فِلِپّیوں 3:10 - پنجابی نواں عہد نامہ نظرثانی شدہ چھپائی

¹⁰ تے مَیں اوہنوں تے اوہدے جِیو اُٹھن دی قُدرت نُوں تے اوہدے نال دُکھاں وِچ شریک ہون نُوں معلُوم کراں۔ تے اوہدی مَوت ورگا ہو جاواں۔

فِلِپّیوں 3:10 Iomraidhean Croise

متّی 20:23

اوہ اوہناں نُوں آکھن لگّا۔ میرا پیالہ تے تُسی ضرُور پِیو گے پر سَجّے تے کبھّے بہانا میرے ہتّھ وِچ نئیں اے پئی کِسے نُوں دے دیاں۔ پر اوہناں نُوں بخشیا جائے گا جِنہاں واسطے میرے باپ کولوں مُقرّر کِیتا گیا اے۔

یُوحنّا 10:18

کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

رُومِیوں 8:29

کیوں جو جِنہاں نُوں اوس پہلے توں جانیا۔ اوہناں نُوں اگّے توں مُقرّر وی کِیتا پئی اوہدے پُتر دی شکل بنن۔ تاں جو اوہ بتھیرے بھراواں وِچ پلیٹھا ہوئے۔

رُومِیوں 8:36

جیویں لِکھیا اے۔ اسی تیری خاطر سارا دِن مارے جانے آں۔ اسی کوہِیاں جان والِیاں بھیڈاں وانگُوں گِنے جانے آں۔

۲-کُرِنتھِیوں 1:10

سو اوسے سانُوں ایڈی وڈّی ہلاکت توں چھڈایا تے چھڈاوے گا تے سانُوں اوہدے توں آس اے۔ پئی اگّے نُوں وی چھڈاؤندا رہے گا۔

۲-کُرِنتھِیوں 1:5

کیوں جو جیویں مسِیح دے دُکھ سانُوں وَدّھ پُہنچدے نیں اوسے طرح ساڈی تسلّی وی مسِیح دی راہِیں وَدّھ ہوندی اے۔

۲-کُرِنتھِیوں 13:4

ہاں اوہ کمزوری دے سببّوں صلِیب دِتّا گیا پر خُدا دی قُدرت دے سببّوں زِندہ اے۔ تے اسی وی اوہدے وِچ کمزور تے آں پر اوہدے نال خُدا دی اوس قُدرت نال زِندہ ہوواں گے جیہڑی تُہاڈے لئی اے۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 6:17

ایدوں اگّے کوئی مَینُوں دُکھ نا دے کیوں جو مَیں اپنے بدن اُتّے یِسُوع دے داغ لئی پِھرنا آں۔

اِفسِیوں 4:13

جدوں تِیکر اسی سارے خُدا دے پُتر تے اِیمان تے اوہدی پچھان وِچ اِک نا ہو جائیے تے پُورے اِنسان یعنی مسِیح دے پُورے قد جیڈے نا ہو جائیے۔

فِلِپّیوں 3:8

سگوں مَیں اپنے خُداوند یِسُوع مسِیح دی پہچان دی بُہتی خُوبی دے سبّب سارِیاں شیواں نُوں گھاٹا سمجھنا آں۔ جِہدے لئی مَیں ساریاں شیواں دا گھاٹا جھلیا تے اوہناں نُوں کُوڑا سمجھنا آں پئی مسِیح نُوں کھٹ لَواں۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

کُلُسِّیوں 2:13

تے اوس تُہانوں وی جیہڑے اپنے قصوراں تے جِسم دی نا سُنتی دے سببّوں موئے ہوئے سو اوہدے نال جوالیا تے سارے ساڈے قصور بخش دِتّے۔

کُلُسِّیوں 3:1

سو جے تُسی مسِیح نال جوالے گئے ہو تاں اُتّے دِیاں شیواں نُوں لبّھدے رہو۔ جِتّھے مسِیح رہندا اے تے خُدا دے سَجّے ہتّھ بَیٹھا اے۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔

۲-پطرس 1:13

تے جد تِیکر مَیں ایس تنبُو وِچ آں تُہانوں یاد دوا دوا کے اُبھارنا واجب سمجھنا آں۔

۱-یُوحنّا 2:3

جے اسی اوہدے حُکماں نُوں منیئے تے سانُوں پتا لگدا اے۔ پئی اسی اوہنوں جاننے آں۔

۱-یُوحنّا 2:5

آں جیہڑا اوہدے کلام نُوں مَندا اے۔ سَچّی مُچّی اوہدے وِچ خُدا دی مُحبّت پُوری ہوگئی اے ایس توں پتا لگدا اے۔ پئی اسی اوہدے وِچ آں۔

مُکاشفہ 1:18

تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔