۲-تِیمُتِھیُس 4:5 - پنجابی نواں عہد نامہ نظرثانی شدہ چھپائی

⁵ پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

۲-تِیمُتِھیُس 4:5 Iomraidhean Croise

متّی 25:16

سو جِس پنج توڑے لَئے سن اوس جا کے اوہناں نال بیوپار کِیتا۔ تے پنج توڑے ہور کمائے۔

مرقس 13:34

ایہہ اِک پردیس وِچ گئے ہوئے بندے وانگر اے جِس گھروں نِکلدے ویلے اپنے نَوکراں نُوں اختیار دِتّا۔ ہر اِک نُوں اوہدا کمّ دس دِتّا تے دربان نُوں حُکم کِیتا پئی جاگدا رہے۔

مرقس 13:37

تے جو کُجھ مَیں تُہانوں آکھنا آں سو ساریاں نُوں آکھنا آں۔ جاگدے رہو۔

لُوقا 12:37

دھنّ نیں اوہ نوکر جِنہاں دا مالک آ کے اوہناں نُوں جاگدیاں ویکھے۔ مَیں تُہانوں سَچ آکھنا آں۔ پئی اوہ آپ لکّ بَنّھ کے کھان لئی اوہناں نُوں بٹھائے گا۔ تے کول آ کے اوہناں دی سیوا کرے گا۔

اعمال 21:8

دُوجے دِہاڑے اسی ٹُر پئے۔ تے قَیصریہ نُوں آئے۔ تے فِلپُّس دے گھر جا کے پَروہنے رہے۔ اوہ اِک اِنجِیل سُنان والا تے اوہناں ستّاں وِچوں اِک سی۔

رُومِیوں 15:19

بھانویں نشانِیاں تے کراماتاں دی قُدرت نال بھانویں پاک رُوح دی قُدرت نال۔ ایتھوں تِیکر پئی یرُوشلِیم توں لے کے اِلّرِکُم تِیکر وی مَیں پھیرا مار کے مسِیح دی خُوشخبری دی پُوری منادی کِیتی۔

اِفسِیوں 4:11

تے اوسے ای بعضیاں نُوں رسُول تے بعضیاں نُوں نبی تے بعضیاں نُوں اِنجِیل سُنان والے تے بعضیاں نُوں آجڑی تے اُستاد بنا کے دے دِتّا۔

اِفسِیوں 4:12

تاں جو پاک لوک کامِل بنن تے سیوا دا کمّ کِیتا جائے۔ تے مسِیح دا جِسم وَدھے۔

کُلُسِّیوں 1:25

جِہدا مَیں خُدا دے اوس بندوبست دے سببّوں نوکر بنیاں۔ جیہڑا تُہاڈے لئی میرے سپُرد ہویا۔ تاں جو مَیں خُدا دے کلام دی پُوری پُوری منادی کراں۔

کُلُسِّیوں 4:17

تے خط جیہڑا لَودِیکیہ وِچوں آوے پڑھ لوؤ۔ تے ارخِپُّس نُوں آکھنا پئی جیہڑی خِدمت تینُوں خُداوند ولّوں مِلی اے۔ اوہنوں ہوش نال سمبھالِیں۔

۱-تھِسّلُنِیکوں 5:6

سو ہورناں وانگر سَوں نا رہئے۔ پر جاگدے تے ہوش وِچ رہئے۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

۱-تِیمُتِھیُس 4:15

ایہناں گلّاں دا فِکر کر تے ایہناں وِچ لگّا رہو۔ تاں جو تیرے وَدھن دا ساریاں نُوں پتا لگّے۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

۲-تِیمُتِھیُس 2:3

مسِیح یِسُوع دے چنگے سپاہی وانگر میرے نال دُکھ سہہ۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

مُکاشفہ 3:2

جاگدا رہو تے اوہناں شیواں نُوں جیہڑیاں باقی نیں تے جیہڑیاں مِٹن والِیاں سن مضبُوط کر۔ کیوں جو مَیں تیرے کِسے کمّ نُوں اپنے خُدا دے اگّے پُورا نئیں ویکھیا