۲-تِیمُتِھیُس 2:22 - پنجابی نواں عہد نامہ نظرثانی شدہ چھپائی

²² جوانی دِیاں خواہشاں توں بچ۔ جیہڑے صاف دِلی نال خُداوند توں دُعا منگدے نیں۔ اوہناں دے نال راستبازی تے اِیمان تے پیار تے صُلح دا لَبّھن والا ہو۔

۲-تِیمُتِھیُس 2:22 Iomraidhean Croise

اعمال 7:59

تے ایہہ تاں ستِفنُس نُوں روڑے مار دے رہے تے اوہ ایہہ آکھ کے دُعا پیا منگدا سی۔ پئی اَے خُداوند یِسُوع میری رُوح نُوں قبول کر۔

اعمال 9:14

تے ایتھے وی سردار کاہِناں ولّوں اوہنوں اختیار مِلیا اے۔ پئی تیرا ناں لین والیاں سبھناں نُوں بَنّھ لَوے۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 14:19

سو آؤ اسی اوہناں گلّاں دا پِچھّا کریئے۔ جِنہاں توں میل ملاپ تے اِک دُوجے دی ترقی ہوئے۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 10:14

ایس لئی میرے بھراؤ۔ بُتاں دی پُوجا توں بچو۔

۱-کُرِنتھِیوں 14:1

مُحبّت دے طالب رہو۔ تے رُوحانی نِعمتاں دی چاہ رکھو۔ خاص کر ایس گلّ دی پئی نبُوّت کرو۔

۱-کُرِنتھِیوں 6:18

حرامکاری توں نسّو جِنّے گُناہ بندہ کر دا اے اوہ بدن توں باہر نیں پر حرامکار اپنے بدن دا وی گُناہگار اے۔

۱-تِیمُتِھیُس 1:14

تے ساڈے خُداوند دا فضل اوس اِیمان تے پیار دی راہِیں جیہڑا مسِیح یِسُوع وِچ اے بُہت وَدّھ کے ہویا۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۱-تِیمُتِھیُس 2:8

ایس لئی مَیں چاہناں آں پئی مرد سبھنیں تھائِیں غُصیّوں تے جھگڑے بِناں پاک ہتّھ چُک کے دُعا منگیا کرن۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

۱-تِیمُتِھیُس 6:11

پر تُوں اَے خُدا دے بندیا۔ ایہناں گلّاں توں نَسّ تے راستبازی تے دِینداری تے اِیمان تے مُحبّت تے صبر تے حلِیمی دے مگر لگ۔

عِبرانیوں 12:14

سبھناں نال میل رکھن دی کوشش کرو۔ تے اوس پاکیزگی نُوں لَبّھو۔ جِہدے بِناں کوئی خُداوند نُوں نا ویکھے گا۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۱-پطرس 3:11

بدی توں لانبھے رہے تے نیکی کر دا رہے۔ صُلح لَبّھدا رہے تے اوہدا پِچھّا کر دا رہے۔

۳-یُوحنّا 1:11

پیارے! بُرائی دے پِچّھے نا جا سگوں نیکی پِچّھے جا۔ کیوں جو نیکی کرن والا خُدا ولّوں اے تے بُریائی کرن والے خُدا نُوں نئیں ویکھیا۔