۲-تِیمُتِھیُس 1:8 - پنجابی نواں عہد نامہ نظرثانی شدہ چھپائی

⁸ سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

۲-تِیمُتِھیُس 1:8 Iomraidhean Croise

مرقس 8:38

کیوں جو جیہڑا ایس زنا ایں تے گُنا ایں پِیڑھی دے وِچ مَیتھوں تے میرے کلام توں شرمائے گا۔ اِبنِ آدم وی اوہدے توں شرمائے گا۔ جِس ویلے اوہ اپنے باپ دے جلال نال پاک فرِشتیاں دے نال آوے گا۔

لُوقا 9:26

کیوں جو جیہڑا مَیتھوں تے میرِیاں گلّاں توں شرمائے گا اِبنِ آدم وی جدوں اوہ اپنے تے باپ تے پاک فرِشتیاں دے جلال وِچ آئے گا اوہدے توں شرمائے گا۔

یُوحنّا 15:27

تے تُسی وی گواہ ہو کیوں جو تُسی مُڈھوں میرے نال ہو۔

یُوحنّا 19:35

تے جِس ویکھیا ایہہ گواہی دِتّی اے۔ تے اوہدی گواہی سَچّی اے۔ تے اوہ جان دا اے پئی مَیں سَچ آکھنا آں۔ تاں جو تُسی وی اِیمان لیاؤ۔

اعمال 5:41

سو اوہ صدرِ مجلس دے اگّوں خُوش ہو کے ٹُر گئے پئی اسی ایس ناں دی خاطر بے عِزّت ہون دے لائق تاں سمجھے گئے۔

رُومِیوں 1:16

کیوں جو مَیں اِنجِیل توں شرماں دا نئیں۔ ایس کر کے پئی اوہ ہر اِک دی نجات دے لئی۔ جیہڑا اِیمان لیاؤندا اے۔ پہلاں یہُودی تے فیر یُونانی دے لئی خُدا دی قُدرت اے۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

رُومِیوں 8:36

جیویں لِکھیا اے۔ اسی تیری خاطر سارا دِن مارے جانے آں۔ اسی کوہِیاں جان والِیاں بھیڈاں وانگُوں گِنے جانے آں۔

رُومِیوں 9:33

جیویں لِکھیا اے پئی ویکھ مَیں صِیُّون وِچ ٹھیڈے دی چٹان تے ٹھوکر دا پتّھر رکھنا آں۔ تے جیہڑا اوہدے اُتّے اِیمان لیاؤندا اے اوہ شرمندہ نئیں کِیتا جاوے گا۔

۱-کُرِنتھِیوں 1:6

سو مسِیح دی گواہی تُہاڈے وِچ قیم ہوئی۔

۲-کُرِنتھِیوں 6:7

سچیائی دے کلام نال۔ خُدا دی قُدرت نال۔ راست بازی دے ہتّھیاراں دی راہِیں جیہڑے سَجّے کھبّے نیں۔

اِفسِیوں 3:1

ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

اِفسِیوں 3:13

سو مَیں درخواست کرنا آں پئی تُسی میرِیاں اوہناں تنگِیاں دے سببّوں جیہڑیاں تُہاڈی خاطر سہنا آں ہِمّت نا ہارو۔ اوہ تُہاڈا ٹھاٹھ نیں۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 4:17

ایس لئی مَیں ایہہ آکھنا آں تے خُدا ولّوں ایہہ دس دینا آں پئی جِیکن غیر قوماں اپنے واہیات خیالاں وِچ ٹُردیاں نیں۔ تُسی اوس طرح نا ٹُرناں۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

فِلِپّیوں 3:10

تے مَیں اوہنوں تے اوہدے جِیو اُٹھن دی قُدرت نُوں تے اوہدے نال دُکھاں وِچ شریک ہون نُوں معلُوم کراں۔ تے اوہدی مَوت ورگا ہو جاواں۔

فِلِپّیوں 4:13

جیہڑا مَینُوں طاقت دیندا اے اوہدے سببّوں مَیں سبھ کُجھ کر سکنا آں۔

کُلُسِّیوں 1:11

تے اوہدے جلال دی قُدرت دے سببّوں ہر طرح دی قُوّت پَیدا کرو۔ تاں جو خُوشی نال سارِیاں گلّاں وِچ صبر تے حَوصلہ کرو۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تھِسّلُنِیکوں 3:4

سگوں پہلاں وی جد اسی تُہاڈے کول ساں تُہانوں آکھدے ہوندے ساں۔ پئی سانُوں مُصِیبت سہنی پَوے گی۔ فیر ایسے طرح ہویا تے تُسی جان دے وی ہو۔

۱-تِیمُتِھیُس 2:6

جِس سبھناں دی تھانویں ڈنڈ بھرن لئی اپنا آپ دے دِتّا۔ پئی ویلیاں سِر اوہدی گواہی دِتّی جاوے۔

۲-تِیمُتِھیُس 1:10

پر ہُن ساڈے نجات دین والے مسِیح یِسُوع دے ظاہر ہون توں ظاہر ہویا۔ جِس مَوت نُوں برباد تے زِندگی تے بقا نُوں اوس خُوشخبری دی راہِیں چانن والا کر دِتّا۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 1:16

خُداوند اُنیسِفرُس دے ٹبّر اُتّے رَحم کرے۔ کیوں جو اوس بُہتی واری مَینُوں تازیاں کِیتا تے میری قید تُوں شرمندہ نا ہویا۔

۲-تِیمُتِھیُس 2:3

مسِیح یِسُوع دے چنگے سپاہی وانگر میرے نال دُکھ سہہ۔

۲-تِیمُتِھیُس 2:8

یِسُوع مسِیح نُوں یاد رکھ جیہڑا داؤد دی نسل وِچوں اے۔ تے میری اوس خُوشخبری دے سببّوں مُردیاں وِچوں جی اُٹھیا۔

۲-تِیمُتِھیُس 2:9

جِہدے لئی مَیں بدکار وانگر دُکھ سہناں آں۔ ایتھوں تِیکر پئی قید آں۔ پر خُدا دا کلام قید نئیں۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

۱-پطرس 1:5

سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔

یہُوداہ 1:24

ہُن جیہڑا تُہانوں ٹھوکر کھان توں بچا سکدا اے۔ تے اپنی جلالی حضُوری وِچ پُوری خُوشی نال بے عیب کر کے کھلھار سکدا اے۔

مُکاشفہ 1:2

جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔