۲-تِیمُتِھیُس 4:8 - پنجابی نواں عہد نامہ نظرثانی شدہ چھپائی

⁸ اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

۲-تِیمُتِھیُس 4:8 Iomraidhean Croise

متّی 24:36

پر اوس دِن تے اوس گھڑی نُوں باپ دے سِوا کوئی نئیں جاندا نا اسماناں دے فرِشتے تے نا پُتر۔

متّی 7:22

اوس دِہاڑے بتھیرے مَینُوں آکھن گے خُداوندا خُداوندا تیرا ناں لے کے نبُوّتاں اساں نئیں سن کِیتیاں؟ تے تیرا ناں لے کے بدرُوحاں نئیں کڈِھیاں؟ تے تیرا ناں لے کے ڈھیر سارِیاں کراماتاں نئیں وکھائیاں؟

لُوقا 10:12

مَیں تُہانوں آکھنا آں پئی اوس دِن سدُوم دا حال اوس شہر نالوں بُہتا سوکھا ہوئے گا۔

رُومِیوں 2:5

سگوں تُوں اپنے ڈاہڈے تے نا تَوبہ کرن والے دِل دے سببّوں اوس دِن لئی جِہدے وِچ قَہر تے خُدا دی سَچّی عدالت ظاہر ہوئے گی۔ اپنے لئی قَہر اکٹّھا کرنا ایں۔

رُومِیوں 8:23

تے نِری اوہو نئیں پر اسی وی جِنہاں نُوں رُوح دے پہلے پَھل مِلے۔ آپ ای اپنے وِچ تڑپھنے آں۔ تے پُتریلے ہون دے یعنی اپنے بدن دے چُھٹکارے دی اُڈِیک وِچ آں۔

۱-کُرِنتھِیوں 2:9

سگوں جیویں لِکھیا اے۔ اوسے طرح ہویا پئی جیہڑیاں شیواں نا اَکھّیاں ویکھیاں نا کنّاں سُنیاں نا بندیاں دے دِلاں وِچ آئِیاں۔ جِنّیاں شیواں خُدا نے اپنے پیار کرن والیاں لئی تیار کر دِتّیاں۔

۱-کُرِنتھِیوں 3:13

تے ہر کِسے دا کمّ دِس پووے گا۔ کیوں جو جیہڑا دِن اَگ نال ظاہر ہوئے گا۔ اوہ اوس کمّ نُوں دس دے گا۔ تے اوہ اَگ ہر اِک دا کمّ آپی پرکھ لَئے گی۔ پئی کیہو جِہیا اے۔

۱-کُرِنتھِیوں 9:25

تے ہر اِک پہلوان سبھ طرح دا پرہیز کر دا اے۔ اوہ لوک تے کُملان والا سِہرا لین لئی ایہہ کر دے نیں۔ پر اسی اوس سِہرے لئی کرنے آں۔ جیہڑا کُملاؤندا نئیں۔

۲-کُرِنتھِیوں 5:2

سو اسی ایہدے وِچ کُرلاؤندے آں۔ تے بڑی چاہ رکھنے آں۔ پئی اپنے اسمانی گھر نُوں کپڑیاں وانگُوں پا لیئے۔

فِلِپّیوں 3:11

پئی کوِیں مُردیاں وِچوں جی اُٹھن دے درجے نُوں اپڑاں۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

۱-تھِسّلُنِیکوں 1:10

تے اوہدے پُتر دے اسمان ولّوں آؤن دی اُڈِیک وِچ رہو۔ جِہنُوں اوس مُردیاں وِچوں جوایا۔ جِہدا ناں اے یِسُوع۔ جیہڑا سانُوں آؤن والے غضبوں چھڈاؤندا اے۔

۱-تھِسّلُنِیکوں 5:4

پر تُسی بھراؤ ہنیرے وِچ نئیں۔ پئی اوہ دِن چور وانگر تُہاڈے اُتّے آوے۔

۲-تھِسّلُنِیکوں 2:8

تے فیر اوہ بے دِین بندہ جِہنُوں خُداوند یِسُوع اپنے مُنھ دی پُھوک نال ہلاک تے اپنے آؤن دے جَلوے نال فنا کرے گا ظاہر کِیتا جائے گا۔

۱-تِیمُتِھیُس 6:19

تے اگّے واسطے اِک چنگی نِینّھ قیم کر رکھن۔ تاں جو اصلی زِندگی اُتّے قبضہ کر لین۔

۲-تِیمُتِھیُس 1:10

پر ہُن ساڈے نجات دین والے مسِیح یِسُوع دے ظاہر ہون توں ظاہر ہویا۔ جِس مَوت نُوں برباد تے زِندگی تے بقا نُوں اوس خُوشخبری دی راہِیں چانن والا کر دِتّا۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 1:18

(خُداوند اوہنوں ایہہ بخشے۔ پئی اوس دِن اوہدے اُتّے خُداوند دا رَحم ہوئے۔) تے جیہڑیاں خِدمتاں اوس اِفِسُس وِچ کِیتیاں تُوں چنگی طرح جاننا ایں۔

۲-تِیمُتِھیُس 2:5

دنگل وِچ گُھلن والے نُوں وی جد تِیکر قاعدے نال نا گُھلے تاج نئیں مِلدا۔

۲-تِیمُتِھیُس 4:1

خُدا تے مسِیح یِسُوع نُوں جیہڑا جِیوندیاں تے مویاں ہویاں دی عدالت کرے گا۔ گواہ کر کے تے اوہدے ظاہر ہون توں بادشاہی نُوں یاد دوا کے مَیں تینُوں آکھنا آں۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 12:11

تے ہُن سارِیاں جِھڑکاں خُوشی دا نئیں پر غم دا سبّب معلُوم ہوندیاں نیں پر جیہڑے اوہناں نُوں سَہندے سَہندے پکّے ہوگئے۔ اوہناں نُوں پِچّھوں آرام دے نال راستبازی دا پَھل دیندیاں نیں۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

۱-پطرس 1:4

پئی اِک وِرثہ جیہڑی نا ناس ہون والی نا نُقص والی تے نا کُملان والی اے۔

۱-پطرس 5:4

تے جدوں وَڈا آجڑی ظاہر ہوئے گا۔ تے تُہانوں جلال دا اجیہا سِہرا مِلے گا جیہڑا کُملاؤندا نئیں۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔

مُکاشفہ 19:11

فیر مَیں اسمان نُوں کُھلا ہویا ویکھیا۔ تے کِیہ ویکھنا آں پئی اِک چِٹّا گھوڑا اے۔ تے اوہدے اُتّے اِک سوار اے جیہڑا سَچّا تے برحق اکھواؤندا اے۔ تے اوہ راستی دے نال انصاف تے لڑائی کر دا اے۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔

مُکاشفہ 22:20

جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔ آمِین اَے خُداوند یِسُوع آ۔

مُکاشفہ 4:10

تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔

مُکاشفہ 4:4

تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔