۱-تِیمُتِھیُس 3:16 - پنجابی نواں عہد نامہ نظرثانی شدہ چھپائی

¹⁶ ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۱-تِیمُتِھیُس 3:16 Iomraidhean Croise

متّی 1:23

”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“

متّی 13:11

اوس اوہناں نُوں جواب دِتّا تے آکھیا۔ اسمان دی بادشاہی دے بھیتاں نُوں جان لینا تُہانوں بخشیا گیا اے۔ پر ایہناں نُوں ایہہ بخشیا نئیں گیا۔

متّی 28:2

تے ویکھو اِک بڑا بُھچال آیا ایس لئی پئی خُداوند دا فرِشتہ اسمانوں اُتر کے نیڑے آیا۔ تے اوس پتّھر نُوں رِیہڑ کے اوہدے اُتّے بَہہ گیا۔

متّی 3:16

تے یِسُوع بپتِسمہ لے کے جھٹ پانیوں باہر نِکل آیا۔ تے ویکھو اسمان اوہدے لئی کُھل گیا تے اوس خُدا دے رُوح نُوں کبُوتر وانگُوں اُتر دیاں تے اپنے اُتّے آؤندیاں ویکھیا۔

متّی 4:11

تَد ابلیس اوہنوں چھڈ گیا تے ویکھو فرِشتیاں کول آ کے اوہدی خِدمت کِیتی۔

مرقس 1:13

تے بیابان وِچ چالی دِن شیطان اوہنوں ازماؤندا رہیا۔ تے اوہ بیابانی جنَوراں دے نال رہندا سی تے فرِشتے اوہدی سیوا کر دے سن۔

مرقس 16:19

فیر خُداوند یِسُوع اوہناں نال کلام مُکا کے اسمان اُتّے اُٹھا لیا گیا۔ تے خُدا دے سَجّے ہتّھ جا بَیٹھا۔

مرقس 16:5

تے قبر وِچ جا کے اوہناں اِک جوان نُوں چِٹّے کپڑے پایاں ہویاں سَجّے پاسے بَیٹھا ویکھیا۔ تے اوہ گھبرا گِئیاں۔

لُوقا 2:32

غیر قوماں واسطے معرفتی نُور تے تیری اُمّت اِسرائیل دا جلال۔

لُوقا 20:44

سو داؤد تے اوہنوں خُداوند آکھدا اے۔ فیر اوہ پُتر کِیویں ہویا؟

لُوقا 22:43

تے اسمانوں اِک فرِشتے اوہنوں وکھالی دِتّی۔ اوہ اوہنوں طاقت دیندا سی۔

لُوقا 24:4

تے ایویں ہویا جد اوہ ایس گلّے حَیران سن تے ویکھو دو بندے چمکن والے کپڑے پائے ہوئے اوہناں دے کول آکھلوتے۔

لُوقا 24:51

تے ایویں ہویا پئی جد اوہناں نُوں برکت پیا دیندا سی۔ تے اوہ اوہناں توں وَکھ ہویا۔ تے اسمان اُتّے چُکیا گیا۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 13:3

تے رات دی روٹی کھاندیاں ہویاں یِسُوع ایہہ جان کے پئی باپ نیں سبھ کُجھ میرے ہتّھ وِچ دِتّا تے مَیں خُدا ولّوں آیا تے خُدا کول جاناں آں۔

یُوحنّا 15:26

پر جدوں اوہ مددگار آوے گا جِہنُوں مَیں باپ ولّوں تُہاڈے کول گھلاں گا۔ یعنی سچیائی دا رُوح جیہڑا باپ ولّوں نِکلدا اے تے اوہ میری بابت گواہی دے گا۔

یُوحنّا 16:28

مَیں باپ وِچوں نِکلیا تے دُنیا وِچ آیا آں۔ فیر دُنیا توں وِداع ہو کے باپ کول جاناں آں۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 20:12

پئی دو فرِشتے چِٹّے کپڑے پائے ہوئے اِک سرہانے تے دُوجا پیندانے جِتّھے یِسُوع دی لوتھ پئی سی۔ بَیٹھے نیں۔

یُوحنّا 6:62

جے تُسی اِبنِ آدم نُوں اوس تھاں جِتّھے پہلاں سی چڑھدیاں ویکھو تَد کِیہ ہوئے گا؟

اعمال 1:19

تے ایہہ حال یرُوشلِیم دے سارے رہن والیاں نُوں معلُوم ہویا ایتھوں تِیکر پئی اوہناں دی بولی وِچ اوس پَیلی دا ناں ہَقَل دما یعنی خُون دی پَیلی پَے گیا۔)

اعمال 10:34

تَد پطرس نے مُنھ کھول کے آکھیا۔ سَچ مُچ مَیں جان لیا پئی خُدا کِسے دا لحاظ کرن والا نئیں۔

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

رُومِیوں 10:12

کیوں جو یہُودی تے یُونانی وِچ کُجھ فرق نئیں اے۔ ایس لئی پئی سبھناں دا اوہی خُدا اے۔ جیہڑا اپنے سوالِیاں دے لئی دَھنّی اے

رُومِیوں 10:18

پر مَیں آکھنا آں کِیہ اوہناں نئیں سُنیا؟ بے شک اوہناں دی اواز ساری دھرتی اُتّے نِکل ٹُری تے اوہناں دا کلام دُنیا دِیاں حداں تِیکر۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

رُومِیوں 16:26

پر ہُن نبیاں دِیاں کِتاباں دی راہِیں ظاہر کِیتا گیا۔ تے ہمیشہ دے خُدا دے حُکم دے سببّوں سارِیاں قوماں نُوں ایس لئی دسیا گیا۔ پئی اوہ اِیمان دے تابعدار ہون۔

رُومِیوں 3:4

کدی نئیں سگوں خُدا سَچّا ٹھہرے۔ بھانویں سارے بندے جُھوٹھے ہون جیویں لِکھیا اے۔ پئی تُوں اپنیاں گلّاں وِچ سَچّا ٹھہریں۔ تے عدالت وِچ جِت جاویں۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

رُومِیوں 9:5

بزُرگ اوہناں دے نیں۔ نالے مسِیح جِسم ولّوں اوہناں وِچوں ہویا جیہڑا سبھناں توں اُچّا خُدا سدا توڑی مُبارک اے آمِین۔

۱-کُرِنتھِیوں 15:47

پہلا بندہ زمین وِچوں یعنی خاکی سی دُوجا بندہ اسمانی اے۔

۱-کُرِنتھِیوں 2:7

سگوں اسی خُدا دی اوہ لُکی ہوئی حِکمت بھیت وانگر بیان کرنے آں۔ جِہنُوں خُدا نے دُنیا دے مُڈھ توں پہلاں ساڈے جلال واسطے مُقرّر کِیتا سی۔

۲-کُرِنتھِیوں 1:19

کیوں جو خُدا دا پُتر یِسُوع مسِیح جِہدی منادی اساں یعنی مَیں تے سِلوانُس تے تِیمُتِھیُس نیں تُہاڈے وِچ کِیتی۔ اوہدے وِچ ہاں تے نئیں دونویں نئیں سن۔ سگوں اوہدے وِچ ہاں ای ہاں ہوئی۔

گلتِیوں 2:8

(کیوں جو جِس سُنتِیاں دی رسالت لئی پطرس وِچ اثر کِیتا اوسے ای غیر قوماں لئی میرے وِچ اثر کِیتا۔)

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔

اِفسِیوں 1:9

تے نالے اوہنے اپنی مرضی دے بھیت نُوں اپنے اوس نیک اِرادے دے سببّوں ساڈے اُتّے کھولیا جیہڑا اوہنے اوہدے وِچ دھاریا سی۔

اِفسِیوں 6:19

تے میرے لئی وی۔ تاں جو بولن دے ویلے مَینُوں کلام کرن دی ہِمّت مِلے۔ جِہدے نال مَیں ایس خُوشخبری دے بھیت نُوں دلیری نال ظاہر کراں۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

۲-تھِسّلُنِیکوں 1:10

ایہہ اوس دِن ہوئے گا۔ جدوں اوہ اپنے پاک لوکاں وِچ جلال پان تے ساریاں اِیمان لیاؤن والیاں لئی اچرج دسن لئی آوے گا۔ کیوں جو تُساں ساڈی گواہی اُتّے اِیمان لیاندا۔

۲-تھِسّلُنِیکوں 2:7

کیوں جو بے دِینی دا بھیت ہُن وی عمل پیا کر دا اے۔ پر ہُن اِک ڈکن والا اے۔ تے جد تِیکر اوہ ہٹایا نا جائے ڈکدا رہے گا۔

۱-تِیمُتِھیُس 3:9

تے خُدا دے اِیمان دے بھیت نُوں صاف دِل وِچ حفاظت نال رکھن۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 12:2

تے اِیمان دے بانی تے کامِل کرن والے یِسُوع نُوں ویکھدے رہیئے۔ جِس اوس خُوشی دے سبّب جیہڑی اوہدے اگّے پئی ہوئی سی بے عِزّتی دی پرواہ نا کِیتی تے صلِیب دا دُکھ جَھل کے خُدا دے تخت دے سَجّے پاسے جا بَیٹھا۔

عِبرانیوں 7:7

ایہدے وِچ شک نئیں پئی نِکّا وڈّے کولوں برکت لَیندا اے

عِبرانیوں 8:1

ہُن جیہڑیاں گلّاں اسی پئے آکھنے آں اوہناں وِچوں وڈّی گلّ ایہہ اے پئی ساڈا اجیہا سردار کاہِن اے۔ جیہڑا اسماناں اُتّے جناب باری دے تخت دے سَجّے پاسے بَیٹھا اے۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-پطرس 1:20

تے خُدا نُوں دُنیا دے بنن توں پہلاں اوہدا عِلم سی پر تُہاڈی خاطر چھیکڑے ویلے ظاہر کِیتا گیا۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-پطرس 3:22

اوہ اسمان اُتّے جا کے خُدا دے سَجّے پاسے بَیٹھا ہویا اے تے فرِشتے تے اختیار تے قُدرتاں اوہدے تابعیاں کِیتیاں گِئیاں نیں۔

۱-یُوحنّا 1:2

(ایہہ زِندگی ظاہر ہوئی تے اساں اوہنوں ویکھیا۔ تے اوہدے اُتّے گواہی دینے آں۔ تے اوسے سدا دی زِندگی دی تُہانوں خبر دینے آں۔ جیہڑی باپ دے نال سی۔ تے ساڈے اُتّے ظاہر ہوئی۔)

۱-یُوحنّا 3:5

تے تُسی جان دے ہو۔ پئی اوہ ایس لئی ظاہر ہویا پئی گُناہ نُوں چُک لے جائے تے اوہدی ذات وِچ گُناہ نئیں۔

۱-یُوحنّا 3:8

جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

مُکاشفہ 17:5

تے اوہدے مَتّھے اُتّے ایہہ ناں لِکھیا ہویا سی۔ بھیت۔ وَڈا بابل۔ کسبیاں تے دھرتی دِیاں پلِیتیاں دی ماں۔

مُکاشفہ 17:7

اوس فرِشتے مَینُوں آکھیا تُوں کاہدے توں حَیران ہویا ایں؟ اوس زنانی تے اوس پشُو دا جِہدے اُتّے اوہ سوار اے۔ تے جِہدے سَتّ سِر تے دَس سِنگ نیں تینُوں بھیت دسنا آں۔

مُکاشفہ 7:9

اوہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی ہر اِک قوم تے گھرانے تے اُمّت تے اہلِ زبان دی اِک ایڈی وڈّی بِھیڑ جِہنُوں کوئی گِن نئیں سکدا چِٹّے کپڑے پا کے تے کھجور دِیاں ٹہنِیاں اپنیاں ہتّھاں وِچ لے کے تخت تے لیلے دے اگّے کھلوتی اے۔