۱-تِیمُتِھیُس 4:8 - پنجابی نواں عہد نامہ نظرثانی شدہ چھپائی

⁸ کیوں جو جِسمانی مشق دا فائدہ تھوڑے چِر لئی اے۔ پر دِینداری سارِیاں گلّاں وِچ فائدہ دیندی اے۔ ایس لئی پئی ہُن وی تے آؤن والی زِندگی دا وعدہ وی ایہدے نال ای اے۔

۱-تِیمُتِھیُس 4:8 Iomraidhean Croise

متّی 12:32

تے جیہڑا کوئی اِبنِ آدم دے برخلاف کوئی گلّ کرے اوہ اوہنوں بخشیا جائے گا۔ پر جیہڑا پاک رُوح دے برخلاف بولے اوہنوں بخشیا نا جائے گا۔ نا ایس جہان وِچ نا اگلے جہان وِچ۔

متّی 19:29

تے جِنہاں گھراں یا بھراواں یا بھیناں یا ماپیاں یا بال بچّیاں یا زمین نُوں میرے ناں دی خاطر چھڈ دِتّا اے اوہنوں سَو حِصّے وَدّھ مِلے گا۔ تے اوہ ہمیشہ دی زِندگی دا وارث ہوئے گا۔

متّی 6:33

پر تُسی پہلاں اوہدی بادشاہی تے سچیائی نُوں لَبّھو۔ تَد ایہہ سارِیاں شیواں وی تُہانوں دِتّیاں جان گِیاں۔

مرقس 10:30

تے ہُن ایس سَمے وِچ اوہ سَو حِصّے وَدّھ نا پاوے۔ گھر تے بھراواں تے بھیناں تے مانواں تے بال بچّیاں تے زمیناں نُوں۔ پر دُکھاں نال۔ تے آؤن والے زمانے وِچ ہمیشہ دی زِندگی۔

لُوقا 5:38

سگوں انگور دی نَوِیں رَس نَوِیاں مشکاں وِچ بھرنی چاہیدی اے۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

۱-کُرِنتھِیوں 3:22

بھانویں پَولُس ہوئے بھانویں اُپلّوس بھانویں کیفا بھانویں دُنیا بھانویں زِندگی بھانویں مَوت بھانویں ہُن دِیاں شیواں تے بھانویں آؤن والِیاں۔

۱-کُرِنتھِیوں 8:8

کھانا سانُوں خُدا نال نئیں مِلاوے گا۔ جے نا کھایئے تے ساڈا کُجھ وِگڑدا نئیں۔ تے جے کھایئے تے کُجھ نفع نئیں۔

۱-تِیمُتِھیُس 4:7

پر بے اِیمانی دِیاں تے بُڈِّھیاں دِیاں کہانِیاں توں لانبھے رہو۔ تے دِینداری لئی مشق کریا کر۔

۱-تِیمُتِھیُس 6:3

جے کوئی بندہ ہور تعلِیم دیندا اے۔ تے ٹھیک گلّاں نُوں یعنی ساڈے خُداوند یِسُوع مسِیح دِیاں گلّاں تے تعلِیم نئیں مَندا جیہڑی دِینداری دے سببّوں اے۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

۱-تِیمُتِھیُس 6:6

ہاں دِینداری صبر دے نال تے بڑے نفع دا وسیلہ اے۔

۲-تِیمُتِھیُس 3:5

اوہ دِینداری دی ڈول تے رکھن گے۔ پر اوہدے اثر نُوں نا مَنّن گے۔ اجیہے تُوں وکھرا ہو جا۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

۱-یُوحنّا 2:25

تے جیہڑی گلّ دا اوس ساڈے نال وعدہ کِیتا اے اوہ سدا دی زِندگی اے۔

مُکاشفہ 3:12

جیہڑا جِتّے مَیں اوہنوں اپنے خُدا دی ہیکل وِچ اِک تھم بناواں گا اوہ فیر کدی باہر نا نِکلے گا تے مَیں اپنے خُدا دا ناں تے اپنے خُدا دے شہر یعنی اوس نَوِیں یرُوشلِیم دا ناں جیہڑا میرے خُدا کولوں اسمان توں آؤن والا اے تے اپنا نواں ناں اوہدے اُتّے لِکھاں گا۔

مُکاشفہ 3:21

جیہڑا جِتّے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔