۲-تِیمُتِھیُس 1:5 - پنجابی نواں عہد نامہ نظرثانی شدہ چھپائی

⁵ تے مَینُوں تیرا اوہ سَچّا اِیمان یاد کرایا گیا اے۔ جیہڑا پہلاں تیری نانی لُوئس تے تیری ماں یُونِیکے رکھدی سی۔ تے مَینُوں یقِین اے۔ پئی تُوں وی رکھیا اے۔

۲-تِیمُتِھیُس 1:5 Iomraidhean Croise

یُوحنّا 1:47

یِسُوع نتنی ایل نُوں اپنے ولّ آؤندیاں ویکھ کے اوہدی بابت آکھیا۔ ویکھو ایہہ اصل اِسرائیلی اے جِہدے وِچ مکر نئیں۔

اعمال 16:1

تے اوہ دِربے تے لُسترہ وی اَپڑیا۔ تے ویکھو اوتھے تِیمُتِھیُس کر کے اِک شاگِرد سی۔ اوہ اِک اِیمان دار یہُودن دا پُتر سی۔ پر اوہدا پئیو یُونانی سی۔

اعمال 26:26

کیوں جو بادشاہ جِہدے حضُور مَیں دلیری نال بولنا آں ایہناں گلّاں دی بابت جان دا اے مَینُوں یقِین اے پئی ایہناں گلّاں وِچوں کوئی وی اوہدے توں لُکی ہوئی نئیں ایس لئی پئی ایہہ کمّ کِسے گُٹّھے نئیں ہویا۔

رُومِیوں 14:14

مَیں جاننا آں تے خُداوند یِسُوع وِچ مَینُوں یقِین ہویا اے۔ پئی کوئی شے اپنے آپ وِچ ناپاک نئیں اے۔ پر جیہڑا کِسے شے نُوں ناپاک گندا اے۔ اوہدے لئی ناپاک اے۔

رُومِیوں 14:5

کوئی اِک دِن نُوں دُوجے دِن نالوں چَنگا سمجھدا اے۔ تے کوئی سبھناں دِناں نُوں چَنگا سمجھدا اے۔ ہر کوئی آپو اپنے مَن وِچ پَکّا ہوئے۔

رُومِیوں 15:14

تے میرے بھراؤ! مَیں آپ تُہاڈی بابت ایہہ یقِین رکھنا آں پئی تُسی آپ نیکی نال بھرپُور تے ساری دانائی نال بھرے ہوئے ہو تے اِک دُوجے نُوں سمجھان جوگے اوہ۔

رُومِیوں 4:21

تے اوہنوں پَکّا یقِین ہویا۔ پئی جیہڑا اوس وعدہ کِیتا اے سو پُورا وی کر سکدا اے۔

رُومِیوں 8:38

کیوں جو مَینُوں یقِین اے پئی نا مَوت نا زِندگی۔ نا فرِشتے نا حکُومتاں۔ نا ہُن دِیاں شیواں تے نا آؤن والِیاں۔ تے نا طاقتاں۔

۲-کُرِنتھِیوں 6:6

پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۱-تِیمُتِھیُس 4:6

جے تُوں بھراواں نُوں ایہہ گلّ یاد کرائیں گا۔ تے مسِیح یِسُوع دا چَنگا خادم بنیں گا۔ تے اِیمان تے اوس چنگی سِکھیا نال جِنہاں نُوں تُوں مَندا آیا ایں پلدا رہیں گا۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 3:15

تے ایہہ وی پئی شُروع توں اوہناں پاک کِتاباں توں تُوں واقف سَیں جیہڑیاں تینُوں مسِیح یِسُوع اُتّے اِیمان لیاؤن نال نجات حاصِل کرن دے لئی دانائی دے سکدِیاں نیں۔

عِبرانیوں 11:13

ایہہ سارے اِیمان وِچ مر گئے تے وعدے دِیاں شیواں نئیں ساں لَیاں سگوں دُوروں ای ویکھ کے اوہناں نُوں چاء چڑھیا تے مَن لیا پئی اسی دُنیا اُتّے پردیسی تے راہی آں۔

عِبرانیوں 6:9

پر پیاریو! بھانویں اسی ایہہ گلّاں آکھنے آں پر تَد وی اسی تُہاڈے کولوں اوہناں توں چَنگیاں تے نجات والیاں گلّاں دا یقِین کرنے آں۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔