۲-تِیمُتِھیُس 1:9 - پنجابی نواں عہد نامہ نظرثانی شدہ چھپائی

⁹ جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

۲-تِیمُتِھیُس 1:9 Iomraidhean Croise

متّی 1:21

اوہ پُتر جمّے گی۔ تے تُوں اوہدا ناں یِسُوع رکھّیں کیوں جو اوہو اپنے لوکاں نُوں اوہناں دے گُناہاں توں بچائے گا۔

لُوقا 10:21

اوسے گھڑی اوس پاک رُوح وِچ خُوش ہو کے آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں عقل والیاں سیانیاں توں لُکایا۔ تے نیانیاں اُتّے اوہناں نُوں ظاہر کِیتا۔ ہاں اَے باپ ایسے طرح ای تینُوں چَنگا لگّا۔

یُوحنّا 17:24

اَے باپ مَیں چاہناں آں پئی جِتّھے مَیں آں اوہ وی جیہڑے تُوں مَینُوں دِتّے نیں۔ میرے نال ہون۔ تاں جو اوہ میرا جلال جیہڑا تُوں مَینُوں دِتّا اے ویکھن کیوں جو تُوں دُنیا دے بنن توں پہلا ای مَینُوں پیار کِیتا۔

یُوحنّا 17:9

مَیں اوہناں لئی درخواست کرنا آں مَیں دُنیا لئی درخواست نئیں کر دا پر اوہناں لئی جیہڑے تُوں مَینُوں دِتّے نیں کیوں جو اوہ تیرے نیں۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

اعمال 15:18

اوہ خُداوند ای ایہہ گلّاں آکھدا اے۔ جِس دُنیا دے مُڈھوں ایہناں گلّاں دی خبر دِتّی اے۔

اعمال 2:47

تے خُدا دی وڈیائی کر دے سن۔ تے سبھناں لوکاں نُوں پیارے لگدے سن۔ تے جیہڑے نجات پاندے سن خُدا روز اوہناں نُوں اوہناں دے نال رلاؤندا سی۔

رُومِیوں 11:14

پئی مَیں کِسے طرح اپنی قوم والیاں نُوں غیرت دواکے اوہناں وِچوں کئیاں نُوں بچاواں۔

رُومِیوں 11:29

کیوں جو خُدا دِیاں نِعمتاں تے اوہدا بُلاوا مُڑن والیاں گلّاں نئیں۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

رُومِیوں 3:20

کیوں جو کوئی بندے شریعت دے کمّاں نال اوہدی نظر وِچ راستباز نا ٹھہرے گا۔ ایس لئی پئی شریعت نال ای گُناہ دی پہچان اے۔

رُومِیوں 9:11

کیوں جو اوہ تے اجے نئیں سن جمّے تے نا کُجھ بھلا بُرا کِیتا سی۔ ایس مطلب واسطے پئی خُدا دا اِرادہ جیہڑا چُنن دی بابت اے۔ اوہ کمّاں اُتّے نا رہے۔ سگوں سَدّن والے دی مرضی اُتّے رہے۔

رُومِیوں 9:24

یعنی سانُوں جِنہاں نُوں اوس نِرا یہُودِیاں وِچوں ای نئیں سگوں غیر قوماں وِچوں وی سدّیا۔

۱-کُرِنتھِیوں 1:18

کیوں جو صلِیب دی منادی ناس ہون والیاں واسطے تے مُورکھ اے۔ پر ساڈے نجات لین والیاں واسطے خُدا دی قُدرت اے۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:9

تے نالے اوہنے اپنی مرضی دے بھیت نُوں اپنے اوس نیک اِرادے دے سببّوں ساڈے اُتّے کھولیا جیہڑا اوہنے اوہدے وِچ دھاریا سی۔

اِفسِیوں 2:5

جدوں قصوراں دے سببّوں موئے ہوئے ساں تدوں سانُوں مسِیح دے نال زِندہ کِیتا (تُہانوں فضل نال ای نجات مِلی اے۔)

اِفسِیوں 3:11

اوس ازلی اِرادے دے سببّوں جیہڑا اوس ساڈے خُداوند مسِیح یِسُوع وِچ کِیتا سی۔

فِلِپّیوں 3:14

نشانے ولّ بھجا جاناں آں۔ تاں جو اوس اِنعام نُوں لے لَواں جِہدے لئی خُدا نے مسِیح یِسُوع دی راہِیں مَینُوں اُتانہہ سدّیا۔

۱-تھِسّلُنِیکوں 4:7

ایس لئی پئی خُدا سانُوں پلِیتی دے واسطے نئیں پر پاکیزگی دے واسطے سدّیا اے۔

۱-تِیمُتِھیُس 1:1

پَولُس ولّوں جیہڑا ساڈے نجات دین والے خُدا تے ساڈی آس۔ مسِیح یِسُوع دے حُکم نال مسِیح یِسُوع دا رسُول اے۔

۲-تِیمُتِھیُس 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے اوس زِندگی دے وعدے دے سببّوں جیہڑا مسِیح یِسُوع وِچ اے۔

طِطُس 1:2

اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

عِبرانیوں 3:1

سو پاک بھراؤ! تُسی جیہڑے اسمانی بُلاوے وِچ شریک ہو۔ اوس رسُول تے سردار کاہِن یِسُوع اُتّے دھیان کرو۔ جِہنُوں اسی مَنّنے آں۔

۱-پطرس 1:20

تے خُدا نُوں دُنیا دے بنن توں پہلاں اوہدا عِلم سی پر تُہاڈی خاطر چھیکڑے ویلے ظاہر کِیتا گیا۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔

مُکاشفہ 17:8

ایہہ جیہڑا تُوں پشُو ویکھیا اے۔ ایہہ پہلاں تے ہے سی پر ہُن نئیں اے تے اگّوں نُوں اتھاہ کھڈے وِچوں نِکل کے ہلاکت وِچ پَوے گا تے زمین دے رہن والے جِنہاں دے ناں دُنیا دے مُڈھ توں پہلاں حیاتی دی کتاب وِچ لِکھے نئیں گئے ایس پشُو دا ایہہ حال ویکھ کے پئی پہلاں ہے سی تے ہُن نئیں اے تے فیر ہوئے گا۔ تعجُّب کرن گے۔