۱-تِیمُتِھیُس 6:4 - پنجابی نواں عہد نامہ نظرثانی شدہ چھپائی

⁴ اوہ مغرُور اے تے کُجھ وی نئیں جان دا سگوں اوہنوں بحث تے لفظی جھگڑیاں دی بیماری اے۔ جِنہاں توں ساڑا۔ لڑائِیاں۔ تے بدگوئِیاں تے بدنِیتی۔

۱-تِیمُتِھیُس 6:4 Iomraidhean Croise

اعمال 15:2

جد پَولُس تے برنباس دا اوہناں لوکاں نال بُہت جھگڑا تے بحث ہوئی۔ تَد ایہہ گلّ ٹھہرائی پئی پَولُس برنباس تے کئی ہور بندے اوہناں وِچوں ایس مسئلے دے پچُھّن لئی رسُولاں تے بزُرگاں دے کول یرُوشلِیم نُوں جان۔

اعمال 18:15

پر جے نِرے لفظاں تے نانواں تے تُہاڈی شریعت دِیاں گلّاں نیں۔ تے تُسی جانو۔ میری نئیں صلاح پئی ایہناں گلّاں دا مُنصف ہوواں۔

اعمال 8:9

تے اوہدے توں پہلاں اِک جَنا شمعُون کر کے اوس شہر وِچ رہندا سی جِس اپنے جادُو نال سامریہ دے سارے لوکاں نُوں حَیران کر چھڈیا سی تے اپنے آپ نُوں دسدا سی پئی مَیں بڑا کُجھ ہاں۔

رُومِیوں 12:16

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

رُومِیوں 14:1

اوہنوں جیہڑا اِیمان وِچ کمزور اے۔ تُسی قبول تے کرو۔ پر شک شُبہ دے جھگڑیاں لئی نئیں۔

رُومِیوں 2:8

پر اوہناں اُتّے جیہڑے لڑاکے نیں تے سچیائی نُوں نئیں سگوں ناراستی نُوں مَن دے نیں قَہر تے غضب ہوئے گا۔

۱-کُرِنتھِیوں 11:16

پر جے کوئی حُجتّاں کرن والا ہوئے تے ایہہ جان چھڈو۔ پئی نا ساڈا اجیہا کوئی دستُور اے نا خُداوند دِیاں کلِیسیاواں دا۔

۱-کُرِنتھِیوں 11:18

کیوں جو پہلاں تے مَیں ایہہ سُننا آں پئی جِس ویلے تُہاڈی کلِیسیا اکٹّھی ہوندی اے تے تُہاڈے وِچ ونڈاں ہوندیاں نیں۔ تے مَیں ایہنوں کُجھ کُجھ مَن وی لینا آں۔

۱-کُرِنتھِیوں 3:18

کوئی اپنے آپ نُوں دھوکھا نا دے۔ جیہڑا تُہاڈے وِچوں اپنے آپ نُوں ایس جہان دا سیانا سمجھے اوہ مُورکھ بنے تاں جو سیانا ہو جائے۔

۱-کُرِنتھِیوں 3:3

کیوں جو اجے تِیکر جِسمانی ہو۔ ایس لئی پئی جد تُہاڈے وِچ ساڑا تے جھگڑا اے۔ تے تُسی جِسمانی نا ہوئے؟ تے بندیاں دِیاں طریقیاں اُتّے ٹُرن والے نا ہوئے؟

۲-کُرِنتھِیوں 11:20

جد کوئی تُہانوں غلام بناندا اے یا کھا لَیندا اے۔ یا پھسا لَیندا اے۔ یا اپنے آپ نُوں وَڈا بناندا اے۔ یا تُہاڈے مُنھ اُتّے چپیڑ مار دا اے۔ تے تُسی سہہ لَیندے ہو۔

گلتِیوں 5:15

پر جے تُسی اِک دُوجے نُوں وَڈّھ دے تے پاڑ کھاندے ہو۔ تے خبردار رہو۔ پئی تُہاڈا اِک دُوجے کولوں ستیاناس نا ہوئے۔

گلتِیوں 5:26

اسی نا حق فخر کر کے نا اِک دُوجے نُوں چِڑائیے۔ تے نا اِک دُوجے ولّوں سڑئیے۔

گلتِیوں 6:3

کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔

فِلِپّیوں 1:15

کئی تے ساڑے تے جھگڑے دے سببّوں مسِیح دی منادی کر دے نیں۔ تے کئی نیک نِیتی نال۔

فِلِپّیوں 2:14

سارے کمّ بِناں شکایت تے بِناں حُجتّاں کریا کرو۔

فِلِپّیوں 2:3

دھڑے بازی تے پھنڈ مارِیاں کُجھ نا کرو۔ سگوں عاجزی نال اِک دُوجے نُوں اپنے نالوں چَنگا جانو۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

۲-تھِسّلُنِیکوں 2:4

جیہڑا مخالفت کر دا اے۔ تے ہر اِک کولوں جیہڑا خُدا اکھواؤندا اے۔ یا جِہدی مَنتا ہوندی اے۔ اپنے آپ نُوں اُچّا کر دا اے۔ ایتھوں تِیکر پئی اوہ خُدا دے مَقدِس وِچ بَہہ کے اپنے آپ نُوں خُدا ظاہر کر دا اے۔

۱-تِیمُتِھیُس 1:4

تے اوہناں کہانِیاں تے بے انت شجریاں دا خیال نا کرن۔ جیہڑے جھگڑے دا سبّب ہوندے نیں۔ تے اوس خُدائی۔ بندوبست دے سببّوں نئیں جیہڑا اِیمان اُتّے بنیا ہویا اے۔ اوسے طرح مَیں ہُن وی کرنا آں۔

۱-تِیمُتِھیُس 1:7

تے شریعت دے اُستاد بننا چاہندے نیں بھانویں جیہڑیاں گلّاں آکھدے نیں تے جِنہاں دا پَکّ کر دے نیں اوہ اوہناں نُوں سمجھدے وی نئیں۔

۱-تِیمُتِھیُس 3:6

نواں مُرید نا ہوئے متے فخر کر کے ابلیس دی سزا پائے۔

۲-تِیمُتِھیُس 2:14

ایہہ گلّاں اوہناں نُوں یاد کرا۔ تے خُداوند دے سامھنے پَکّی کر پئی لفظی تکرار نا کرن جِہدے توں کُجھ وی فائدہ نئیں سگوں سُنن والے وِگڑ جاندے نیں۔

۲-تِیمُتِھیُس 2:23

پر بےکل تے نادانی دے مخولاں توں ایہہ جان کے وکھرا رہ۔ پئی اوہ جھگڑا پَیدا کر دے نیں۔

۲-تِیمُتِھیُس 3:4

دغاباز۔ ڈِھیٹھ۔ گُھمنّڈی۔ خُدا نالوں دُنیا دِیاں خُوشیاں نُوں بُہتا پسند کرن والے ہون گے۔

طِطُس 3:9

پر بیواقوفی دِیاں حُجتّاں تے شجریاں تے جھگڑیاں تے شریعت دِیاں لڑائِیاں توں پرہیز کر۔ ایس لئی پئی ایہہ بے فائدہ تے تھوتھیاں نیں۔

یعقُوب 1:19

میرے پیارے بھراؤ! ایہہ گلّ تُسی جان دے ہو سو سارے سُنن وِچ تیز تے بولن وِچ مِٹّھے تے غُصّے وِچ صبر کرن والے ہو۔

۲-پطرس 2:12

سگوں ایہہ لوک بے عقل جنَوراں وانگر نیں جیہڑے پھڑے جان تے ہلاک ہون لئی پَیدا ہوئے نیں۔ جِنہاں گلّاں توں ناواقِف نیں اوہناں دی بابت ہورناں نُوں طعنے مِہنے دیندے نیں۔ پر اپنی خرابی وِچ آپ ای خراب کِیتے جان گے۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

یہُوداہ 1:10

پر ایہہ جِنہاں گلّاں نُوں نئیں جان دے اوہناں نُوں بَھنڈدے نیں۔ تے جِنہاں نُوں بے عقل جنَوراں وانگُوں قُدرتی طَور اُتّے سمجھدے نیں اوہناں وِچ خراب ہو جاندے نیں۔

یہُوداہ 1:16

ایہہ بُڑبُڑ تے شکایت کرن والے نیں تے اپنیاں حِرصاں دے اُتّے ٹُر دے نیں۔ نالے اپنے مُنھوں وڈّے وڈّے بول بولدے نیں۔ تے نفع لئی لوکاں دی رَئی کر دے نیں۔

مُکاشفہ 3:17

تے ایس واسطے پئی توں آکھنا ایں پئی مَیں دَولت مند آں تے مالدار بن گیا آں تے تینُوں کِسے شے دی لوڑ نئیں۔ تے ایہہ نئیں جان دا پئی تُوں بد نصیب تے خوار تے غرِیب تے اَنھا تے ننگا ایں۔