فِلِپّیوں 1:13 - پنجابی نواں عہد نامہ نظرثانی شدہ چھپائی

¹³ ایتھوں تِیکر پئی قَیصری سپاہیاں دی ساری پلٹن تے باقی ساریاں لوکاں وِچ مشہُور ہوگیا پئی مَیں مسِیح دے واسطے قید آں۔

فِلِپّیوں 1:13 Iomraidhean Croise

اعمال 26:29

پَولُس آکھیا مَیں تے خُدا توں چاہناں آں پئی بھانویں تھوڑی نصِیحت نال بھانویں بُہتی نصِیحت نال نا نِرا تُوں سگوں جِنّے اَج میری پئے سُندے نیں ایہناں بیڑیاں نُوں چھڈ کے میرے جیہے ہو جان۔

اعمال 26:31

تے وکھرے ہو کے آپو وِچ گلّاں کرن لگّے۔ پئی ایہہ جِنہاں قتل یا قید دے لائق کُجھ نئیں کر دا۔

اعمال 28:17

تے اینج ہویا پئی تِنّ دِن پِچّھوں اوس یہُودِیاں دے وڈّے وڈّے بندیاں نُوں سدّیا تے جدوں اوہ اکٹّھے ہوئے اوس اوہناں نُوں آکھیا۔ بھراؤ! بھانویں مَیں اپنی قوم دے یا پئیو دادیاں دِیاں رسماں دے اُلٹ کُجھ وی نئیں کِیتا۔ تَد وی یرُوشلِیم توں قیدی ہو کے مَیں رُومِیاں دے ہتّھ پھڑوایا گیا۔

اعمال 28:20

ایسے واسطے مَیں تُہانوں سدّیا پئی تُہانوں مِلاں تے گلّ بات کراں۔ کیوں جو اِسرائیل دی آس دے سببّوں مَیں ایس سَنگل نال بَدّھا ہویا ہاں۔

اعمال 28:30

اوہ پُورے دو ورھیاں تِیکر اپنے کرائے دے گھر وِچ رہیا سبھناں نُوں جیہڑے اوہدے کول آوندے سن اوہناں نُوں مِلدا رہیا۔

اِفسِیوں 3:1

ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 6:20

جِہدے واسطے سنگلی نال بَدّھا ہویا ایلچی آں۔ تے اوہنوں دلیری نال بیان کراں جیویں چاہیدا اے۔

فِلِپّیوں 1:30

تے تُسی اوسے طرح پُورے دِلوں کوشش کر دے ہو۔ جیویں مَینُوں کر دیاں ویکھیا سی۔ تے ہُن وی سُندے ہو پئی مَیں اوسے طرح کرنا آں۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

فِلِپّیوں 4:22

سارے پاک لوک خاص کر قَیصر دے گھر والے تُہانوں سلام آکھدے نیں۔

۲-تِیمُتِھیُس 2:9

جِہدے لئی مَیں بدکار وانگر دُکھ سہناں آں۔ ایتھوں تِیکر پئی قید آں۔ پر خُدا دا کلام قید نئیں۔