۲-تِیمُتِھیُس 4:2 - پنجابی نواں عہد نامہ نظرثانی شدہ چھپائی

² پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

۲-تِیمُتِھیُس 4:2 Iomraidhean Croise

لُوقا 7:23

تے دھنّ اوہ اے جیہڑا میرے وِچ ٹھوکر دا سبّب نا پاوے۔

لُوقا 7:4

تے اوہناں یِسُوع کول اَپڑ دیاں ای اوہدی بڑی مِنّت کر کے آکھیا پئی اوہ ایس لائق اے پئی تُوں اوہدے لئی ایہہ کمّ کریں۔

لُوقا 9:60

اوس اوہنوں آکھیا۔ مُردیاں نُوں اپنے مُردے دفنان دے۔ پر تُوں جا کے خُدا دی بادشاہی دی خبر سُنا۔

اعمال 13:5

تے اوہناں سَلَمِیس وِچ اَپڑ کے یہُودِیاں دے عبادت خانیاں وِچ خُدا دا کلام سُنایا۔ تے یُوحنّا اوہناں دی خِدمت کرن والا سی۔

اعمال 16:13

تے سبت دے دِن پھاٹکوں باہر ندی دے کنڈھے اُتّے گئے۔ جِتّھے ساڈی سمجھ وِچ دُعا منگن دا تھاں سی۔ تے بَہہ کے اوہناں زنانِیاں نال جیہڑیاں اکٹّھیاں ہویاں سن گلّاں کرن لگّے۔

اعمال 20:7

تے ہفتے دے پہلے دِن جِس ویلے اسی روٹی توڑن لئی اکٹّھے ہوئے۔ پَولُس دُوجے دِن ٹُرن دا اِرادہ کر کے اوہناں نال کلام کِیتا۔ تے اَدھی رات تِیکر اپنا وعظ کر دا رہیا۔

اعمال 28:16

تے جدوں اسی رُومہ وِچ اَپڑے پَولُس نُوں ایہہ اجازت مِلی۔ پئی اوس سپاہی نال اکلّا رہے جیہڑا اوہدی راکھی کر دا سی۔

رُومِیوں 10:15

تے جے گھلّے نا جان اوہ منادی کِیویں کرن؟ جیویں لِکھیا ہویا اے کہے سوہنے اوہناں دے قدم جیہڑے چَنگیاں گلّاں دی خُوشخبری سُنان والے نیں۔

رُومِیوں 12:12

آس وِچ خُوش رہو۔ تنگی وِچ صبر کرو۔ دُعا منگن وِچ لگّے رہو۔

گلتِیوں 6:6

کلام دے سِکھّن والے نُوں چاہیدا اے۔ پئی اُستاد نُوں سارِیاں نِعمتاں وِچ حِصّہ دار بنائے۔

کُلُسِّیوں 1:25

جِہدا مَیں خُدا دے اوس بندوبست دے سببّوں نوکر بنیاں۔ جیہڑا تُہاڈے لئی میرے سپُرد ہویا۔ تاں جو مَیں خُدا دے کلام دی پُوری پُوری منادی کراں۔

کُلُسِّیوں 4:3

تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

۱-تھِسّلُنِیکوں 1:6

تے تُسی کلام نُوں بڑی مُصِیبت وِچ پاک رُوح دی خُوشی نال مَن کے ساڈے تے نالے خُداوند دے نمونے اُتّے چَلّن والے بنے۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۱-تھِسّلُنِیکوں 5:20

نبُوّتاں دی حقارت نا کرو۔

۱-تِیمُتِھیُس 4:13

جد تِیکر مَیں نا آواں۔ پڑھن تے نصِیحت کرن تے سکھان ولّ دھیان رکھ۔

۱-تِیمُتِھیُس 5:20

گُناہ کرن والیاں نُوں ساریاں دے سامھنے جِھڑک تاں جو دُوجیاں نُوں وی ڈر ہوئے۔

۲-تِیمُتِھیُس 2:21

سو جیہڑا اوہناں توں وکھرا ہو کے اپنے آپ نُوں پاک کرے گا اوہ عِزّت دا بھانڈا ہوئے گا تے پاک بنے گا۔ تے مالک دے کمّ دے لائق تے ہر اِک نیک کمّ دے لئی تیار ہوئے گا۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

۲-تِیمُتِھیُس 3:10

پر تُوں تعلِیم۔ چال چَلّن۔ اِرادے۔ اِیمان۔ صبر۔ مُحبّت۔ برداشت۔ ستائے جان۔ تے دُکھ دَرد سہن وِچ میری پَیروی کِیتی۔

طِطُس 1:13

ایہہ گواہی سَچّی اے۔ پر اوہناں نُوں چنگی طرح جھاڑ پئی اوہناں دا اِیمان ٹھیک ہوئے۔

طِطُس 2:15

پُورے اختیار نال ایہہ گلّاں آکھ تے نصِیحت دے تے جِھڑک کوئی تینُوں ماڑا نا سمجھے۔

عِبرانیوں 13:22

بھراؤ مَیں تُہاڈی مِنّت کرنا آں۔ پئی تُسی ایس نصِیحت دے کلام دی برداشت کرو۔ کیوں جو مَیں تُہانوں تھوڑیاں گلّاں وِچ لِکھیا اے۔

مُکاشفہ 3:19

مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔