فِلِپّیوں 1:20 - پنجابی نواں عہد نامہ نظرثانی شدہ چھپائی

²⁰ ایس لئی پئی میرے دِل دی تاہنگ تے آس ایہو ای اے پئی مَیں کِسے گلّ وِچ شرمندہ نا ہوواں سگوں پُوری دلیری صدقہ جیویں مسِیح دی وڈیائی میرے بدن دے سببّوں سدا ہوندی رہی اے اوسے طرح ہُن وی ہوئے گی۔ بھانویں مَیں مر جاواں تے بھانویں مَیں جِیوندا رہاں۔

فِلِپّیوں 1:20 Iomraidhean Croise

یُوحنّا 21:19

اوس ایس گلّ نال اشارہ کِیتا پئی اوہ کیہڑی مَوت نال خُدا دی وڈیائی کرے گا تے ایہہ آکھ کے آکھیا میرے مگر آ۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

اعمال 4:31

جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 6:13

تے نا تُسی اپنے انگاں نُوں گُناہ دے حوالے کرو پئی ناراستی دے ہتّھیار ہون۔ پر اپنے آپ نُوں مُردیاں وِچوں جِیوندے جان کے خُدا دے حوالے کرو۔ تے اپنا انگاں نُوں راستبازی دے ہتّھیار ہون لئی خُدا دے حوالے کرو۔

رُومِیوں 6:19

تُہاڈے جِسم دی کمزوری دے سببّوں مَیں اِنسانی سبھا وانگُوں گلّ کرنا آں کیوں جو جیویں تُساں اپنے انگاں نُوں شرارت کرن لئی پلِیتی تے شرارت دی غلامی دے حوالے کِیتا اوسے طرح ہُن تُسی اپنے انگاں نُوں پاک ہون لئی راستبازی دی غلامی دے حوالے کر دیو۔

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

رُومِیوں 9:33

جیویں لِکھیا اے پئی ویکھ مَیں صِیُّون وِچ ٹھیڈے دی چٹان تے ٹھوکر دا پتّھر رکھنا آں۔ تے جیہڑا اوہدے اُتّے اِیمان لیاؤندا اے اوہ شرمندہ نئیں کِیتا جاوے گا۔

۱-کُرِنتھِیوں 15:31

بھراؤ! مَینُوں اوس مان دی سَونہہ جیہڑا خُداوند یِسُوع مسِیح وِچ تُہاڈے اُتّے اے۔ مَیں روز دِہاڑی مرنا آں۔

۱-کُرِنتھِیوں 6:20

کیوں جو مُل لَئے گئے ہو۔ سو اپنے بدن نال خُدا دا جلال ظاہر کرو۔

۱-کُرِنتھِیوں 7:34

وِیاہی ہوئی تے نا وِیاہی وِچ وی فرق اے۔ نا وِیاہی ہوئی خُداوند دے فِکر وِچ رہندی اے تاں جو اوہدا جِسم تے رُوح دونویں پاک ہون۔ پر وِیاہی ہوئی زنانی دُنیا دے فِکر وِچ رہندی اے پئی کِسے طرح اپنے بندے نُوں خُوش کرے۔

۲-کُرِنتھِیوں 10:8

کیوں جو جے مَیں ایس اختیار اُتّے کُجھ وَدّھ فخر وی کراں۔ جیہڑا خُداوند تُہاڈے بنان لئی مَینُوں دِتّا اے۔ تے تُہاڈے وگاڑن لئی نئیں۔ تے مَیں شرمندہ نا ہوواں گا۔

۲-کُرِنتھِیوں 3:12

سو اسی اجیہی آس کر کے بڑی دلیری نال بولنے آں۔

۲-کُرِنتھِیوں 4:10

اسی ہر ویلے اپنے جِسم وِچ یِسُوع دی مَوت لئی پِھرنے آں۔ تاں جو یِسُوع دی زِندگی ساڈے بدن وِچ ظاہر ہوئے۔

۲-کُرِنتھِیوں 5:15

تے اوہ ایس لئی ساریاں لئی مویا پئی جیہڑے جِیوندے نیں اوہ اگّے نُوں اپنے واسطے نا جیون سگوں اوہدے لئی جیہڑا اوہناں واسطے مویا تے فیر جی اُٹھیا۔

۲-کُرِنتھِیوں 7:14

تے جے مَیں اوہدے اگّے تُہاڈی بابت کُجھ فخر کِیتا تے شرمندہ نا ہویا سگوں جیویں اساں سارِیاں گلّاں تُہانوں سَچ سَچ آکھیاں ایسے طرح جیہڑا فخر اساں طِطُس دے اگّے کِیتا۔ اوہ وی سَچ نِکلیا۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

فِلِپّیوں 1:14

تے جیہڑے خُداوند وِچ بھرا نیں کئی میرے قید ہون دے سببّوں دلیر ہو کے بے دھڑک خُدا دا کلام سُنان وِچ وَدّھ کے حَوصلہ کر دے نیں۔

فِلِپّیوں 2:17

تے جے تُہاڈے اِیمان دی قُربانی تے سیوا اُتّوں مَیں گھولیا وی جاواں تَد وی خُوش آں۔ تے تُہاڈے سبھناں نال خُوشی کرنا آں۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۱-پطرس 4:16

پر جے مسِیحی ہون دے سببّوں کوئی بندہ دُکھ پائے۔ تے نا شرمائے۔ سگوں ایس ناں دے سببّوں خُدا دی وڈیائی کرے۔

۱-یُوحنّا 2:28

سو بچّیو! اوہدے وِچ قیم رہو۔ تاں جو اوہدے ظاہر ہون دے ویلے سانُوں دلیری ہوئے۔ تے اوہدے آؤن دے ویلے اوہدے اگّے سانُوں نموشی نا ہوئے۔