۲-تِیمُتِھیُس 2:25 - پنجابی نواں عہد نامہ نظرثانی شدہ چھپائی

²⁵ تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

۲-تِیمُتِھیُس 2:25 Iomraidhean Croise

متّی 11:29

میری پنجالی اپنے اُتّے رکھ لوؤ تے میرے توں سِکھّو کیوں جو مَیں حلِیم تے دِل دا غرِیب آں تے تُسی اپنیاں جِیاں وِچ آرام پاؤ گے۔

متّی 21:32

کیوں جو یُوحنّا نیکی دے راہ اُتّے تُہاڈے کول آیا تے تُساں اوہنوں نا مَنّیا پر محصُولِیاں تے کسبیاں نیں اوہنوں مَن لیا۔ پر تُسی ایہہ ویکھ کے مگروں وی نئیں پچھتائے پئی اوہنوں مَن لَیندے۔

مرقس 1:15

پئی ویلا آگیا اے تے خُدا دی بادشاہی نیڑے آگئی اے۔ تَوبہ کرو۔ تے اِنجِیل اُتّے اِیمان لیاؤ۔

یُوحنّا 5:34

مَیں تے بندیاں ولّوں گواہی نئیں لَیندا پر مَیں ایہہ گلّاں آکھنا آں تاں جو تُسی بچ جاؤ۔

اعمال 11:18

اوہ ایہہ سُن کے چُپ کر گئے۔ تے خُدا دی وڈیائی کر کے آکھن لگّے۔ تَد تے غیر قوماں نُوں وی خُدا زِندگی لئی تَوبہ بخشی اے۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 20:21

تے مَیں یہُودِیاں تے یُونانِیاں دے اگّے گواہی دیندا رہیا پئی خُدا اگّے تَوبہ کرن۔ تے ساڈے خُداوند یِسُوع مسِیح اُتّے اِیمان لیاؤن۔

اعمال 5:21

سو ایہہ سُن کے اوہ سویرے ہیکل وِچ گئے۔ تے سکھالن لگّے۔ جدوں سردار کاہِن اپنے جوٹی داراں دے نال آیا۔ اوہناں صدرِ مجلس نُوں تے بنی اِسرائیل دے بزُرگاں نُوں جمع کِیتا تے قیدخانے وِچ اکھوا گھلّیا پئی اوہناں نُوں لے آؤن۔

اعمال 5:31

اوسے نُوں خُدا مالک تے نجات دین والا مُقرّر کر کے اپنے سَجّے ہتّھ نال اُچیاں کِیتا پئی اِسرائیل نُوں تَوبہ تے گُناہاں دی مُعافی بخشے۔

اعمال 8:22

سو تُوں اپنی ایس بُریائی توں تَوبہ کر۔ تے خُداوند دی مِنّت کر۔ متاں تیرے دِل دی دلیل تینُوں مُعاف کِیتی جاوے۔

گلتِیوں 6:1

بھراؤ جے کوئی تُہاڈے وِچوں کِسے قصور وِچ پھڑیا وی جائے۔ تے تُسی جیہڑے رُوحانی اوہ۔ اوہنوں حلِیمی نال سمبھالو۔ تے اپنا وی سمبھالا رکھّیں کِتے تُوں وی ازمایش وِچ نا پَے جائیں۔

۱-تِیمُتِھیُس 2:4

اوہ چاہندا اے پئی سارے لوک نجات پان۔ تے سچیائی دی پچھان تِیکر اَپڑ جان۔

۱-تِیمُتِھیُس 6:11

پر تُوں اَے خُدا دے بندیا۔ ایہناں گلّاں توں نَسّ تے راستبازی تے دِینداری تے اِیمان تے مُحبّت تے صبر تے حلِیمی دے مگر لگ۔

۲-تِیمُتِھیُس 3:7

تے سدا سِکھدِیاں رہندیاں نیں۔ پر سچیائی دی پچھان تِیکر کدی وی نئیں اَپڑ دِیاں۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

طِطُس 3:2

کِسے نُوں بُرا بھلا نا آکھن۔ جھگڑالو نا ہون پر نرم طبیعت ہون تے سارے بندیاں نال حلِیمی دا سلُوک کرن۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔

۱-یُوحنّا 5:16

جے کوئی اپنے بھرا نُوں اجیہا گُناہ کر دیاں ویکھے جِہدا انت مَوت نا ہوئے تے دُعا منگے خُدا اوہدی راہِیں اوہناں لوکاں نُوں زِندگی دیوے گا جِنہاں اجیہا گُناہ نئیں کِیتا جِہدا انت مَوت ہوئے۔ گُناہ اجیہا وی اے جِہدا انت مَوت اے۔ اوہدے لئی مَیں دُعا منگن نُوں نئیں آکھدا۔