فِلِپّیوں 2:15 - پنجابی نواں عہد نامہ نظرثانی شدہ چھپائی

¹⁵ تاں جو تُسی بے عیب تے حلِیم ہو کے ڈِنگیاں تے پُٹھے چَلّن والیاں لوکاں وِچ خُدا دے بے نُقص پُتر بنے رہو۔ (جِنہاں وِچ تُسی دُنیا وِچ چانن وانگُوں ظاہر ہوندے ہو۔

فِلِپّیوں 2:15 Iomraidhean Croise

متّی 10:16

ویکھو مَیں تُہانوں ایس طرح گھلّنا آں جیہا بھیڈاں نُوں بگھیاڑاں دے وِچ۔ سو سپّاں وانگر ہُشیار ہوؤ تے کبُوتراں وانگر بھولے۔

متّی 17:17

تَد یِسُوع نے جواب دِتّا۔ اَے بے اِیمان اَڑبنگی نسل مَیں کدوں تِیکر تُہاڈے نال ہوواں گا مَیں کدوں تِیکر تُہاڈی برداشت کراں گا؟ اوہنوں ایتھے میرے کول لیاؤ۔

متّی 5:45

تاں جو تُسی اپنے باپ دے جیہڑا اسمان وِچ اے پُتر بن جاؤ کیوں جو اوہ تے اپنے سُورج نُوں بُریاں تے بھلیاں اُتّے چڑھاندا اے۔ نالے نیکاں تے بداں اُتّے مینہ وساؤندا اے۔

متّی 5:48

سو تُسی کامِل ہوؤو جیویں تُہاڈا اسمانی باپ کامِل اے۔

لُوقا 1:6

اوہ دوویں خُدا دے اگّے نیک سن۔ تے خُداوند دے سارے حُکماں تے قانُوناں اُتّے بے عیب چَلّن والے سن۔

لُوقا 6:35

پر اپنے وَیرِیاں نال پیار کرو تے اوہناں دا بھلا کرو تے کُجھ مُڑ نا لین دی آس رکھ کے اُدھار دیو۔ تے تُہاڈا اَجر وَڈا ہوئے گا۔ تے تُسی خُدا تعالیٰ دے پُتر ہوؤگے۔ کیوں جو اوہ تے ناشکریاں تے شریراں لئی وی مہربان اے۔

یُوحنّا 5:35

اوہ اِک بلدا ہویا تے چمکدا ہویا دِیوا سی۔ تے تُسی گھڑی تِیکر اوہدے چانن وِچ خُوش رہنا چاہندے سو۔

اعمال 2:40

تے ہور بتھیریاں گلّاں نال پَکّ کر کے اوس اوہناں نُوں نصِیحت کِیتی۔ پئی ایس پُٹھی قوم توں اپنا آپ بچاؤ۔

اعمال 20:30

نالے تُہاڈے اپنے ای وِچوں بندے اُٹھ کھلون گے جیہڑے اُلٹِیاں گلّاں شاگِرداں نُوں اپنے مگر کھِچّ لیجان لئی آکھن گے۔

رُومِیوں 16:19

کیوں جو تُہاڈی تابعداری ساریاں وِچ مشہُور ہوئی اے ایس کر کے مَیں تُہاڈے اُتّے خُوش آں پر مَیں چاہناں آں پئی تُسی بھلیائی وِچ سِیانے تے بُریائی وِچ نِیانے رہو۔

۱-کُرِنتھِیوں 1:8

جیہڑا تُہانوں اوڑک تِیکر قیم وی رکھّے گا۔ تاں جو تُسی ساڈے خُداوند یِسُوع مسِیح دے دِن بے عیب ٹھیرو

۲-کُرِنتھِیوں 6:17

ایس واسطے خُداوند آکھدا اے پئی ایہناں وِچوں نِکل کے وکھرے رہو تے ناپاک شے نُوں ہتّھ نا لاؤ۔ تے مَیں تُہانوں قبول کر لاں گا۔

اِفسِیوں 5:27

تے اِک اجیہی جلالی کلِیسیا بنا کے اپنے اگّے حاضر کرے۔ جِہدے بدن وِچ داغ یا جُھری یا کوئی ہور اجیہی شے نا ہوئے۔ سگوں پاک تے بے نُقص ہوئے۔

فِلِپّیوں 1:10

تاں جو چَنگیاں چَنگیاں شیواں نُوں پرکھ سکو تے مسِیح دے دِن تِیکر صاف دِل رہو۔ تے کدی ٹھیڈا نا کھاؤ۔

فِلِپّیوں 3:6

جوش ولّوں کلِیسیا دا ستان والا۔ شریعت دی راستی ولّوں بے عیب ساں۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۱-تِیمُتِھیُس 3:10

اوہ وی پہلاں ازمائے جان۔ پِچّھوں جے بے نُقص نِکلن۔ تے خِدمت دا کمّ کرن۔

۱-تِیمُتِھیُس 3:2

ایس لئی نگران بے نُقص تے اِک زنانی دا بندہ۔ تے پرہیزگار تے سُرت والا تے سُچجا تے مُسافراں دی سیوا کرن والا تے سکھان وِچ چَنگا ہوئے۔

۱-تِیمُتِھیُس 5:14

سو مَیں چاہناں آں۔ پئی مُٹیار رَنڈِیاں ویاہ کر لین۔ تے اولاد جمّن تے گھر دا بندوبست کرن۔ تے کوئی وَیری بھلا بُرا نا آکھ سکے۔

۱-تِیمُتِھیُس 5:20

گُناہ کرن والیاں نُوں ساریاں دے سامھنے جِھڑک تاں جو دُوجیاں نُوں وی ڈر ہوئے۔

۱-تِیمُتِھیُس 5:7

ایہناں گلّاں دا وی حُکم دے۔ تاں جو اوہ بے الزام رہن۔

طِطُس 1:6

جیہڑے بے الزام تے اِک زنانی دے گھر والے ہون۔ تے اوہناں دی اولاد اِیمان والی ہوئے تے بدچلنی تے سرکشی دے سبّب بدنام نا ہوئے۔

طِطُس 2:10

چوری تے چالاکی نا کرن۔ سگوں پُوری دیانتداری نُوں چنگی طرح ظاہر کرن۔ پئی اوہ سارِیاں گلّاں وِچ ساڈے نجات دین والے خُدا دی تعلِیم نُوں سنگارن۔

طِطُس 2:15

پُورے اختیار نال ایہہ گلّاں آکھ تے نصِیحت دے تے جِھڑک کوئی تینُوں ماڑا نا سمجھے۔

عِبرانیوں 7:26

کیوں جو سانُوں ایس طرح دا سردار کاہِن پھبدا سی جیہڑا پاک تے صاف دِل تے بے داغ تے گُنہگاراں توں وکھرا تے اسماناں توں اُچّا کِیتا گیا ہوئے۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۲-پطرس 3:14

سو پیاریو! ایس کر کے پئی تُسی ایہناں گلّاں دی اوڈِیک وِچ ہو اوہدے اگّے تسلّی دی حالت وِچ بِناں داغ تے بے عیب ہون دی کوشش کرو۔

مُکاشفہ 2:5

ایس لئی تُوں چیتا کر پئی تُوں کِتّھوں ڈِگّا ایں۔ تے تَوبہ کر کے پہلے وانگر کمّ کر۔ تے جے تُوں تَوبہ نا کریں گا۔ تے تیرے کول مَیں آ کے تیرا دِیوا اوہدی تھاں توں ہٹا دیاں گا۔

مُکاشفہ 3:9

ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔