۲-تِیمُتِھیُس 1:7 - پنجابی نواں عہد نامہ نظرثانی شدہ چھپائی

⁷ کیوں جو خُدا سانُوں ڈرن والی رُوح نئیں سگوں طاقت تے پیار تے سُرت دی رُوح دِتّی اے۔

۲-تِیمُتِھیُس 1:7 Iomraidhean Croise

لُوقا 10:19

ویکھو مَیں تُہانوں اختیار دِتّا اے۔ پئی سپّاں تے ٹھوہیاں نُوں لتاڑو تے وَیری دی ساری طاقت نُوں۔ تے کوئی شے کدی تُہاڈا نُقصان نا کرے گی۔

لُوقا 15:17

تَد اوس ہوش وِچ آ کے آکھیا میرے پئیو دے کئیاں مزدُوراں نُوں لوڑ توں وَدّھ روٹِیاں مِل دِیاں نیں تے مَیں ایتھے بُھکھا پیا مرنا۔

لُوقا 24:49

تے ویکھو مَیں اپنے باپ دے وعدہ نُوں تُہاڈے اُتّے گھلّنا آں۔ پر تُسی شہر وِچ بَیٹھے رہو۔ جد تِیکر عالمِ بالا توں تُہانوں قُدرت دے لباس نا مِلے۔

لُوقا 8:35

تَد اوہ اوہدا حال ویکھن نُوں نِکلے۔ تے یِسُوع کول آئے تے اوس بندے نُوں جِہدے وِچوں بدرُوحاں نِکلیاں سن۔ کپڑے پائے تے سُرت سمبھالی یِسُوع دے پیراں کول بَیٹھیاں ویکھیا۔ تے اوہ ڈر گئے۔

یُوحنّا 14:27

سُکھ مَیں تُہانوں دیئی جاناں آں۔ اپنا سُکھ مَیں تُہانوں دینا آں۔ جیویں دُنیا دیندی اے اوس طرح تُہانوں نئیں دیندا۔ تُہاڈا دِل نا گھبرائے تے نا ڈرے۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

اعمال 26:11

تے سارے عبادت خانیاں وِچ اوہناں نُوں کئی واری سزا دے کے مَیں اوہناں توں کُفر اکھواؤندا ساں۔ تے اوہناں اُتّے بڑا سَودائی ہو کے مَیں اوہناں نُوں اوپریاں شہراں تِیکر وی تنگ کِیتا۔

اعمال 26:25

پَولُس آکھیا اَے فیستُس بہادر مَیں تاں پاگل نئیں آں۔ سگوں سچیائی تے سُرت والیاں گلّاں صاف سُناناں آں۔

اعمال 6:8

تے ستِفنُس فضل تے طاقت نال بھریا ہویا وڈّے وڈّے مُعجزے لوکاں وِچ کر دا سی۔

اعمال 9:22

پر ساؤُل نُوں ہور وی طاقت مِلدی رہی ایس گلّ نُوں ثابت کر کے پئی مسِیح ایہو اے۔ اوہنے اوہناں یہُودِیاں نُوں جیہڑے دمِشق وِچ رہندے سن حَیران کِیتا۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 8:15

کیوں جو تُہانوں تے غلامی دی رُوح نئیں مِلی۔ پئی فیر ڈر جاؤ سگوں پُتریلا ہون دا رُوح مِلیا جِہدے وِچ اسی ابّا یعنی اَے باپ آکھ کے سَدّ نیں آں۔

۱-کُرِنتھِیوں 2:4

تے میرے کلام تے میری منادی وِچ دنائی دِیاں پَرچا لین والِیاں گلّاں نئیں سن سگوں اوہ رُوح تے قُدرت نال ثابت ہوندیاں سن۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

کُلُسِّیوں 1:8

اوسے ای تُہاڈی مُحبّت جیہڑی رُوح ولّوں اے۔ ساڈے اُتّے ظاہر کِیتی۔

عِبرانیوں 2:15

تے اوہناں نُوں چھڈا لَئے جیہڑے ساری عُمر مَوت دے ڈر نال غلامی وِچ پَھسے رہے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-یُوحنّا 4:18

مُحبّت وِچ ڈر نئیں ہوندا۔ سگوں پُوری مُحبّت ڈر نُوں کڈھ دیندی اے۔ کیوں جو ڈر توں دُکھ ہوندا اے۔ تے کوئی ڈرن والا مُحبّت وِچ پُورا نئیں ہویا۔