فِلِپّیوں 4:1 - پنجابی نواں عہد نامہ نظرثانی شدہ چھپائی

¹ ایس لئی میرے پیارے بھراؤ! جِنہاں دی مَینُوں چاہ اے۔ تے جیہڑے میری خُوشی تے تاج ہو۔ میرے پیاریو! خُداوند وِچ پکّے رہو۔

فِلِپّیوں 4:1 Iomraidhean Croise

متّی 10:22

تے میرے ناں کر کے سبھ لوک تُہاڈے نال وَیر رکھن گے۔ پر جو کوئی اخِیر توڑی قیم رہے گا سو ای بچایا جائے گا۔

یُوحنّا 8:31

تَد یِسُوع اوہناں یہُودِیاں نُوں جیہڑے اوہدے اُتّے اِیمان لیائے سن آکھیا۔ جے تُسی میرے کلام وِچ رہو گے تَد تُسی سَچ مُچ میرے شاگِرد بنو گے۔

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

اعمال 2:42

تے اوہ رسُولاں دی تعلِیم تے سنگت وِچ تے روٹی توڑن تے دُعا منگن وِچ لگے رہندے سن۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

۱-کُرِنتھِیوں 15:58

سو میرے پیارے بھراؤ! پیراں اُتّے پکّے رہو۔ تے خُداوند دے کمّ وِچ سدا وَدھدے جاؤ۔ کیوں جو تُسی ایہہ جان دے ہو پئی تُہاڈی محنت خُداوند وِچ ایویں نئیں اے۔

۱-کُرِنتھِیوں 16:13

جاگدے رہو اِیمان وِچ پکّے رہو۔ بندے بنو تگڑے ہوؤ۔

۲-کُرِنتھِیوں 1:14

جیویں تُہاڈے وِچوں کئیاں مَن وی لیا اے پئی اسی تُہاڈا فخر آں۔ جیویں ساڈے خُداوند یِسُوع مسِیح دے دِن تُسی وی ساڈا فخر ہوؤ گے۔

گلتِیوں 5:1

مسِیح نے سانُوں اَزاد رہن لئی اَزاد کِیتا اے۔ سو تگڑے رہو تے فیر غلامی دے جُولے ہیٹھ نا جُپّو۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

فِلِپّیوں 2:16

تے زِندگی دا کلام پیش کر دے ہو۔) تاں جو مسِیح دے دِن مَینُوں فخر ہوئے۔ پئی نا میری بھج دَوڑ بے فائدہ ہوئی نا میری محنت ایویں گئی۔

فِلِپّیوں 2:26

کیوں جو اوہ تُہانوں سبھناں نُوں بُہت چاہندا سی تے ایس کر کے بے چَین رہندا سی۔ پئی تُساں اوہدی بیماری دا حال سُنیا سی۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

۱-تھِسّلُنِیکوں 3:13

تاں جو تُہاڈے دِلاں نُوں اجیہا تگڑیاں کرے۔ پئی جد ساڈا خُداوند یِسُوع اپنے ساریاں پاک لوکاں نال آوے۔ اوہ ساڈے خُدا تے باپ دے سامھنے پاکیزگی وِچ بے عیب ہون۔

۲-تھِسّلُنِیکوں 2:15

سو بھراؤ تگڑے ہو کے کھلے رہو۔ تے جِنہاں روائِتاں دی بابت تُساں ساڈی زبانی یا ساڈے خط دی راہِیں تعلِیم پائی۔ اوہناں اُتّے قیم رہو۔

۲-تِیمُتِھیُس 2:1

سو میرے پُتر تُوں اوس فضل نال جیہڑا مسِیح یِسُوع وِچ اے تگڑا ہو۔

عِبرانیوں 10:23

تے اپنی آس دے اِقرار نُوں پَکّی طرح نال پَھڑی رکھیے کیوں جو جِس وعدہ کِیتا اے اوہ سَچّا اے۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

عِبرانیوں 4:14

سو جد ساڈا اجیہا اِک وَڈا سردار کاہِن اے جیہڑا اسماناں وِچوں لنگھ گیا۔ یعنی خُدا دا پُتر یِسُوع۔ تے اسی اپنے اِقرار اُتّے پکّے پَیر رہئے۔

۲-پطرس 3:17

سو پیاریو! ایس کر کے پئی تُسی ایہناں گلّاں نُوں اگیترے جان دے ہو۔ خبردار ہو تاں جو بے دِیناں وی بد راہی ولّ کھِچّے جا کے اپنی پُختیائی چھڈ نا دیو۔