۱-تِیمُتِھیُس 4:16 - پنجابی نواں عہد نامہ نظرثانی شدہ چھپائی

¹⁶ اپنی تے اپنی تعلِیم دی راکھی کر۔ اوہناں گلّاں اُتّے پَکّا رہو۔ کیوں جو اجیہا کرن نال تُوں اپنی تے سُنن والیاں دی نجات دا سبّب ہوویں گا۔

۱-تِیمُتِھیُس 4:16 Iomraidhean Croise

مرقس 13:9

پر تُسی خبردار رہو۔ کیوں جو اوہ تُہانوں مجلسیاں دے حوالے کرن گے۔ تے عبادت خانیاں وِچ تُسی مار کھاؤ گے۔ تے حاکماں تے بادشاہاں دے اگّے میرے سببّوں کھلے کِیتے جاؤ گے۔ تاں جو اوہناں دے لئی گواہی ہوئے۔

لُوقا 21:34

پر ہُشیار رہو۔ کِتے تُہاڈے دِل بوہتا کھان پِین تے نشئی ہون تے زِندگی دی فِکراں نال بھارے نا ہو جان۔ تے اوہ دِہاڑا تُہاڈے اُتّے پھاہی وانگُوں جھٹ پَٹ آ پَوے۔

اعمال 26:22

پر خُدا دی مدد نال مَیں اَج دے دِن تِیکر کھلوتا ہویا آں۔ تے نِکّیاں وڈّیاں اگّے گواہی دینا آں تے جیہڑیاں گلّاں نبیاں تے مُوسیٰ نے دسیاں سن پئی ہون والیاں نیں۔ اوہناں دے بِناں ہور کُجھ مَیں نئیں آکھدا۔

اعمال 6:4

تے اسی آپ دُعا تے کلام دی خِدمت وِچ رُدھے رہاں گے۔

رُومِیوں 11:14

پئی مَیں کِسے طرح اپنی قوم والیاں نُوں غیرت دواکے اوہناں وِچوں کئیاں نُوں بچاواں۔

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

۱-کُرِنتھِیوں 1:21

ایس لئی پئی جد خُدا دی دنائی دے سببّوں دُنیا اپنی دنائی نال خُدا نُوں نا سہاتا۔ تَد خُدا نُوں ایہہ چَنگا لگّا۔ پئی ایس منادی دی مُورکھ دی راہِیں اِیمان لیاؤن والیاں نُوں نجات دیوے۔

۱-کُرِنتھِیوں 9:22

کمزوراں لئی مَیں کمزور بنیا۔ تاں جو کمزوراں نُوں کھِچّ لیاواں۔ مَیں ساریاں بندیاں لئی سبھ کُجھ بنیا ہویا آں۔ تاں جو کِسے طرح نال بعضیاں نُوں بچاواں۔

۱-کُرِنتھِیوں 9:27

سگوں مَیں اپنے جِسم نُوں مار دا کُٹدا تے اوہنوں قابُو وِچ رکھنا آں تاں جو اجیہا نا ہوئے پئی ہورناں وِچ منادی کر دا کر دا آپی قبول نا ہوواں۔

اِفسِیوں 4:14

پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

کُلُسِّیوں 4:17

تے خط جیہڑا لَودِیکیہ وِچوں آوے پڑھ لوؤ۔ تے ارخِپُّس نُوں آکھنا پئی جیہڑی خِدمت تینُوں خُداوند ولّوں مِلی اے۔ اوہنوں ہوش نال سمبھالِیں۔

۱-تھِسّلُنِیکوں 2:16

اوہ سانُوں غیر قوماں اگّے اوہناں دی نجات لئی کلام سُنان توں ڈَکدے نیں تاں جو اوہناں دے گُناہاں دا پیالہ سدا بھریا رہے۔ پر اوہناں اُتّے حد درجے دا غضب آگیا۔

۱-تِیمُتِھیُس 1:3

جیویں مَکِدُنیہ جان دے ویلے مَیں تینُوں نصِیحت دِتّی سی۔ پئی اِفِسُس وِچ رہ کے بعضیاں بندیاں نُوں حُکم دَیا کر پئی اوہ ہور طرح دی تعلِیم نا دین۔

۱-تِیمُتِھیُس 4:15

ایہناں گلّاں دا فِکر کر تے ایہناں وِچ لگّا رہو۔ تاں جو تیرے وَدھن دا ساریاں نُوں پتا لگّے۔

۱-تِیمُتِھیُس 4:6

جے تُوں بھراواں نُوں ایہہ گلّ یاد کرائیں گا۔ تے مسِیح یِسُوع دا چَنگا خادم بنیں گا۔ تے اِیمان تے اوس چنگی سِکھیا نال جِنہاں نُوں تُوں مَندا آیا ایں پلدا رہیں گا۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

۲-تِیمُتِھیُس 3:14

پر تُوں اوہناں گلّاں اُتّے جیہڑیاں تُوں سِکھیاں سن۔ تے جِنہاں دا یقِین تینُوں دوایا گیا سی ایہہ جان کے قیم رہ پئی تُوں کِنّاں لوکاں کولوں سِکھیاں سن۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

طِطُس 1:9

تے اِیمان دے کلام نُوں جیہڑا ایس تعلِیم دے سببّوں اے پَھڑی رکھّے۔ پئی ٹھیک تعلِیم نال نصِیحت وی کرے۔ تے مخالفاں نُوں وی منائے۔

طِطُس 2:15

پُورے اختیار نال ایہہ گلّاں آکھ تے نصِیحت دے تے جِھڑک کوئی تینُوں ماڑا نا سمجھے۔

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔

فلِیمون 1:19

مَیں پَولُس اپنی ہتّھِیں لِکھنا آں پئی مَیں آپی دے چھڈاں گا۔ تے ایس گلّ دے آکھن دی لوڑ نئیں پئی میرا قرض جیہڑا تیرے ولّ اے اوہ تُوں آپی ایں۔

عِبرانیوں 12:15

دھیان نال ویکھدے رہو۔ پئی کوئی بندہ خُدا دے فضل توں خالی نا رہ جائے۔ اینج نا ہوئے۔ پئی کوئی کَوڑی جڑ پُھٹ کے تُہانوں دُکھ دے تے اوہدے سبّب بُہتے لوک پلِیت ہو جان۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

یعقُوب 5:20

تے اوہ ایہہ جانے پئی جیہڑا کِسے گُناہی نُوں اوہدے گُھس جان توں فیر لیاوے گا۔ اوہ اِک جان نُوں مَوت توں بچائے گا۔ تے بتھیرے گُناہاں اُتّے پردہ پائے گا۔