۱-تِیمُتِھیُس 4:10 - پنجابی نواں عہد نامہ نظرثانی شدہ چھپائی

¹⁰ کیوں جو اسی ایسے واسطے محنت تے جتن کرنے آں۔ پئی ساڈی آس اوس جِیوندے خُدا توں اے جیہڑا سارے بندیاں نُوں نجات دین والا اے۔ تے خاص کر اِیمان والیاں نُوں۔

۱-تِیمُتِھیُس 4:10 Iomraidhean Croise

متّی 16:16

شمعُون پطرس نے جواب دے کے آکھیا۔ تُوں تے مسِیح ایں زِندہ خُدا دا پُتر۔

متّی 27:43

اوہ خُدا اُتّے بھروسا رکھدا اے۔ جے اوہ اوہنوں چاہندا اے تَد ہُن اوہنوں چھڈاوے کیوں جو اوس آکھیا۔ پئی مَیں خُدا دا پُتر آں۔

یُوحنّا 1:29

دُوجے دِن یُوحنّا یِسُوع نُوں اپنے ولّ آؤندیاں ویکھ کے آکھیا ویکھو خُدا دا برّہ جیہڑا دُنیا دا گُناہ چُک لے جاندا اے۔

یُوحنّا 4:42

تے اوہناں عورت نُوں آکھیا ہُن تیرے ای آکھن نال اسی نئیں مَن دے ایس لئی پئی اساں آپی سُنیا اے۔ تے معلُوم کِیتا پئی ایہہ ٹھیک دُنیا دا بچاؤن والا اے۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۲-کُرِنتھِیوں 1:10

سو اوسے سانُوں ایڈی وڈّی ہلاکت توں چھڈایا تے چھڈاوے گا تے سانُوں اوہدے توں آس اے۔ پئی اگّے نُوں وی چھڈاؤندا رہے گا۔

۱-تِیمُتِھیُس 2:3

ایہہ ساڈے نجات دین والے خُدا نُوں پسند تے چَنگا لگدا اے۔

۱-تِیمُتِھیُس 2:4

اوہ چاہندا اے پئی سارے لوک نجات پان۔ تے سچیائی دی پچھان تِیکر اَپڑ جان۔

۱-تِیمُتِھیُس 2:6

جِس سبھناں دی تھانویں ڈنڈ بھرن لئی اپنا آپ دے دِتّا۔ پئی ویلیاں سِر اوہدی گواہی دِتّی جاوے۔

۱-تِیمُتِھیُس 3:15

تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

۱-تِیمُتِھیُس 6:17

ہُن دے جہان دیاں دَولت منداں نُوں حُکم دے۔ پئی مغرُور نا ہون تے قیم نا رہن والی دَولت اُتّے نئیں سگوں خُدا اُتّے آس رکھن۔ جیہڑا سانُوں سواد لین واسطے سارِیاں شیواں کُھلے دِل نال دیندا اے۔

عِبرانیوں 11:26

تے مسِیح لئی طعنے مِہنے جِرنا مِصر دے خزانیاں نالوں وڈّی دَولت جانیا کیوں جو اوہنوں اَجر دا خیال سی۔

عِبرانیوں 13:13

ایس لئی آؤ اسی اوہدی بے عِزّتی سہہ کے ڈیریوں باہر اوہدے کول چلّئے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-یُوحنّا 2:2

تے اوہ ساڈے گُناہاں دا کفّارہ اے۔ تے نِرے ساڈیاں دا ای نئیں سگوں ساری دُنیا دا وی۔

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔