۲-تِیمُتِھیُس 2:9 - پنجابی نواں عہد نامہ نظرثانی شدہ چھپائی

⁹ جِہدے لئی مَیں بدکار وانگر دُکھ سہناں آں۔ ایتھوں تِیکر پئی قید آں۔ پر خُدا دا کلام قید نئیں۔

۲-تِیمُتِھیُس 2:9 Iomraidhean Croise

لُوقا 23:32

تے ہور دو بندیاں نُوں وی جیہڑے بدکار سن لئی جاندے سن پئی اوہدے نال مارے جان۔

اعمال 21:33

تَد سردار نیڑے آیا۔ تے اوہنوں پھڑ کے حُکم دِتّا پئی دو سنگلاں نال بَنّھ لین تے پُچھیا۔ پئی ایہہ کون اے۔ تے ایس کِیتا کِیہ اے؟

اعمال 28:31

تے پُوری دلیری نال خُدا دی بادشاہی دی منادی کر دا تے خُداوند یِسُوع مسِیح دی بابت سِکھالدا رہیا تے کوئی اوہنوں روکدا نئیں سی۔

اعمال 9:16

کیوں جو مَیں اوہنوں دس دیاں گا۔ پئی میرے ناں دے بدلے اوہنوں کیڈے کیڈے دُکھ جَھلّنے پَین گے۔

اِفسِیوں 3:1

ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

فِلِپّیوں 1:17

پر دُوجے دھڑے صدقہ صاف دِل نال نئیں سگوں ایس خیال نال پئی میری قید وِچ میرے لئی دُکھ پَیدا کرن۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

کُلُسِّیوں 4:18

میرا پَولُس دا اپنی ہتّھِیں سلام۔ میرِیاں بیڑیاں نُوں چیتے رکھو۔ تُہاڈے اُتّے فضل ہوندا رہے۔

کُلُسِّیوں 4:3

تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

۱-تھِسّلُنِیکوں 1:8

کیوں جو تُہاڈے کولوں نا نِرا مَکِدُنیہ تے اَخیہ وِچ خُداوند دے کلام دی پُکار ہوئی سگوں تُہاڈا اِیمان جیہڑا خُدا اُتّے اے ہر تھاں اجیہا دُھم گیا۔ پئی ساڈے آکھن دی کوئی لوڑ نئیں۔

۲-تھِسّلُنِیکوں 3:1

سو بھراؤ! ساڈے حق اندر دُعا کرو۔ پئی خُدا دا کلام ایڈی چھیتی پھیل جائے۔ تے جلال پائے۔ جیویں تُہاڈے وِچ۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 1:16

خُداوند اُنیسِفرُس دے ٹبّر اُتّے رَحم کرے۔ کیوں جو اوس بُہتی واری مَینُوں تازیاں کِیتا تے میری قید تُوں شرمندہ نا ہویا۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

۲-تِیمُتِھیُس 2:3

مسِیح یِسُوع دے چنگے سپاہی وانگر میرے نال دُکھ سہہ۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-پطرس 2:14

تے حاکماں دے ایس لئی پئی اوہ بدکاراں دی سزا تے نیکاں دی وڈیائی دے لئی اوہدے ولّوں گھلّے ہوئے نیں۔

۱-پطرس 3:16

تے نِیّت وی نیک رکھو۔ تاں جو جِنہاں گلّاں وِچ تُہاڈے اُتّے عیب لایا جاندا اے۔ اوہناں وِچ اوہ لوک شرمندے ہون جیہڑے تُہاڈے مسِیح وِچ نیک روَئیے اُتّے طعنے دیندے نیں۔

۱-پطرس 4:15

تُہاڈے وِچوں کوئی جَنا خُونی یا چور یا بدکار یا ہورناں دے کمّ وِچ دخل دین والا ہو کے دُکھ نا پائے۔