۲-تِیمُتِھیُس 1:4 - پنجابی نواں عہد نامہ نظرثانی شدہ چھپائی

⁴ تے تیرے اَتھرُواں نُوں یاد کر کے راتِیں دِنے تیرے مِلن دی چاہ رکھنا آں۔ پئی خُوشی وِچ بھر جاواں۔

۲-تِیمُتِھیُس 1:4 Iomraidhean Croise

یُوحنّا 16:22

سو ہُن تے تُہانوں غم اے پر مَیں تُہانوں فیر ویکھیاں گا تے تُہاڈا دِل خُوشی کرے گا تے تُہاڈی خُوشی تُہاتھوں کوئی کھو نئیں لَیندا۔

یُوحنّا 16:24

اجے تِیکر تُساں میرے ناں اُتّے کُجھ نئیں منگیا۔ منگو تے تُہانوں مِلے گا تاں جو تُہاڈی خُوشی پُوری ہو جاوے۔

اعمال 20:19

پئی بڑی حلِیمی نال تے اتھرُو وَہا وَہا کے اوہناں ازمایشاں وِچ جیہڑیاں یہُودِیاں دے مَتے پکان نال میرے اُتّے آ پئیاں مَیں خُداوند دی خِدمت کر دا رہیا۔

اعمال 20:31

سو جاگدے رہو۔ تے یاد رکھو۔ پئی مَیں تِنّ ورھے رات تے دِن رو رو کے ہر اِک نُوں دسن توں نئیں رُکیا۔

رُومِیوں 1:11

کیوں جو مَینُوں تُہاڈے ویکھن دا بُہت ای شَوق اے۔ پئی کوئی رُوحانی بخشِش تُہانوں پُچاواں۔ جِہدے نال تُسی تگڑے ہو جاؤ۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

فِلِپّیوں 2:26

کیوں جو اوہ تُہانوں سبھناں نُوں بُہت چاہندا سی تے ایس کر کے بے چَین رہندا سی۔ پئی تُساں اوہدی بیماری دا حال سُنیا سی۔

۱-تھِسّلُنِیکوں 2:17

پر بھراؤ! اسی جو تھوڑے چِر تِیکر تُہاڈے نالوں نِکھڑ گئے۔ بھانویں دِلوں نئیں ساں نِکھڑے۔ اساں بڑی چاہ نال تُہاڈی صُورت ویکھن دی ہور وی وَدّھ حیلہ کِیتا۔

۲-تِیمُتِھیُس 4:21

سِیال توں پہلاں میرے کول آؤن دی کوشش کر۔ یُوبُولُس تے پُودینس تے لِینُس تے کلودِیہ تے سارے بھرا تینُوں سلام آکھدے نیں۔

۲-تِیمُتِھیُس 4:9

میرے کول چھیتی آؤن دی کوشش کر۔

۱-یُوحنّا 1:4

تے ایہہ گلّاں اسی ایس لئی لکھنے آں پئی ساڈی خُوشی پُوری ہو جائے۔

مُکاشفہ 21:4

تے اوہ اوہناں دِیاں اَکھّیاں دے سارے اتھرُو پُونجھے گا۔ ایہدے پِچّھوں مَوت نا رہے گی تے نا ماتم رہے گا۔ تے نا رونا۔ نا پِیڑ۔ پہلیاں شیواں جاندِیاں رہیاں۔

مُکاشفہ 7:17

کیوں جو جیہڑا لیلا تخت دے وِچ اے۔ اوہ اوہناں دی نِگہبانی کرے گا۔ تے اوہناں نُوں زِندگی دے پانی دے سوتیاں کول لے جائے گا۔ تے خُدا اوہناں دِیاں اَکھّیاں توں سارے اتھرُو پُونجھ دے گا۔