۱-تِیمُتِھیُس 3:3 - پنجابی نواں عہد نامہ نظرثانی شدہ چھپائی

³ تے نا نشے وِچ ڈنڈ پان والا تے نا مارن کُٹّن والا ہوئے سگوں حلِیم ہوئے۔ تے جھگڑا کرن والا تے پَیسے دا پیارا نا ہوئے۔

۱-تِیمُتِھیُس 3:3 Iomraidhean Croise

متّی 21:13

تے اوہناں نُوں آکھن لگّا پئی لِکھیا ہویا اے ”میرا گھر دُعا بندگی دا گھر اکھوائے گا“ پر تُسی اوہنوں ڈاکُوؤاں دی کھوہ بناندے اوہ۔

اعمال 20:33

مَیں تے کِسے دی چاندی یا سونے یا کپڑے دا لالچ نئیں کِیتا۔

رُومِیوں 16:18

کیوں جو ایہو جِہے ساڈے خُداوند مسِیح دے غلام نئیں سگوں اپنے ڈِھڈ دے غلام نیں۔ تے چوپڑیاں چاپڑیاں گلّاں نال اوہ بھولیاں دیاں دِلاں نُوں بھچلاندے نیں۔

اِفسِیوں 5:18

تے شراب پی کے مست نا ہوؤ۔ کیوں جو ایہدے وِچ بدچلنی ہوندی اے۔ سگوں رُوح نال بھر دے جاؤ۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۱-تِیمُتِھیُس 3:8

ایسے طرح معاونین نُوں وی سنجیدہ ہونا چاہیدا اے۔ نِگلّے تے شرابی تے ناجائز نفع لین دے لالچی نا ہون۔

۲-تِیمُتِھیُس 3:2

پئی بندے خود غرض پَیسے دے پیارے شیخی مارن والے مغرُور بُرا آکھن والے ماں پئیو دے نافرمان ناشکرے تے ناپاک۔

طِطُس 1:11

اوہناں دا مُنھ بند کرنا چاہیدا اے اوہناں لوکاں ناجائز نفع لئی بَھیڑیاں گلّاں سِکھا کے گھراں دے گھر اُجاڑ چھڈے۔

طِطُس 1:7

کیوں جو نِگہبان ایس واسطے پئی خُدا دا مُختِیار اے بے الزام ہونا چاہیدا اے۔ نا ضِدی ہوئے۔ نا غُصّے والا۔ نا نشئی ہو کے شور کرن والا۔ نا مارن والا۔ نا ناجائز نفع دا لالچی۔

طِطُس 2:3

ایسے طرح بُڈِّھیاں زنانِیاں دی چال ڈھال ادب والی ہوئے۔ چُغلی کرن والِیاں تے شرابی نا ہون پر ٹھیک گلّاں دسن والِیاں ہون۔

طِطُس 3:2

کِسے نُوں بُرا بھلا نا آکھن۔ جھگڑالو نا ہون پر نرم طبیعت ہون تے سارے بندیاں نال حلِیمی دا سلُوک کرن۔

عِبرانیوں 13:5

رُپئے دی مُحبّت تُہاڈے وِچ نا ہوئے۔ جو کُجھ تُہاڈے کول اے اوہدے اُتّے صبر کرو۔ کیوں جو اوس آپ آکھیا اے۔ پئی مَیں تُہانوں نا کدی وساراں گا۔ تے نا کدی تُہانوں چھڈاں گا۔

یعقُوب 4:1

تُہاڈے وِچ لڑائِیاں تے جھگڑے کِتّھوں آ گئے نیں ایہہ اوہناں خواہشاں توں نئیں جیہڑیاں تُہاڈے انگاں وِچ فساد کر دِیاں نیں؟

۱-پطرس 5:2

پئی خُدا دے اوس اِجّڑ دی رکھوالی کرو۔ جیہڑا تُہاڈے وِچ اے۔ لاچاری نال نِگہبانی نا کرو۔ سگوں خُوش ہو کے خُدا دی مرضی نال۔ تے ناجائز نفع واسطے نئیں سگوں دِل دے شَوق نال۔

۲-پطرس 2:3

تے اوہ لالچ نال داء والیاں گلّاں بنا کے تُہانوں ویچ چھڈن گے۔ تے جیہڑا مُڈھوں اوہناں دی سزا دا حُکم ہوگیا اے۔ اوہدے آؤن وِچ کوئی چِر نئیں تے اوہناں دی ہلاکت سَوندی نئیں۔

یہُوداہ 1:11

اوہناں اُتّے افسوس اے پئی اوہ قائن دے راہ ٹُرے تے مزدُوری دے بدلے بڑے لالچ نال بِلعام وانگُوں بدراہ ہوگئے۔ تے قورح وانگُوں برخلاف ہو کے برباد ہوئے۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔