۲-تِیمُتِھیُس 1:10 - پنجابی نواں عہد نامہ نظرثانی شدہ چھپائی

¹⁰ پر ہُن ساڈے نجات دین والے مسِیح یِسُوع دے ظاہر ہون توں ظاہر ہویا۔ جِس مَوت نُوں برباد تے زِندگی تے بقا نُوں اوس خُوشخبری دی راہِیں چانن والا کر دِتّا۔

۲-تِیمُتِھیُس 1:10 Iomraidhean Croise

لُوقا 11:36

سو جے تیرا سارا بدن چاننا ہوئے تے کوئی انگ ہنیرا نا رہے۔ تے سارا چاننا ہوئے گا۔ جیویں دِیوا اپنی روشنی نال تینُوں چانن دیندا اے۔

لُوقا 13:7

تَد اوس مالی نُوں آکھیا ویکھ تِنّاں ورھیاں توں مَیں آ کے ایس انجِیر دے بُوٹے اُتّے پَھل لبّھنا آں پر نئیں لَبّھ دا۔ ایہنوں وَڈّھ سُٹ۔ ایہہ کاہِنُوں زمین نُوں وی روکے۔

لُوقا 2:11

پئی داؤد دے شہر وِچ اَج تُہاڈے لئی اِک نجات دین والا پَیدا ہویا اے جو مسِیح خُداوند اے۔

یُوحنّا 1:9

اصل چانن جیہڑا ہر اِک بندے نُوں چانن دیندا اے دُنیا وِچ آؤن والا سی۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 4:42

تے اوہناں عورت نُوں آکھیا ہُن تیرے ای آکھن نال اسی نئیں مَن دے ایس لئی پئی اساں آپی سُنیا اے۔ تے معلُوم کِیتا پئی ایہہ ٹھیک دُنیا دا بچاؤن والا اے۔

یُوحنّا 5:40

تے تُسی میرے کول زِندگی لین نُوں آؤنا نئیں چاہندے ہو۔

اعمال 13:23

اوسے دی نسل وِچوں خُدا اپنے وعدے دے سببّوں اِسرائیل دے لئی اِک نجات دین والے یِسُوع نُوں ظاہر کِیتا۔

اعمال 5:31

اوسے نُوں خُدا مالک تے نجات دین والا مُقرّر کر کے اپنے سَجّے ہتّھ نال اُچیاں کِیتا پئی اِسرائیل نُوں تَوبہ تے گُناہاں دی مُعافی بخشے۔

رُومِیوں 16:26

پر ہُن نبیاں دِیاں کِتاباں دی راہِیں ظاہر کِیتا گیا۔ تے ہمیشہ دے خُدا دے حُکم دے سببّوں سارِیاں قوماں نُوں ایس لئی دسیا گیا۔ پئی اوہ اِیمان دے تابعدار ہون۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

رُومِیوں 3:31

فیر اسی شریعت نُوں اِیمان دی راہِیں ردّ کرنے آں؟ خُدا نا کرے۔ سگوں اسی تے شریعت نُوں قیم رکھنے آں۔

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

۱-کُرِنتھِیوں 15:26

ساریاں نالوں پِچّھلا وَیری جِہدا ناس کِیتا جائے سو مَوت اے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۲-کُرِنتھِیوں 5:4

کیوں جو اسی ایس ڈیرے وِچ رہ کے بھار دیاں مارِیاں کُرلاؤندے آں۔ ایس کر کے نئیں پئی ایہہ پوشاک لاہنی چاہنے آں۔ سگوں ایس اُتّے ہور پانی چاہنے آں۔ تاں جو اوہ جیہڑی فنا ہو جان والی اے۔ زِندگی دے وِچ ڈُب جائے۔

گلتِیوں 5:4

تُسی جیہڑے شریعت دی راہِیں راستباز ٹھہرنا چاہندے ہو مسِیح توں وکھرے ہو گئے۔ تے فضل ولّوں رہ گئے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 1:9

تے نالے اوہنے اپنی مرضی دے بھیت نُوں اپنے اوس نیک اِرادے دے سببّوں ساڈے اُتّے کھولیا جیہڑا اوہنے اوہدے وِچ دھاریا سی۔

۲-تھِسّلُنِیکوں 2:8

تے فیر اوہ بے دِین بندہ جِہنُوں خُداوند یِسُوع اپنے مُنھ دی پُھوک نال ہلاک تے اپنے آؤن دے جَلوے نال فنا کرے گا ظاہر کِیتا جائے گا۔

۲-تِیمُتِھیُس 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے اوس زِندگی دے وعدے دے سببّوں جیہڑا مسِیح یِسُوع وِچ اے۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

۲-تِیمُتِھیُس 4:1

خُدا تے مسِیح یِسُوع نُوں جیہڑا جِیوندیاں تے مویاں ہویاں دی عدالت کرے گا۔ گواہ کر کے تے اوہدے ظاہر ہون توں بادشاہی نُوں یاد دوا کے مَیں تینُوں آکھنا آں۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 2:11

کیوں جو خُدا دا اوہ فضل دِس پیا اے۔ جیہڑا سارے بندیاں دی نجات دا سبّب اے۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

طِطُس 3:4

پر جد ساڈے نجات دین والے خُدا دی مِہربانی تے بندیاں نال اوہدی مُحبّت دِس پئی۔

عِبرانیوں 10:32

پر تُسی اوہناں پہلیاں دِناں دا چیتا کرو۔ جِنہاں وِچ تُساں لو لگّن دے پِچّھوں دُکھاں دی ڈاہڈی ٹّکر جَھلّی۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۲-پطرس 1:11

سگوں ایس توں تُسی ساڈے خُداوند تے نجات دین والے یِسُوع مسِیح دی سدا دی بادشاہی وِچ بڑی عِزّت نال داخل کِیتے جاؤ گے۔

۲-پطرس 1:3

کیوں جو اوہدی اِلہٰی قُدرت نے اوہ سارِیاں شیواں جیہڑیاں زِندگی تے دِینداری دِیاں ہوندیاں نیں سانُوں اوہدی پہچان دی راہِیں دِتّیاں۔ جِس سانُوں اپنے خاص جلال تے نیکی دی راہِیں سدّیا۔

۲-پطرس 2:20

تے جد اوہ خُداوند تے نجات دین والے یِسُوع مسِیح دی پہچان دے سببّوں دُنیاوی پلِیتی توں چُھٹ کے فیر اوہدے وِچ پَھسے تے دَبّ گھتّے تے اوہناں دا چھیکڑلا حال پہلاں نالوں بُرا ہویا۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔

۲-پطرس 3:2

پئی تُسی اوہناں گلّاں نُوں جیہڑیاں پاک نبیاں پہلاں آکھیاں نیں تے خُداوند تے نجات دین والے دے اوس حُکم نُوں یاد رکھو۔ جیہڑا تُہاڈے رسُولاں دی راہِیں آیا سی۔

۱-یُوحنّا 1:2

(ایہہ زِندگی ظاہر ہوئی تے اساں اوہنوں ویکھیا۔ تے اوہدے اُتّے گواہی دینے آں۔ تے اوسے سدا دی زِندگی دی تُہانوں خبر دینے آں۔ جیہڑی باپ دے نال سی۔ تے ساڈے اُتّے ظاہر ہوئی۔)

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔

مُکاشفہ 18:1

ایہناں گلّاں دے پِچّھوں مَیں اِک ہور فرِشتے نُوں اسمان توں اُتر دیاں ہویاں ویکھیا۔ جِہدا بڑا اختیار سی تے زمین اوہدے جلال توں روشن ہوگئی۔

مُکاشفہ 2:7

جِہدے کنّ ہون اوہ سُن لَئے۔ پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں اوس زِندگی دے بُوٹے نالوں جیہڑا خُدا دی بہشت وِچ اے۔ پَھل کھان نُوں دیاں گا۔

مُکاشفہ 20:14

فیر مَوت تے پاتال اَگ دی جِھیل وِچ سُٹّے گئے۔ ایہہ اَگ دی جِھیل دُوجی مَوت اے۔

مُکاشفہ 22:14

مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔

مُکاشفہ 22:17

رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔