوس اوہناں نُوں ایس مطلب لئی اِک تمثِیل سُنائی۔ پئی سدا دُعا وِچ لگّے رہن۔ ڈِھلّے نا ہون۔

لُوقا 18:7

خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟

۱-کُرِنتھِیوں 7:21

جے تُوں غلامی دی حالت وِچ سدّیا گیا ایں۔ تے فِکر نا کر پر جے تُوں اَزاد وی ہو سکیں۔ تَد وی اوسے نُوں منظُور کر۔

۱-کُرِنتھِیوں 7:32

سو مَیں ایہہ چاہناں آں۔ پئی تُسی بے فِکر رہو۔ جیہڑا وِیاہیا ہویا نئیں۔ اوہ خُداوند دے فِکر وِچ رہندا اے۔ پئی کِسے طرح خُداوند نُوں خُوش کرے۔

۲-کُرِنتھِیوں 1:11

جے تُسی وی رَل مِل کے دُعا نال ساڈی مدد کرو گے۔ پئی جیہڑی بخشِش سانُوں بتھیریاں لوکاں دی راہِیں مِلی اوہدا شُکر وی بُہتے لوک ساڈے ولّوں کرن۔

اِفسِیوں 5:20

تے سارِیاں گلّاں واسطے ساڈے خُداوند یِسُوع مسِیح دے ناں اُتّے سدا خُدا باپ دا شُکر کر دے رہو۔

اِفسِیوں 6:18

تے ہر ویلے تے سبھنیں گلِّیں رُوح وِچ دُعا تے مِنّت کر دے رہو۔ تے ایسے مطلب واسطے جاگدے رہو پئی تُسی سارے پاک لوکاں لئی دُعا منگدے رہو۔

کُلُسِّیوں 3:15

تے مسِیح دی تسلّی جِہدے لئی تُسی اِک تَن ہو کے سَدّے گئے سو۔ تُہاڈے دِلاں وِچ حکُومت کرے تے نالے تُسی شُکر کرو۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

کُلُسِّیوں 4:2

دُعا منگن وِچ لگے رہو۔ تے شُکر نال اوہدے واسطے جاگدے رہو۔

۱-تِیمُتِھیُس 2:1

مَیں ساریاں توں پہلاں ایہہ نصِیحت دینا آں۔ پئی ساریاں بندیاں لئی دُعا تے بینتی تے عرض تے شُکر کِیتے جان۔

۱-تِیمُتِھیُس 5:5

جیہڑی سَچّی مُچّی رَنڈی اے۔ تے اوہدا کوئی وی نئیں۔ اوہ خُدا اُتّے آس رکھدی اے۔ تے راتِیں دِنے بینتی تے دُعا وِچ لگّی رہندی اے۔

۱-پطرس 4:7

سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۱-پطرس 5:7

تے اپنا سارا فِکر اوسے اُتّے سُٹ دیو۔ کیوں جو اوہنوں تُہاڈا فِکر اے۔