۱-تِیمُتِھیُس 3:4 - پنجابی نواں عہد نامہ نظرثانی شدہ چھپائی

⁴ اپنے گھر دا چنگی طرح بندوبست کرن والا ہوئے تے اپنیاں بچّیاں نُوں پُوری سنجِیدگی نال تابعیاں رکھن والا ہوئے۔

۱-تِیمُتِھیُس 3:4 Iomraidhean Croise

اعمال 10:2

اوہ اپنے سارے گھرانے سَنے دِیندار تے خُدا کولوں ڈردا سی۔ تے لوکاں نُوں بُہت خَیرات دیندا تے نِت خُدا کولوں دُعا منگدا سی۔

اِفسِیوں 5:24

پر جیویں کلِیسیا مسِیح دے تابعیاں اے۔ اوسے طرح زنانِیاں وی سبھناں گلّاں وِچ اپنے گھر والیاں دے تابعیاں ہون۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

۱-تِیمُتِھیُس 3:12

خادم اِکّو اِک زنانی دے بندے ہون تے اپنے اپنے بچّیاں تے گھراں دا چنگی طرح بندوبست کر دے ہون۔

طِطُس 1:6

جیہڑے بے الزام تے اِک زنانی دے گھر والے ہون۔ تے اوہناں دی اولاد اِیمان والی ہوئے تے بدچلنی تے سرکشی دے سبّب بدنام نا ہوئے۔

طِطُس 2:2

ایہہ پئی بُڈّھے پرہیزگار سنجیدہ تے سُرت والے ہون۔ اوہناں دا اِیمان۔ تے مُحبّت۔ تے صبر ٹھیک ہوئے۔

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔