فِلِپّیوں 2:17 - پنجابی نواں عہد نامہ نظرثانی شدہ چھپائی

¹⁷ تے جے تُہاڈے اِیمان دی قُربانی تے سیوا اُتّوں مَیں گھولیا وی جاواں تَد وی خُوش آں۔ تے تُہاڈے سبھناں نال خُوشی کرنا آں۔

فِلِپّیوں 2:17 Iomraidhean Croise

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

۲-کُرِنتھِیوں 12:15

تے مَیں تُہاڈیاں رُوحاں واسطے بُہت خُوشی نال خرچ کراں گا۔ سگوں آپ وی خرچ ہو جاواں گا۔ جے مَیں تُہاڈے نال وَدّھ مُحبّت رکھاں تے تُسی میرے نال گھٹ مُحبّت رکھو گے؟

۲-کُرِنتھِیوں 4:12

سو مَوت تے ساڈے وِچ اثر کر دی اے تے زِندگی تُہاڈے وِچ۔

۲-کُرِنتھِیوں 6:10

اُداساں وانگر آں پر سدا خُوش رہنے آں۔ کنگالاں جیہے آں پر بتھیریاں نُوں دَولت مند کر دینے آں۔ ناداراں وانگر آں۔ تَد وی سبھ کُجھ رکھنے آں۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

فِلِپّیوں 1:20

ایس لئی پئی میرے دِل دی تاہنگ تے آس ایہو ای اے پئی مَیں کِسے گلّ وِچ شرمندہ نا ہوواں سگوں پُوری دلیری صدقہ جیویں مسِیح دی وڈیائی میرے بدن دے سببّوں سدا ہوندی رہی اے اوسے طرح ہُن وی ہوئے گی۔ بھانویں مَیں مر جاواں تے بھانویں مَیں جِیوندا رہاں۔

فِلِپّیوں 2:18

تُسی وی ایسے طرح خُوش ہوؤ۔ تے میرے نال خُوشی کرو۔

فِلِپّیوں 2:30

ایس لئی پئی اوہ مسِیح دے کمّ دی خاطر مرن دے نیڑے اَپڑ گیا سی۔ اوہ ایس کر کے جان اُتّے کھیڈ گیا پئی جِنّاں گھاٹا تُہاڈے ولّوں میری سیوا وِچ ہویا اے۔ اوہنوں پُوریاں کرے۔

فِلِپّیوں 4:18

میرے کول سبھو کُجھ اے۔ سگوں بُہت وَدّھ اے۔ تُہاڈیاں گھلّیاں ہویاں شیواں اِپفُردِتُس دے ہتھّوں لے کے مَیں رَجّ گیا آں۔ اوہ اِک خُوشبوئی تے اجیہی قُربانی نیں۔ جیہڑی قبول ہوئی تے خُدا نُوں پسند اے۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔

۲-تِیمُتِھیُس 4:6

پئی مَیں ہُنے قُربان پیا ہُنا آں۔ تے میرے کُوچ دا ویلا آ پُجیا اے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔