۱-تِیمُتِھیُس 6:2 - پنجابی نواں عہد نامہ نظرثانی شدہ چھپائی

² تے جِنہاں دے مالک اِیمان والے نیں اوہ اوہناں نُوں بھرا ہون دے سببّوں حِقیر نا جانن سگوں ایس لئی وَدّھ کے اوہناں دی سیوا کرن۔ پئی فائدہ لین والے اِیماندار تے پیارے نیں۔ تُوں ایہناں گلّاں دی تعلِیم تے نصِیحت دے۔

۱-تِیمُتِھیُس 6:2 Iomraidhean Croise

متّی 23:8

پر تُسی ربّی نا اکھواؤ۔ کیوں جو اِک ای تُہاڈا اُستاد اے تے تُسی سارے بھرا اوہ۔

متّی 25:40

تے بادشاہ اوہناں نُوں جواب وِچ آکھے گا۔ مَیں تُہانوں سَچ آکھنا آں پئی جد تُساں میرے ایہناں سبھناں توں نِکّیاں بھراواں وِچوں اِک نال ایہہ کِیتا تے میرے نال کِیتا۔

متّی 6:24

کوئی بندہ دو مالکاں دی سیوا نئیں کر سکدا ایس لئی پئی یا اِک نال وَیر رکھّے گا تے دُوجے نال پیار یا اِک نال مِلیا رہے گا تے دُوجے نُوں کُجھ نا سمجھے گا۔ تُسی خُدا تے دَولت دو آں دی سیوا نئیں کر سکدے۔

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

رُومِیوں 11:17

پر جے ٹہنِیاں وِچوں کئی اِک بَھن کے سُٹِّیاں گِئیاں تے تُوں جنگلی زَیتُون ہو کے اوہناں دے وِچ پَیوند کِیتا گیا۔ تے اوہناں دے نال زَیتُون دی تھندی جڑ دا سانجھی بن گیا۔

رُومِیوں 8:29

کیوں جو جِنہاں نُوں اوس پہلے توں جانیا۔ اوہناں نُوں اگّے توں مُقرّر وی کِیتا پئی اوہدے پُتر دی شکل بنن۔ تاں جو اوہ بتھیرے بھراواں وِچ پلیٹھا ہوئے۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

اِفسِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ اِفِسُس دے پاک لوکاں دے ناں جیہڑے مسِیح یِسُوع وِچ اِیماندار نیں۔

اِفسِیوں 1:15

ایس واسطے مَیں وی تُہاڈے اوس اِیمان دا جیہڑا خُداوند یِسُوع اُتّے اے تے اوس مُحبّت دا جیہڑی ساریاں پاک لوکاں نال اے حال سُن کے۔

اِفسِیوں 3:6

یعنی ایہہ پئی مسِیح یِسُوع وِچ غیر قوم والے خُوشخبری دی راہِیں وِرثے وِچ سانجھے تے بدن وِچ شامل تے وعدے وِچ داخل نیں۔

کُلُسِّیوں 1:2

اوہناں پاک لوکاں یعنی مسِیح وِچ اِیماندار بھراواں دے نال جیہڑے کُلُسِّے وِچ نیں۔ ساڈے باپ خُدا ولّوں تُہانوں فضل تے تسلّی مِلدی رہے۔

کُلُسِّیوں 1:4

کیوں جو اساں سُنیا اے۔ پئی تُساں مسِیح یِسُوع اُتّے اِیمان لیاندا اے۔ تے سارے پاک لوکاں نال پیار کر دے ہو۔

کُلُسِّیوں 4:1

مالِکو! اپنے نَوکراں نال ایہہ جان کے عدل تے انصاف کرو پئی اسمان اُتّے ساڈا وی اِک مالک اے۔

۲-تھِسّلُنِیکوں 1:3

بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

۱-تِیمُتِھیُس 4:11

ایہناں گلّاں دا حُکم دے تے سِکھا۔

۱-تِیمُتِھیُس 5:1

کِسے بُڈّھے نُوں نا جِھڑکیں۔ سگوں پئیو سمجھ کے نصِیحت کریں۔

طِطُس 2:1

پر تُوں اوہ گلّاں دس جیہڑیاں ٹھیک تعلِیم نُوں پَھبدِیاں نیں۔

طِطُس 2:15

پُورے اختیار نال ایہہ گلّاں آکھ تے نصِیحت دے تے جِھڑک کوئی تینُوں ماڑا نا سمجھے۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

عِبرانیوں 3:1

سو پاک بھراؤ! تُسی جیہڑے اسمانی بُلاوے وِچ شریک ہو۔ اوس رسُول تے سردار کاہِن یِسُوع اُتّے دھیان کرو۔ جِہنُوں اسی مَنّنے آں۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

۲-پطرس 2:10

خاص کر اوہناں نُوں جیہڑے پلِیت خواہشاں نال جِسم دی پَیروی کر دے نیں۔ تے حکُومت نُوں کُجھ نئیں جان دے تے۔ اوہ گُستاخ تے اَڑی کرن والے نیں تے عِزّت والیاں نُوں طعنے مِہنے مارن توں نئیں ڈر دے۔

یہُوداہ 1:8

تَد وی اینج ای ایہہ وی لوک اپنے سُفنیاں وِچ جِسم نُوں پلِیت کر دے تے حکُومت نُوں کُجھ نئیں سمجھدے۔ تے عِزّت والیاں نُوں بَھنڈدے نیں۔