۱-تِیمُتِھیُس 4:3 - پنجابی نواں عہد نامہ نظرثانی شدہ چھپائی

³ ایہہ لوک ویاہ کرن توں ٹھاکن گے تے اوہناں کھانیاں توں لانبھے رہن دا حُکم دین گے۔ جیہڑے خُدا ایسے لئی بنائے نیں۔ پئی اِیماندار تے سَچ نُوں پچھانن والے لوک اوہناں نُوں شُکر کر کے کھان۔

۱-تِیمُتِھیُس 4:3 Iomraidhean Croise

متّی 14:19

تے لوکاں نُوں گھا اُتّے بَہہ جان دا حُکم دِتّا تَد اوس اوہناں پنجاں روٹِیاں تے دو مچھّیاں نُوں لے لیا تے اسمان ولّ ویکھ کے برکت منگی۔ تے توڑ کے روٹِیاں شاگِرداں نُوں دِتّیاں۔ تے شاگِرداں لوکاں نُوں دِتّیاں۔

متّی 15:11

جیہڑی شے مُنھ وِچ جاندی اے بندے نُوں پلِیت نئیں کر دی۔ پر اوہ جیہڑی مُنھوں باہر آؤندی اے اوہو ای بندے نُوں پلِیت کر دی اے۔

متّی 15:36

تے اوس اوہناں ستّاں روٹِیاں تے مچھّیاں نُوں لیا۔ تے شُکر کر کے توڑیاں۔ تے شاگِرداں نُوں دِتّیاں۔ تے شاگِرداں لوکاں نُوں۔

لُوقا 24:30

تے جد اوہ اوہناں دے نال کھان بَیٹھا سی۔ ایویں ہویا پئی اوس روٹی لئی تے برکت دے کے توڑی تے اوہناں نُوں دین لگّا۔

یُوحنّا 6:23

(پر ہور چھوٹیاں بیڑیاں تِبریاسوں اوس تھاں دے نیڑے آئِیاں جِتّھے خُداوند دے شُکر کرن بعد اوہناں روٹِیاں کھادِیاں سن۔)

اعمال 27:35

تے ایہہ آکھ کے اوس روٹی لئی تے خُدا دا شُکر سبھناں دے سامھنے کِیتا تَد توڑ کے کھان لگّا۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 14:3

تے جیہڑا کھان والا اے اوہ اوہنوں جیہڑا نئیں کھاندا۔ ماڑیاں نا جانے۔ تے جیہڑا نئیں کھاندا اوہ کھان والے اُتّے عیب نا لاوے کیوں جو خُدا اوہنوں قبول کِیتا اے۔

رُومِیوں 14:6

جیہڑا کِسے دِن نُوں مَندا اے۔ اوہ خُداوند دی خاطر مَندا اے۔ تے جیہڑا کھاندا اے۔ اوہ خُداوند دی خاطر کھاندا اے کیوں جو اوہ خُدا دا شُکر کر دا اے۔ تے جیہڑا نئیں کھاندا اوہ خُداوند دی خاطر نئیں کھاندا تے خُدا دا شُکر کر دا اے۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

۱-کُرِنتھِیوں 7:28

پر جے تُوں ویاہ کر لیں۔ تے کوئی گُناہ وی نئیں۔ تے جے کواری وِیاہی جائے تے کوئی گُناہ نئیں۔ اجیہے بندے جِسم دا دُکھ پان گے تے مَیں تُہانوں بچانا چاہناں آں۔

۱-کُرِنتھِیوں 8:8

کھانا سانُوں خُدا نال نئیں مِلاوے گا۔ جے نا کھایئے تے ساڈا کُجھ وِگڑدا نئیں۔ تے جے کھایئے تے کُجھ نفع نئیں۔

کُلُسِّیوں 2:16

سو کھان پِین یا عید یا نَوِیں چَنّ یا سبت دی بابت کوئی تُہاڈے اُتّے الزام نا لائے۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

۱-تِیمُتِھیُس 2:4

اوہ چاہندا اے پئی سارے لوک نجات پان۔ تے سچیائی دی پچھان تِیکر اَپڑ جان۔

۱-تِیمُتِھیُس 4:4

کیوں جو خُدا دِیاں بنائِیاں ہویاں سارِیاں شیواں چَنگیاں نیں تے کوئی شے اِنکار کرن جوگی نئیں۔ ایس شرط نال پئی شُکر کر کے لئی جائے۔

۱-تِیمُتِھیُس 5:14

سو مَیں چاہناں آں۔ پئی مُٹیار رَنڈِیاں ویاہ کر لین۔ تے اولاد جمّن تے گھر دا بندوبست کرن۔ تے کوئی وَیری بھلا بُرا نا آکھ سکے۔

عِبرانیوں 13:4

ویاہ کرناں ساریاں وِچ عِزّت دی گلّ سمجھی جائے تے کوئی زنا نا ہوئے۔ ایس لئی پئی خُدا زناکاراں تے حرامکاراں دا نیاں کرے گا۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔