۲-تِیمُتِھیُس 3:12 - پنجابی نواں عہد نامہ نظرثانی شدہ چھپائی

¹² سگوں جِنّے مسِیح یِسُوع وِچ دِینداری دے نال زِندگی کٹنی چاہندے نیں۔ اوہ سارے ستائے جان گے۔

۲-تِیمُتِھیُس 3:12 Iomraidhean Croise

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

متّی 23:34

ایس کر کے ویکھو مَیں نبیاں تے داناواں تے فقِیہاں نُوں تُہاڈے کول گھلّنا آں۔ اوہناں وِچوں کئیاں نُوں تُسی مار سُٹّو گے تے صلِیب دیؤگے۔ تے کئیاں نُوں اپنے عبادت خانیاں وِچ کولڑے مارو گے تے شہروں شہر بھجا کے اَوکھیاں کرو گے۔

مرقس 10:30

تے ہُن ایس سَمے وِچ اوہ سَو حِصّے وَدّھ نا پاوے۔ گھر تے بھراواں تے بھیناں تے مانواں تے بال بچّیاں تے زمیناں نُوں۔ پر دُکھاں نال۔ تے آؤن والے زمانے وِچ ہمیشہ دی زِندگی۔

یُوحنّا 16:2

لوک تُہانوں جماعتوں کڈھ دین گے تے اوہ گھڑی آؤندی اے پئی جیویں کوئی تُہاڈا خُون کرے اوہ ایہہ سمجھے گا پئی مَیں خُدا دی خِدمت کرنا آں۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

یُوحنّا 17:14

مَیں اوہناں نُوں تیرا کلام دِتّا اے تے دُنیا اوہناں نال وَیر رکھیا کیوں جو اوہ دُنیا دے نئیں جیویں مَیں دُنیا دا نئیں آں۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

۱-کُرِنتھِیوں 15:19

جے اسی نِرے پُرے ایسے زِندگی وِچ مسِیح اُتّے آس رکھنے آں۔ تے اسی ساریاں بندیاں نالوں وَدّھ بَھیڑے نصیب والے آں۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 4:9

ستائے تے جانے آں پر اکلّے نئیں چھڈے جاندے۔ ڈیگے تے جانے آں پر ہلاک نئیں ہوندے۔

۱-تِیمُتِھیُس 2:2

بادشاہاں تے اُچّے رُتبے والیاں واسطے ایس لئی کِیتے جان۔ پئی اسی پُوری دِینداری تے حلِیمی تے امن تے ارمان نال زِندگی کِٹئے۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۱-تِیمُتِھیُس 6:3

جے کوئی بندہ ہور تعلِیم دیندا اے۔ تے ٹھیک گلّاں نُوں یعنی ساڈے خُداوند یِسُوع مسِیح دِیاں گلّاں تے تعلِیم نئیں مَندا جیہڑی دِینداری دے سببّوں اے۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

طِطُس 2:12

تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

۱-پطرس 3:14

تے جے راستبازی دی خاطر دُکھ سَہو تے تُسی مُبارک ہو۔ نا اوہناں دے ڈران توں ڈرو تے نا گھابرو۔

۲-پطرس 3:11

جد ایہہ سارِیاں شیواں ایس طرح پگھرن والِیاں نیں تے تُہانوں پاک چال چَلّن تے دِینداری وِچ کیہو جِہیا ہونا چاہیدا اے۔

مُکاشفہ 12:4

تے اوہدی پُوشل نے اسمان دے ترِیجے حِصّہ تاریاں نُوں کھِچّ کے زمین اُتّے سُٹ لیا تے اوہ ناگ اوس زنانی دے اگّے جا کھلوتا جیہڑی جمّن والی سی پئی جدوں اوہ جمّے اوہدے بچّے نُوں کھالَئے۔

مُکاشفہ 7:14

مَیں اوہنوں آکھیا اَے میرے خُداوند تُوں ای جاندا ایں۔ اوس مَینُوں آکھیا ایہہ اوہ نیں جیہڑے اوس وڈّی مُصِیبت وِچوں نِکل کے آئے ہوئے نیں ایہناں اپنے کپڑیاں نُوں لیلے دے لہو وِچ دھوکھے چٹیاں کِیتا ہویا اے۔